فتح المجال للطالبات لدراسة الصحافة

[تركي بن محمد]

--------------------------------------------------------------------------------




شعبة جديدة في جامعة الملك عبدالعزيز
فتح المجال للطالبات لدراسة الصحافة

جدة: أنس المدني، الوطن

شرع قسم الإعلام في جامعة الملك عبدالعزيز بجدة في استقبال الطالبات في شعبة الصحافة، في أول بادرة من
نوعها على مستوى المملكة, وذلك بعد سنوات من المطالبات والانتظار، وبات في وسع السعوديات
أن ينلن درجة البكالوريوس في الإعلام، ويساهمن في سد حاجة سوق العمل الماسة للإعلاميات
المتخصصات.
وقال رئيس قسم الإعلام بالجامعة الدكتور عبد الرحمن الحبيب لـ "الوطن" إنه بعد إجراء الدراسات
اللازمة وإعداد الخطة التشغيلية تمت الموافقة الرسمية على إنشاء شعبة الصحافة بقسم الإعلام بشطر
الطالبات قبل حوالي سنة ونصف السنة، على أن يسمح فقط للطالبات المقبولات في الكلية ابتداء من
العام الجامعي الحالي .


كل التوفيق






محبكم تركي

[صقر الجنوب]

وش الفائدة من دراستهن للصحافة لان مافيه وظائف

[أحلـى]

تركي بن محمد قهر كان ودي ادرس في هالمجال بس الصحافه لها مستقبل ومجال اذا ابدع الواحد فيها

تحياتي لك

[الفقيه]

السلام عليكم ورحمة الله وبركاته
ممتاز جداً ممتاز :

يصير يطلع في التلفزيون مراسلتكم من النقعه ( صندله الزهراني ) ( مسفره الغامدي ) ؟؟؟؟؟؟؟؟؟؟؟؟؟؟

الله يستر بناتنا وبنات المسلمين من الأفكار الضاله . ويرد كيد الكايدين إلى نحورهم الله هم امين .

ولك الشكر يا أخ تركي على نشاطاتك المتعدده
تقبل تحياتي
مراسلكم ( الفقيه )

[أحلـى]

هي انت الفقيه ليه انت تفكيرك لها الدرجه خاطئ لمجال دراسة الصحافه

خل تفكيرك لها المجال من كل النواحي طيب اعلاميه موشرط انك تشوف وجهها اوتعرف اسمها

يمكن بشهادتها تاخذ خبره وتستفيد في مجال الكتابه والتعقيب هذي في الصحف والمجلات

بعدين ايش الأسامي الي انت انتقيتها((صندله ))) رجاءً الألفاظ هي الي تعرفك بالشخص ذاته

تحياتي:in_love:

[الفقيه]

احلى زهرانيه لاتقولي متخلف والا ما عنده مبادي
انا من وجهة نضضري إن وحده تجر الثانيه ( من كاتبه - الى صحفيه - الى مذيعه - إلى ممثله .........الى أن تحقق اهدافهم .
اما الأسماء لم أخص شخص بعينه كل المشاركين في المنتدى افتخر فيهم , ولاكن هذه الأسماء الشايعه والمتحفضين بها لقبيلة غامد وزهران ولن تجديها في بقية القبائل
هذه وجهة نضري وانتي لك وجهة نضرك وكل عضو له وجهة نضر .
هذا وتقبلي تحياتي.

