ليلة العيد

[علي السبيَه]

كل عام وانتم بخير وهذا بدع مني بهذه المناسبه السعيده
ليلة العيد واللي حاضر من الشعار يرد عليها

البدع

ماعين يد الحرامي تنتهي لي لتلع ايد
والنمر الى شاف ضبي الغابه يوشك لها غير
سقف البيوت القديمه الى اندهك منهالن وار
راح الحبيّب وغادر دنيتي والولف راح
راع الخطا زل ف الافعال وان كلمن زل
خذ مني الشور وافي يافتى لو تبا اشير
من الذي غادرو والا من العايدينا

[أم رتيبة]

يا ليلة العيد آنستينا

وجددتى الامل فينا

[الهمس]

من شهر يا نور عيني ننتظر ليلة العيد
في حظرتك ياحياتي ليلته شكلها غير
من نور وجهك براح الكون به شع الانوار
والعيد عندي غدا عيدين يا كثر الافراح
وفرحة العيد عمت وافرحت كل منزل
الناس تتبادل الاعياد عقب التباشير
من فرحتي بك نسيت اقل من العايدينا

[علي السبيَه]

صح لسانك ياالهمس
وهذه على القارعه

لوتهت في العلم مابلقا من الهمس توكيد
بغيت اعم الجميع وجا في العلم تقصير
طبيعة الهمس مايقبل في القسمه الاخيار
والدرس واضح ولايحتاج للدرس الاشراح
والهمس نوّن على كيفه في السطر واشكل
بااعود ادعي عليه والحق عليه المناذير
لا يحسبنا عن اللي يقصده مادرينا

[الهمس]

الرد

نفوس ماتت من الغيره وانا ازيد وا كيد

الحبل بيدي وامد الحبل واقصره تقصير

اتجاهل الجاهل الي ماعرف درب الاخيار

ما ضاق صدري عطاني الله وسعه والاشراح

فوق الرجاله حملت الشيمه والقيمه واشكل

ياكم ضحيه عطيته قبل موته مناذير
ر
واسرارنا بالمراجل واضحه ما درينا

[أحلـى]

كـــــــل عــام وانتم يانور رباااااااااااااع بخير

تـحياتي لكم

[الهمس]

تو ما نروت الصفحه
كل عام وانتي بصحه وسلامه
واهل المنتدى كلهم

[عبد العزيز القنوت]

إيييييييييييه

صحت ألسنتكم

و كل عام و أنتم بخير

[الهمس]

اهلا وسهلا اخي عبد العزيز
نورتنا اخي وصح بدنك وكل سنه وانت بصحه وسلامه

[الفيصل الشادي]

كل عام وانتم بخير وعساكم من عواده

بدع


يا كابتن الطايره ياللي على طايرة الميد
بلغ سلامي على المحبوب في ليلة الخيــر
وخذ له الورد مالطايف مع نظم الاشــــعار
عساه يقرا هموم(ن) في المعاليق وجراح
وانا لك الله ما ريد الجفا والمشـــــــــاكل
لكن شراع البواخر صار يشكي المعاصير
عساه يسلم من الامواج وارسى لمـــــينا

[الهمس]

لملم جروحك ولمد طعنة البعد تلميد

والهم لالازمك ما عاد بيدينك الخير

والهم لا داهمك ما يعطي انذار واشعار

وش عاد لوكان مثلي حبها فالخلج راح

فيني اختلط حبها والشوق واصبح مشاكل

عقلي وقلبي وروحي في هواها معاصير

ارواحنا تجتمع واقلوبنا سالمينا

[الهمس]

استاذي الامبراطور اخذني الحماس ونسيت اعيد عليك
كل سنه وانت طيب وحياك الله بالصفحه
وتحياتي

[علي السبيَه]

البدع

ماني بحاسد ولااطمع في غرض زيد وعبيد
لكن لي ياطويل العمر نضره و تعبير
تهتز الى من قريت اسمي وتبرد و تحتار
وانا ترى صامدن ما مال راسي ولا طاح
لاني منافق ولا اخادع ولاني مجامل
وان كان مافي موازينك لغيرك مقادير
خذ النحاس المصدي واترك الماس لينا

[الهمس]

الرد

عكاظ كم باع به بو جهل جهاّل واعبيد

والعبد عبر حياته بالمذلات تعبير

ماغير سم سيدي وابشر وبه روح تحتار

وش حيلت العبد ما يقوى الحكم والمناطاح

مل الشتيمه من اسياده ومل الهجا مل

واليوم من فظل ربي غيرتنا المقادير

تساوت الروس لكن ع الحسد ما سلينا

[علي السبيَه]

البدع

في خاطري ابني جدر جاله من الهمس تهديد
والى غلبنا كتبنا عنه موجز و تقرير
احسبك توك صبي واثرك معلم وبيطار
ياالهمس وش راس مالك والنتايج والارباح
وانت اللبيب الذي في منطق العلم عاقل
وانحن نقول انت ياراع الحياء والمزا مير
ماضن تخلف ضنوني وانت منّا و فينا

[عاشقة الصقر]

ماشالله عليكم ..

