الهمس

[علي السبيَه]

قصيده اداعب فيها شاعرنا القدير الهمس ولاحد
يفهمها غلط تراهي مجرد مداعبه بين الاحبه

ذبحتني ياالهمس والله حسيبك......... احس حولي كل شي اسمه الهمس
وشلون اسيبك قول وشلون اسيبك...... سيطرت ياسيدي على كامل الحس
لانامت اعيوني حلومي تجيبك....... ..والى صحت قلبي حوا حلمها امس
لاني من احبابك ولاني قريبك.......ولاني من اللي في هوى الناس يندس
دوختني وازريتني الله يصيبك..... .من شافني قال اعترا عقله المس
ياليتني سلطان وامري يجيبك... .واجس نبضك دام لك نبض ينجس
واقرا لك الكف قبل تلقا نصيبك......... .واكحّل اهداب العيون النواعس
هذه القصيده وانت يغلبك طيبك....... ..يفوق علمك عن علوم المدارس
والله يعيب اللي كلامه يعيبك........ .ماقصدي الا امزح معك واتونس

[أم رتيبة]

رائع أسلوبك
رائعة كلماتك
رائعة أحاسيسك
أخى على السبيــَّة ...شكرا لك


واقرا لك الكف قبل تلقا نصيبك......... .واكحّل اهداب العيون النواعس
قراءة الكف حرام

[علي السبيَه]

شكرا على مرورك الكريم وتعليقك الراقي
وشكرا على التنبيه ياست الستات ياام رتيبه

[صقر الجنوب]

ذبحتني ياالهمس والله حسيبك......... احس حولي كل شي اسمه الهمس
وشلون اسيبك قول وشلون اسيبك...... سيطرت ياسيدي على كامل الحس
لانامت اعيوني حلومي تجيبك....... ..والى صحت قلبي حوا حلمها امس
لاني من احبابك ولاني قريبك.......ولاني من اللي في هوى الناس يندس
دوختني وازريتني الله يصيبك..... .من شافني قال اعترا عقله المس
ياليتني سلطان وامري يجيبك... .واجس نبضك دام لك نبض ينجس
واقرا لك الكف قبل تلقا نصيبك......... .واكحّل اهداب العيون النواعس
هذه القصيده وانت يغلبك طيبك....... ..يفوق علمك عن علوم المدارس
والله يعيب اللي كلامه يعيبك........ .ماقصدي الا امزح معك واتونس

صح لسانك ياشاعر بني حسن واعرف المحبة التي يكنها كلا منكما للاخر عشتم دائما على المحبة ...

[الهمس]

ارحب بكم جميعا ولك ايها الشاعر العذب الجميل السبيه
الحقيقه انك تستوقفني دائما وتبعث بالحماسه داخلي تداعبني دائما بالجمال والروعه فتجبر الحرف ان يتطوع غصبا المجاراتك
تقبل تحياتي واليك هذا الرد المتواضع




يالطيب اللي سعد من هو حبيبك=ياللي ملكت الجود يا حالي الهمس

الجود فوقوالطيبه كلٍ ٌطري بك=ماخالطه شكه ولا خالطه جس

ابدعت يالغالي عسى الله يثيبك=يالي جمال الشعر بيديك ينعس

انت لجمال الي نثرته ربيبك=قول الجمال ابن السبيه له او بس

لا قلت بيت احس كلٌ تريبك=ياليت كل اللي قصد عندك ادرس

الشعر عندك والا غيرك تشيبك=البيت زفيته على الشعر واعرس

جمال ما تكتب والاطياب عيبك=حي العيوب اللي في الزين تغمس

خلك من الهمس اتركه لايشيبك=لو تعرفه تترك قصيدك وتفلس

دع ما يريبك عند مالا يريبك=والا يشيب ابن السبيه مهوجس

[علي السبيَه]

صح لسانك ياشاعر بني حسن
..........................................
اعطيتاني اكبر من حقي ياصقرالجنوب وبعدين
الدرمحي لايسمع بها ضاق وكيف نقول ونرضيه
على كل حال اشكرك من اعماق قلبي على كلاماتك
التي تعتبر لي حافز وانا لو مايقرا قصيدتي الا
صقرالجنوب يكفيني شرف وفخر
لك مني خالص التقدير ووافر الاحترام

[أم رتيبة]

خلك من الهمس اتركه لايشيبـك
لو تعرفه تترك قصيدك وتفلـس

أوع وشكـ

[علي السبيَه]

خلك من الهمس اتركه لايشيبـك
لو تعرفه تترك قصيدك وتفلـس

دع ما يريبك عنـد مـالا يريبـك
والا يشيب ابن السبيه مهوجـس
..............................
ياخي انت مبدع وانا مصر على هواجيسي
خليني اشوف وش النهايه مع قلبي المطفوق