[أحلـى]

الي عنده مبادئ واسس متبعها طيلة حياته واخلاق متربي عليها مو ممكن مهنه مثل هذي تخليه يغير كل هالأمور

وبقولها لك انا بصراحه كثير من الناس كانو يقولون لديك موهبه راح تتطوار لو دخلتي هالمجال بس ماكان في مجال لها الدراسه
فالذالك لاتقول ان الي هالمهنه تندرج ضمن القائمه السوداء لديك على فكره لوكل شخص حصر موهبتة وجعلها محدوده ماشفت الكاتبات والأعلاميات الذين نحن نعشق كتاباتهم ولاشفت اي تطور بأي عمل

واعرف ان صندله وغيرها منتشره عندنا في قبائل زهران بس المثل يقول عز نفسك تجدها

تحياتي لك

[الفقيه]

من مواضيعك السابقه كنت اتوفع انك مثقفه لاعلى درجه وكنت اتوقع انك ذوق
بس من ردودك للاسف طلعتي اي كلام
وانا خايف يطلع اسمك الحقيقي صندله ؟ لأن الواضح امامي انك تدافعي عن( صندله) وتركتي ( مسفره )

واتمنى من الشباب النضر في الردود وابداء الراي والصلح في حرب داحس والغبرا.

وتقبلي تحياتي .

[أحلـى]

واووووووووو ههههههههه

روعه روعه منك يالفقيه انا اي كلام يقول الواثق مايهزه ريح وان كنت ريحاً فقد لاقيت اعصارا
بس للأسف انا اشوف ردي في قمة الذوق بس انت موراضي تستوعب خل عنك التعصب وفكر معي شوي بعقلانيه
وش الي ماعجبك في كلامي

لأخلي حرب داحس والغبرى تقوم فوق راسك

[الفقيه]

بس المثل يقول عز نفسك تجدها
هذي اللفضه من تقصدين فيها
رجاءً الألفاظ هي الي تعرفك بالشخص ذاته
وهذي بعد ماهضمتها
لاني والله العضيم اني قلت صندله مادريت ان اسمك الحقيقي صندله
ولك تحياتي
على فكره ردك الأخير برد على قلبي شوي الا كان عندي لك كلام .....................؟
وعلى فكره كمان ايش رايك في قيادة المره السعوديه للسياره خاصة عندما تتعطل مسفره لوحدها على خط الرياض مين اللي راح يساعدها وما مدى ثقتها بنفسها من بعد الساعه 2 الفجر
وعلى فكره كمان ما خلا رجل بأمرأة الاكان الشيطان ثالثهما . هذا كلام المصطفى عليه السلام .

[صوت الباحة]

المشكلة اذا كانت في الاعلام المرئي اما الباقي فلا مشكله فيه

[أحلـى]

ابو عادل وانا اقصد الشي الثاني فالصحافه مو المرئي بس الفقيه فهني غلط

وانا طبعاً ضد ان المراءه تقود السياره لأن مكانها ارقى من كذا


واكيد بنخلي لكم باقي الوضايف لأالوضايف كثيره ليه الحسد يووووووووه

بس اذا على مسفره ماعليك عن عشره من الرجال ولا كيف كانو حريم الديره اول

[الفقيه]

يا جماعة الخير ماراح تنمي مواهبها الا بالأحتكاك مع صحفيين اخرين واحد يقوم مواضيعها وواحد يرد كتاباتها وواحديقهرها وواحد يجاملها ............الخ
وعلى فكره انا اتكلم عن اهدافهم وليس المجال نفسه
ابليز افهموووووووووووووووووووووووووووووووووووني صح
واشكرك ياابو عادل على التدخل وانتي يا احلى زهرانيه على الذوق الرفيع
ولكم تحياتي

[أحلـى]

الفقيه

ياربي لاتعصب
والله اسفه الشرهه علي اني قلت رغبتي بهالمجال

تقبل تحياتي

وبدون زعل
ياحلو هروجك

[الفقيه]

تسلم على المرور بس حلاة المنتدا يكون فيه معارض ومؤيد وزعل ورضي بهذه الطريقه كل واحد يكون متلهف للردود وليس لطرح موضوع جديد
عموما صندله انا اشكرك على ذوقك والدعوه دردشه اتمنى ما تكوني خذتي على خاطرك مني
ولك تحياتي

[عدنان المالكي]

