السوق ومشاكله

[الهمس]

هذه مجاره لأحد الأخوه اعجبني ما كتبته فجاريته كما ترون

الجبال الي صعيبه كيف توصفها سهاله

الكسول الا بغاها تتعبه زود الكساله

مثل هذا يارفيقي النقا الا العصا له

كان توصل للملك يا صاحبي با لله فساله

وش علوم اسعارنا ما بيننا والسوق ماله

بعد ما جتنا زياده كل واحد في حلاله

كنهمم مستكثرين اربع ميه وش ذا البخاله

زادوا اسعار المتاجر كل مركز في محًاله

وانتهى حلم الغلابه كن قونو مر شاله

الزياده والرواتب كلها راحت نشاله

واصبح العايل بورطه داخل البيت ابعياله

والوزاره ياملكنا كل واحد في مناله

الوزير احجاب دونه همهم ترويق باله

بشته اطول من ثيابه كيف يتلبس نعاله

لا طلع صًرح تلعثم هذه احلى خصاله

وان تلخبط في سؤاله كنه ايعدل عقاله

ضوه اطفته الحظاره واختفت منها دلاله

سيدي انتم املنا انتم اصحاب الجلاله

انقذونا يابو متعب يا اصيل ابن الأصاله

الولا لك يابو متعب وانحن اعيال الحماله

انت للمظلوم ملجا وانت ياسيدي مأله

انت للعليا مؤهل والشرف انت اكتماله

انت حلم الأمه جمعا بيدك القدس ابنناله

اعرف ان الحلم لا جا عند عبدالله ابنطاله

العطايا من يمينه ما درت عنها شماله

[علي السبيَه]

الله عليك ياالهمس قصيده رائعه بروعة الهمس
ابدعت واجدت في نضمها وصح لسانك ملايين
تقبل مروري المتواضع وخالص تقديري واحترامي

[صقر الجنوب]

القصيدة أكثر من رائعة بيض الله وجهك وماهو غريب الابداع على امثالك ..
أما بخصوص الاسعار وارتفاعها فلا نظلم التجار .. الحقيقة أن قيمة الريال هي التي انخفظت والريال مرتبط بالريال ويقيم على اساس 3.75 ريال كان هذا التقييم عادلا لكنه الان لايساوي اكثر من 2.70 فلماذا تصر وزارة الماليه بعدم اعادة التقييم او فك الارتباط بينه وبين الريال او يقيم بالعملة الاوروبية اليورو ...
اعتقد ان مجلس الشورى يبحث أمر كهذا في هذه الايام ..

[الهمس]

علي السبيه بارك الله فيك ومرورك على راسي وشرف عظيم

صقر الجنوب وش فيك سلامات لخبطت الريال ودخلته باليورو وعفست العمله يارجل
اجل الريال يساوي 3.75 ريال

بس خلني اقول لك شيء
ياخوي سوقنا وحوش فيه نهب وفيه نصب وفيه تلاعب بالاسعار ولا تروح بعيد مر السوق وشف لك سلعه واسال عن سعرخها في ثلاث محلات جنب بعض ستجدها متفاوتة السعر
اين وزارة التجاره اين مكافحة الغش التجاري
نفسي بس اشوف واحد منهم بس اعرف هل هم زينا بشر والا لهم مواصفات اخرى
راقدين مافيه اي رقابه
البنقاليه لعبوا بالسوق لعب
والله يستر من الجاي
تحياتي

[علي الغبيشي]

صح لسانك يالهمس ما قصرت مبدع كالعادة
لك مني كل التقدير