هوجست بك وانا مرضك وطبيبك........لو جاك غيري يدّعي الحب قول اخس
للهمس ياقلبي توالي نحيبك.............ليته يمرك تالي الليل و يعس
لو قلت ياالهمس ابتعد وش نبي بك...ماطاعني قلبي ولا طاعت النفس
لاجاني المرسول واقبل نديبك.......سويت له في داخل القلب مجلس
اهل المحبه شرعهم يقتدي بك.......والحب عند اهل المحبه مقدس
وانا لك الله خاطري منتهي بك.....ياللي على تعذيب غيره تمرس
الى قريت اسمك قليبي تشربك....كنه رمي من طلقتن من مسدس
لاقلت لك ياصاحبي اعطف بربك....تعود تتغلى علينا و تحنس
اعتق علي قدام ربي يشبك.....القلب لك منساق والحظ منحس

[أم رتيبة]

اهل المحبه شرعهم يقتدي بك.......والحب عند اهل المحبه مقدس

راااائع

http://www.l22l.com/l22l-up-1/02465329c8.jpg

[علي السبيَه]

اشكرك من اعماق قلبي على تواصلك
المستمر ياست الستات ياام رتيبه وانا
ودي اهدي لك حمامه من الحمام الزاجل
لكن محسوبك غشيم في امور الكمبيوتر
ولا اعرف كيف انزل الصور
على كل حال تشرفت بمرورك الكريم

[أم رتيبة]

وكأن الهدية وصلت
ومعاها اجمل سلام

حمامة زاجل فرحت
وشايلة احلى كلام

[الهمس]

تبادل طيور وصقور وعلوم طيبه طيب طير منفلت يوصل الهمس خلوه يحلق معكم
الحقيقه ياجماعه والله ام رتيبه تستاهل وسام من الدرجه ألأولى ام رتيبه وش رايك في مفاجاه من مفاجاة الهمس؟
انتي لا يكفي في الثناء عليك صفحات المنتدى باكلمه لكن اقبليها من اخ صادق في كلامه ولا يملك سواها
الف تحيه وشكر لك اختي

واسمع يا سبيه ولا تحاول النبش وراء الهمس صعب!!!!



يابن البسبيه باسم ربك حبيبك=خلك بعيد النار بالجمر تونس

خايف يسير الهيبها في لهيبك=وتختلط كل اللهايب وتغمس

الهمس ياالغالي لهيبه تنيهبك=واشوف ودك بالمخاطرتنيمس

كانك بغيت العلم فالهمس ينشبك=صقر الجنوب العلم عنده من ألأمس

خلك بعيد وحط يدك بجيبك=لا اقرا عليك الفاتحه ثم يونس

هامت على قافي طيورٍ تعذبك=خليتها واثرت عينان تنعس

عشقتها والعشق هرجٍ مسبك=مكنونةٍ ممنوعة الهرج واللمس

واما انت خل الهمس ما يوم سبك= خله بعيد ان كان ما تبغي الحبس

والله لو تحظر معك شيخ جنبك=ما تعرفه لو كان تشكي على القس

[أم رتيبة]

فى انتظار الهدية يا " الهمس "
وبسرعة قبل طلوع " الشمس "
وح اروّح بيها ولا ممنوع " اللمس " ؟
وهدية كبيرة .. ولا زى هدية " أمس " ؟

[علي السبيَه]

كانك بغيت العلم فالهمـس ينشبـك
صقر الجنوب العلم عنده من ألأمس
؟؟؟؟؟؟؟؟؟؟؟؟؟؟؟؟؟؟؟؟؟؟
وش يعني هذا البيت الا ان صقرالجنوب
عنده خبر الهمس وشكلهم متفقين اهل
المنتدى مع الهمس ضد علي السبيه
لكن ياخبر اليوم بفلوس بكره يبقى بلاش

بحري غوير وفيه الامواج تشبك........ماكل سابح فيه يقدر يغطرس
والمنتدى قامت صفوفه وتشبك........والهمس شفته بينهم ياتغطرس
ماضن يخرج شوكة العين مشبك......ورس حبك قبل ودك تغط رس
ياصاحب العلاّت شرّك وشع بك......بعض المرض للقلب هالك وفارس
ضيعت ياصدام نفسك و شعبك........اسعدت واشنطن وضحّكت فارس
لما احتدم حرب الخواجه وشعبك....قالو العرب صدام للحرب فارس
مادمت شاعر يفرحون البشر بك.....داوم على نقض المعاني ومارس
واللي كلامه مايجي الا بشربك......غرّب و شرّق في هروجه وما رس
تموت ضامي لوتتبرع بشربك.........ربيع الاول قابله شهر مارس

[الهمس]

لا تحسبك وصلت للهمس تحسبك=بعد ك بعيد ودربك ابعيدناحس

بعد تدوخ وصايب الهم قلبك= بعد تعود خالي اليد ناكس

والا ترى لو نايب الحرب نابك=تغدي في الميدان غبرا وداحس

يشيل ضرسك ثم سنك ونابك=تغدي بغير اسنون وش له تنافس

تغدي من الخرعه تنافض تتنبك=في وسط حرٍ كن بك برد قارس

باروعك يابن السبيه علي بك=لين السلوك اللي بمخك تلامس

اقعد بحالك خلني عنك واشبك=كم شاعرٍ خليته امسى يرافس