ههههههههههههههههههههههههههه بدووون تعليق هههههههههههههههههههههههههههه

[أحلـى]

الفقيه بالعكس عجبتني اراءك واذا على صندله ترى ماني صندله حراام عليك:tears:


تحياتي لك

[الفقيه]

والله لن شفتك قدام باب الجامعه تقدمين في هذا المجال لاخلي اذانيه واذانيك اربعه سمعتي الكلام
ولاعاد تفكرين في الصحافه من بعد اليوم
ولك تحياتي

[أحلـى]

ههههههههههههه

يسعدك ربي
انشالله لاابشرك علقت بتخصص ثاني غير الصحافه بس وش رايك اغيره للصحافه هههههههههههههه لا لا ولاشي

تقبل تحياتي لك

[الفقيه]

اتمنى لك التوفيق والنجاح وانشا الله نشوفك برتبة عميد في احد القطاعات العسكريه تامرين وتنهين ولااحد يامر عليك يعني تكسرين رقبة اللي ما تنكسر رقبته
ولك تحياتي

[أحلـى]

هههههههههههههههه
وربي انك رووووعه احلى شي اصير عميد واووووووو وناسه عاد اول مابكسر رقبتك

تحيااااااااااااتي

[الفقيه]

هههههههههههههههههههههههههههههههههههههههههههههههههه ههههههههههههههههههاي
والله جبتيها بس ياويلك من الفقها تقدري عليهم ؟؟؟؟؟؟؟؟؟؟؟؟؟؟؟؟

[علي السبيَه]

يافقيه شكل احلى زهرانيه ابتاخذبك
الين تترك الفقاهه وترجع هواوي

[الفقيه]

هههههههههههههههههههههههههههههههههههههههههههههههههه هههههههههههههههههههههه السبيه
ما تقول اول ما اكسر رقبتك ؟؟؟؟ اشرايك انت طيب انا اتمنى لها اعلى المراتب وهي تتمنى لي كسر الرقبه
ياخي انا اتمنى وجووووووووووووووود حكم يحكم بيننا وودي بالصلح فيك حيل تتدخل انت ؟؟؟؟؟؟؟؟؟؟
تكفى ترى فيها كسر رقاب ؟

[الهمس]

بسم الله الرحمن الحيم
الحين تركي الله يكتب له الأجر والثواب طرح الموضوع كخبر لا موضوع نقاش والظاهر ان الفقيه وجدها فرصه لطرح فكره مترسخه في ذهنه واتى بصندله ومسفره ونسي او تناسى ان ثلاث ارباع الفقهاء القدماء كانت اسمائهم تحمل تلك او ما يقاربها بينما اصبح الان سهى ونهى ولولو الى ان تصل الى سالي
ولكن سافوتها له
ثم اعترض بشكل غريب وانا اراقب عن بعد على موضوع الصحافه وقلبها الى دعابه علما ان الخبر لا يحتمل ذلك ربما لانه وجد نفسه في زاويه حاده منقلبه ابعادها بين الضيقه والمنعدمه بين كلمات الزهرانيه التي كادت ان توقعه في شر اعماله لولا انه اخذها براسه وتخلى عن فكرته
وكاد ان يقع لولا ستر الله او ربما اتخذ من مهنة الفقهاء مخرجا فعمل محوة قلب بها الصفحه الى دعابه فمن يقراء للفقيه اخر رد لا يقراء له تعليقه على صندله ومسفره
ين اختفى الحماس الله اعلم
الزهرانيه ليتك اكملتي حديثك وتمسكتي برايك لاوردنا لك البراهين وطرحنا افكارنا هنا بشكل علمي اما مع او ضد
الفقيه الحقيقه كل التعويذات التي عملتها بات بالفشل والدليل ان السبيه خرج من الموضوع دون ابداء راي للصلح
واستبدت الزهرانيه طولا وعرضا
لكن لكما يوم
دعابه همساويه جديده
تقبلوا تحياتي
الهمس

