الهمس
09/09/2007, 09:43 PM
بسم الله الرحمن الرحيم
اصبحنا واصبح الملك لله
حلمت حلم الله يعطينا خيره ويكفينا ويكفيكم شره
البارح بعد عشاء بحري لذيذ هامور على شوية ربيان على كم كابوريا ومن ثم حلينا بالموكا حقت الزهرانيه وعاشقة الصقر الله يمسيهم بالخير
نمت نوم عميق وفي اثناء النوم اذا بالحلم ياتيني
حلمت الله يسلمكم ويطول اعميراتكم جميع
اني في مجمع كبير والا اشوف السبيه يدف عربيه ما فيه كيس بالمركز الا حطه بالعربيه طماط على صحون على جح على العاب وفيه كثير لا يحصى شفت في العربيه مخده
وثياب (دولاب مو عربيه)
المهم وانا اشوفه فوق هذا كله وذيك الزحمه يغني ويقصد ولا كن حد معه بالمركز سلمت على الرجال وانا يالله اشوفه من الأغراض وش هذا يا سبيه قال ابد اغراض رمضان والا صقر الجنوب ساحب له ثلاث هنود كل واحد عربيه مليانه بما لذ وطاب من المهلبيه الى الخروف
وانا اصوت عليه تعال يالحبيب نبارك لك بالشهر ويوم جا الرجال قلت وش ذولا جايبهم قال ابد بيودون العربيات السياره ويعودون يكملون الباقي قلت الله يعينك الظاهر ماخذ اغراض حق الحاره كلهم
وحنا في قمة الحوار والشوق والسلامات والفرحه برمضان الا هذا ابو عادل ساحب وراه مقطوره من العربيات كلها اغراض كسابقاتها من اغراض السبيه وصديقنا صقر الجنوب
وش ذا يا ابو عادل قال ابد اغراض الشهر قلت وين حق القبيله الظاهر كلهم ضحك الرجال قال عاد وش نسوي اللسته اللي معي تقول كذا
وشوي الا السوق على كبره مقلوب فوق تحت والصياح وصوت صحون تتكسر وقدور تتطاير
وملاعق تتحذف وحنا بس ياساتر يا ساتر لا يجينا قدر طاير يكسر روسنا والا شوكه مطفيه النور تصك واحد منا على عينه
الشباب تسدحوا عند عربياتهم وبقيت انا مكشوف كهدف واضح للعيان
اخذنا حب الاستلاع (اللي هي اللقافه) وذهبت استطلع الامر والا يا جماعه يا هول ما رايت
لم اصدق ما ارى هم مو هم الا هم لا مو هم بين مكذب ومصدق ويوم اركز الا هم اعرفهم
عاشقة الصقر في زاويه واحلى زهرانيه بالجهه المقابله وهات يا تحذف اثاريهم جايين قضون حق رمضان مع بعض وتهاوشوا والعالم تصيح والشرطه تحاول وهم الا شغالين يحذفون تقول قاذفات صواريخ
والقدور والصحون رايحه جايه من فوق روسنا
وحنا نهديهم ويدخلون اهل الخير لين الله فكنا وهدوا
وقاموا يحققون معهم وليش تزاعلوا وهم ربع
لقيناهم متهاوشين وحده تبغى تسوي موكا اذا جا العيد والثانيه تقول بتخربها عليها
قلنا لهم خلوا رمضان يجي الحين وبعدين العيد ويسير خير
ولا قمت الا من السوط(اداة لصنع العصيده ) يرن على ام راسي من الوالده الله يطول بعمرها ويحفظها تقول وش فيك ما غير تصايح وتضضحك انهبلت تراك تاخرت على الدوام
عاد داومت وجيت لكم
وتقبلوا تحياتي
وارجو ان تكون فكرة الحلم وصلت
والة اللقاء فب حلم اخر
اصبحنا واصبح الملك لله
حلمت حلم الله يعطينا خيره ويكفينا ويكفيكم شره
البارح بعد عشاء بحري لذيذ هامور على شوية ربيان على كم كابوريا ومن ثم حلينا بالموكا حقت الزهرانيه وعاشقة الصقر الله يمسيهم بالخير
نمت نوم عميق وفي اثناء النوم اذا بالحلم ياتيني
حلمت الله يسلمكم ويطول اعميراتكم جميع
اني في مجمع كبير والا اشوف السبيه يدف عربيه ما فيه كيس بالمركز الا حطه بالعربيه طماط على صحون على جح على العاب وفيه كثير لا يحصى شفت في العربيه مخده
وثياب (دولاب مو عربيه)
المهم وانا اشوفه فوق هذا كله وذيك الزحمه يغني ويقصد ولا كن حد معه بالمركز سلمت على الرجال وانا يالله اشوفه من الأغراض وش هذا يا سبيه قال ابد اغراض رمضان والا صقر الجنوب ساحب له ثلاث هنود كل واحد عربيه مليانه بما لذ وطاب من المهلبيه الى الخروف
وانا اصوت عليه تعال يالحبيب نبارك لك بالشهر ويوم جا الرجال قلت وش ذولا جايبهم قال ابد بيودون العربيات السياره ويعودون يكملون الباقي قلت الله يعينك الظاهر ماخذ اغراض حق الحاره كلهم
وحنا في قمة الحوار والشوق والسلامات والفرحه برمضان الا هذا ابو عادل ساحب وراه مقطوره من العربيات كلها اغراض كسابقاتها من اغراض السبيه وصديقنا صقر الجنوب
وش ذا يا ابو عادل قال ابد اغراض الشهر قلت وين حق القبيله الظاهر كلهم ضحك الرجال قال عاد وش نسوي اللسته اللي معي تقول كذا
وشوي الا السوق على كبره مقلوب فوق تحت والصياح وصوت صحون تتكسر وقدور تتطاير
وملاعق تتحذف وحنا بس ياساتر يا ساتر لا يجينا قدر طاير يكسر روسنا والا شوكه مطفيه النور تصك واحد منا على عينه
الشباب تسدحوا عند عربياتهم وبقيت انا مكشوف كهدف واضح للعيان
اخذنا حب الاستلاع (اللي هي اللقافه) وذهبت استطلع الامر والا يا جماعه يا هول ما رايت
لم اصدق ما ارى هم مو هم الا هم لا مو هم بين مكذب ومصدق ويوم اركز الا هم اعرفهم
عاشقة الصقر في زاويه واحلى زهرانيه بالجهه المقابله وهات يا تحذف اثاريهم جايين قضون حق رمضان مع بعض وتهاوشوا والعالم تصيح والشرطه تحاول وهم الا شغالين يحذفون تقول قاذفات صواريخ
والقدور والصحون رايحه جايه من فوق روسنا
وحنا نهديهم ويدخلون اهل الخير لين الله فكنا وهدوا
وقاموا يحققون معهم وليش تزاعلوا وهم ربع
لقيناهم متهاوشين وحده تبغى تسوي موكا اذا جا العيد والثانيه تقول بتخربها عليها
قلنا لهم خلوا رمضان يجي الحين وبعدين العيد ويسير خير
ولا قمت الا من السوط(اداة لصنع العصيده ) يرن على ام راسي من الوالده الله يطول بعمرها ويحفظها تقول وش فيك ما غير تصايح وتضضحك انهبلت تراك تاخرت على الدوام
عاد داومت وجيت لكم
وتقبلوا تحياتي
وارجو ان تكون فكرة الحلم وصلت
والة اللقاء فب حلم اخر