يعطيييييييييكم العاااااااااااافيه والله ..

لا خلا ولا عدم ..

احترامي ..

[الهمس]

الرد
وين اللذي يدعي جاله من الهمس تهديد
باحاكمه واكتم انفاسه واقرره تقرير
جاني قصيدك وخذني في مجاله وبي طار
لو كان كل نجر بيده يكون الشجر باح
وانت الشيم والرجوله جت لبيتك معاقل
واليوم تتهم حروفي كنها تلمز امير
والعهد ميثاق وانحن للمواثق وفينا

[علي السبيَه]

شكرا على مرورك الجميل ياعاشقة الصقر
ولا اوصيك خليك في صفي ضد الهمس

البدع

كلن من اصحابنا ياالهمس غافل وراقيد
خذ راحتك مافي القاعه مسجل وتصوير
شبيت نار الفتن بين الطباين والاضرار
واسقيتهم من شراب الغيره اقداح واقداح
محتار مدري وش ابدي لحالي وش اعمل
بااكل سنام الجمل واشرب حليب المغاتير
دام الخساره من اموال البدو وش علينا

[صقر الجنوب]

جعلتم دائما من العايدين والسالمين وكل عام وانتم جميعا بخير وبصحة وسلامة وعافية ومعافاة دائمة من رب العزة

[الهمس]

القلب جت له قيود الوقت قيدٍ ورا قيد

واعرافنا حرمت نتصور الحب تصوير

والجهل عم المكان الله يا كثر الاضرار

واهل الفتن تقدح الفتنه على غيضها اقداح

الحسد بقولبهم يوقد بناره وشعمل

شفت الخيانه من ايديهم علينا مغاتير

غدوا بنار الخيانه والفتن مشعلينا

[ابوسعود07]

الله عليكم شي رهيــــــــــــــــــــــب كلام حلو
ومنكم نستفيد بس فيه ناس متابعه
كل عام وانتم بــــخــيـــر وصــــحـــوســلــــمــــه

[علي السبيَه]

البدع

يابختك ياالهمس لك عشّاق وانا ترى وحيد
طفت نجومي ضياها والقمر ماله امنير
حليل عيني من الوحده ومن غربة الدار
قلبي كما السندس الاخضر وشوقي له اوشاح
والوصل يروي عروق القلب والوحده تقتل
الوحده اللي غدت تطوي حياتي طوى بير
اللي من اسبابها بين العباد ابتلينا

[ابو زهران]

كل عام وانتم بخير وهذا بدع مني بهذه المناسبه السعيده
ليلة العيد واللي حاضر من الشعار يرد عليها

البدع

ماعين يد الحرامي تنتهي لي لتلع ايد
والنمر الى شاف ضبي الغابه يوشك لها غير
سقف البيوت القديمه الى اندهك منهالن وار
راح الحبيّب وغادر دنيتي والولف راح
راع الخطا زل ف الافعال وان كلمن زل
خذ مني الشور وافي يافتى لو تبا اشير
من الذي غادرو والا من العايدينا

ياسبيه وش رايك ندور للهمس لين نلقاه وابشر بي اسلم وصط راسه تدري ليش والا خلها ماني لك من الشا مين وكل عام وانتم بخير

[الهمس]

ابو سعود الله يمسيك بالخير حبيبي
وحياك الله ولنا شرف تواجدك وكل عام وانت بخير

الحبيب ابو زهران انت تستاهل الف قبله وقبله وقبلها قبلات على راس السبيه والذي يفوقني بكثير شاعر من الطراز الثقيل
وشرفني ان جاريته وان كنت قد نلت الشرف فهذا بفظل تواضعه وحسن اخلاقه وهذه ليست غريبه عليه
شكرا لمرورك الكريم على صفحاتنا
اما الغموض الذي اكتسى التعليق فعلمه لدى السبيه
وتقبل تحياتي وكل عام وانت بخير