[أحلـى]

الفقيه ابد لاتصدق انايالله اتحمل امر من عند نمله علشان ماتموت علي بس اذا على الرقاب في انواع ثانيه للوي الرقاب وبلأصح اشد من كسرها
بس انت لك اراءك القاتله والمبعثره بين نطاقك الضيق بس صدقني انااتقبل حوارك بكل رحابة صدر بس في البدايه لما بدى النقاش ياني كنت معصبه قلت ليه الحين مارد إلى الفقيه علي وبهالرد بعد يعني لوغيره كان مشيناها بس انت وش جاااااااك مني:icon28: تخيل كنت في بداية النقاش افز من مكاني واروح افتح النت اقول ياااااااااااربي ابغى اشوف رده واخرتها:icon28: بس ربك يؤالف القلوب قلب ,,, النقاش الحاد وداً وسلاما ماعليه بس النتيجة ماتهمني كثر ماهمني ان النقاش ماادى إلى اشتباكات عنيفه بس انشالله اني قدرت اوصلك مفهومي من هالمجال
تقبل تحياتي واحترامي لك

[أحلـى]

علي السبيه ياشاعر الهوى والشعوذه
انت بالذات خلك موقف خير لأن ابيات شعرك تصلح الحال ماتفسده تحياتي لك

[أحلـى]

الهمس صدق علي السبيه يوم قال ان جنك مايهدون
بعدين اذا على الفقيه هو شمل وجهات نضره وبالنهايه حصرها في اتجاه ضيق لدرجة ان حصره لنضرته خلتني ماامسك نفسي وادافع عن وجهت نضري
بس انا تخليت عن رئيي لأني مقتنعه فيه ذاتياً واذا بعد كلامي هذا ماقتنع فيه الفقيه! فالمشكى على الله بجديبغاله ذبح


تقبل تحياتي الهمس وتسلم على هالمرور الي الله يستر من عواقبه هههههههههههه

[أحلـى]

رجاااااااااااءً خلاااااااص يكفي الموضوع مغلق للصيانه

[الفقيه]

والظاهر ان الفقيه وجدها فرصه لطرح فكره مترسخه في ذهنه واتى بصندله ومسفره

ولكن سافوتها له ؟؟؟؟؟؟؟؟؟؟؟
شكرا الهمس
بس عند الحقيقة انك كتبت موضوعك وكأنك قاطع اشارة مرور
ردك طويل ولاكن للأسف ماعرفت الهدف اللي انت تبي توصل له
انا شفتك متضايق من سالفة مسفره وصندله بالتحديد ؟؟؟؟؟
وانت جاي تنسب الفقها بس يكون لعلمك الفقها تاج يوضع على راسك غصب عليك .
انا اتكلم معاك بشحصي وليس بالفقها جميعهم بل من باب العزوه ولي الشرف أن اعتزي بالرجال .
وعلى فكره اللي يطرد ورى الرجال ومالحقهم ينهقر وماله الا لسانه - وهذه من صفات المنافقين .
احنا قلنا اصلح بيننا طلعت انت محتاج لمن يصلحك . والمشكله اني ما عرفت من تكون انت واتمنى أن اعرف من تكون لجل اعرف اتعامل معاك بالنضر إلى من حولك واتوقع انهم رجال يقومون الرجال بس انت من وين طالع الله اعلم .
الا الفقهاء ما اتحملك تجيب سيرتهم لأنك منت كفوا .
شفتم الذوق عند همس
وين الهمس لسانه واصل اخر الشارع - قال همس قال ؟؟؟؟؟؟
تحياتي للجميع
ومشكوره احلى زهرانيه .على تقفيل الموضوع للصيانه . وهذا ما كنت ناوي عليه . ولكم تحياتي

[عبد اللطيف سالم]

يصيرن مراسلات للقنوات الفضائية كل يوم في بلد