[الهمس]

انحن نشوف الذهب بعيون وانتم تروا حيد

واهل العقول الظليمه يا علي مالهم نير

غير الزمن له تصاريفه صحيح الزمن دار

البير بعد الغزاره بالعطى قلل او شاح

تتوق روحي لنسمات الجنوبي وتقتل

والشوق واللهفه للمعشوق جتني طوابير

ماظن بعد القساوه والبعاد ابتلينا

[علي السبيَه]

حي الله ابو زهران وميت مرحبا وينك من بدري
طولت الغيبه ومن طول الغيبات جاب الغنايم
اما باالنسبه للهمس فاانا ماني محتاج الدورله
لانه موجود بشكل مستمر في المنتدى وشاعر
كبير وغني عن التعريف وانا تشرفت بقصايدي
معه في هذا المنتدى ولو انه طلب اكثر من شاعر
بااسمه ولكن ماحد حضر منهم الخوف قطع قلوبهم
وخيلو فيه ولكن انشاء الله اني صامل مع الهمس
ومع غيره والهمس يستاهل من يسلم فوق راسه
وانت ياعم ابو زهران لك مني ميت سلمه فوق راسك
وانشاءالله انك ماتشمت فيه ولا في غيري

البدع

ياالشيخ عبدالله مافي الصدق زورن وتنقيد
وصاحب الشمته ماضلا لنا عون وانصير
اهل التشمّات واهل المنقده مالهم جار
بعض البشر يفهمون وبعضهم مثل الالواح
لاتقطر العوج والعوجا ترى ما تعدّل
ياالشيخ عبدالله ماكل المواتر هوامير
الهمر من معرضه مايشترونه بدينا

[ابوسعود07]

ابو زهران جاي مطفي الانوار
ماعند ه تكفون في الهمس خطــــــــــــــــــــــير من جد
ابو طلا ل واجه الهمس ولا عنده

[الهمس]

الحقيقه البدع هذا وجهته يا ابن السبيه بشكل صريح ولم يحق لي الرد لولا ان لم ياتي احد ليرد لذلك اعطيت نفسي الحق ورديت ويظهر لي من بدعك ان لك سابق معرفه بالجميع واعتبر نفسي دخيل عليكم
لذلك يجب فتح صفحة محاوره للجميع واتمنى اما ان تبداء انت او ابن الجنوب او الشيخ عبدالله كما تفضلت في بدعك وانا ساقف مستمتعا بكم
الرد

نفوس بعض البشر تغدي رهينه وتنقيد

نقودها مثل ما ينقاد جاهل بتنصير

ولا لهم عقل يتفكر ولا مالهم جار

غدوا كما الساريه لا لحاها العاصر الواح

والحكمه بين الخلايق ياعلي ما تعدل

والسوق وش نفضه م الناس غير الهوامير
ا
لولاك يابن السبيه كان ماعد بدينا

[albrens]

الله لا يهينكم ياعلي ويا الهمس ولا يهون الجميع
وعساكم على القوة وكل عام وانتم جميع بالف خير مستمتعين بارك الله فيكم وفي فكركم النير وروحكم العالية

وتقبلو احترامي وتقديري لكم ولكل ما تكتبون نقف احترام وتقدير لقدراتكم الشعرية

[الغريب]

والله انكم مبدعين يالاثنين
وياليت الانبراطور يبني قصايدة زين ويراعي الكلام اللي له شقر لان القصايد تحتاج عنايه في البدع
وحنا نقبل النقد والتوجيه من الجميع

[علي السبيَه]

الله لا يهينكم ياعلي ويا الهمس ولا يهون الجميع
وعساكم على القوة وكل عام وانتم جميع بالف خير مستمتعين بارك الله فيكم وفي فكركم النير وروحكم العالية

وتقبلو احترامي وتقديري لكم ولكل ما تكتبون نقف احترام وتقدير لقدراتكم الشعرية

شكرا لك ياالامبراطور على مرورك الطيب وطيب ردك واعتذر على التاخير
في ردي عليك انت عارف المنتدى صار فيه تغيير وضاعت علينا الصفحات

[علي السبيَه]

والله انكم مبدعين يالاثنين
وياليت الانبراطور يبني قصايدة زين ويراعي الكلام اللي له شقر لان القصايد تحتاج عنايه في البدع
وحنا نقبل النقد والتوجيه من الجميع
.................................................. .................................................. ..................
شكرا على مرورك الطيب وطيب ردك ياالغريب