قارعه بين الهمس والسبيه

[الهمس]

بسم الله الرحمن الرحيم
طبعا لاغنى عن الجمال والقصيد والمحاوره في جو اخوي ورحابة صدر وما وجدت من السبيه من رحابة الصدر وتمكن في شاعريته التي فعلا استفدت منها كثير
لذلك دعاني جنون الهمس لفتح صفحه مستقله بيني وبين السبيه لانه دائما ما تقف المحاوره بيننا بسبب او باخر وهنا احدد اسم السبيه ليقف امامي وذلك لعناده واستبداده في الموروث الشعبي وحان الوقت لايقافه ووصله الدور
السبيه اخي الحبيب فتحت الصفحه دون اذن مسبق منك لكن نوهت في اكثر من صفحه بان لك وقفه قريبه وها هي اتت الصفحه وانت ابديت القبول وردودك محفوظه في محفوظات الهمس
عزيزي نبداء هنا وكما تعلم الهمس التكرار يعتبر سقوط
التاخير كذلك
طبعا القافيه بيدي الأن لأاني سابداء بها
وبعد كم رد سيتغير الحال وتاخذ البدع واخذ الرد وهكذا الى ان تسلم او اسلم
وانت انا اجيزك كل ما اوتيت من قوه استخدمها ولن اتضايق من شيء وانت تعلم من خلال مجاراتي
وارجو من ألأحبه المرور ومن اراد الشكر
او التشمت في السبيه فلا مانع ههههههههههههههههههههههههههههه
ايظا المجال مفتوح لمن اراد الشماته بالهمس
او كلمة حق لا نزعل منها
طبعا هذه المره غير موااااااااااااااااااااال وشغل غير
اسمعوا
يا سبيه هام قلبي لين عانقت الغمام
طار قلبي من مكانه لين ضيعه الهيام
بلوغها عن لساني بلغوها ذا الكلام
المطالب بالتمني غير ها الدنيا غلوب
*****************************
حياك يا شاعر وقف لي وقوف الثابيتن
لكن باعلنها قويه تدوي لك دواه
واقول باعلى الصوت يابن السبيه لاتهون
جيش حروف القافيه ياسبيه وابتدي
وانا لها والغيرها ما تظل اقدامنا

[علي السبيَه]

من زمان ياالهمس وانت تتوعدني بصفحه مستقله
الله يعينني عليك نبدا بسم الله ونا موافق على الشروط

الرد
ذكر ربي والنبي ثم التحيه والسلام
مرحبا في منتدى عامر وفيه الناس لام
وانا راس القوم في وقت المعارك والسلام
المطالب باالتمني غير هاالدنيا غلوب
.................................................. ......

الريح ماهزت رسوخ الجبال الثابتين
والحب لويمرض به القلب مايلقا دواه
والهيّنه ياصاحبي ماتزيد الا تهون
انا بغيت ارقا للروس النوايف وابتدي
والى قدمنا للهدى لاتضل اقدامنا

[الهمس]

البدع
حي من حيا ورحب في جلوسي والقيام
يا هلا يابن السبيه جعل مثلك ما يظام
راحوا اقروم العرب ما عد بقي غير الحطام
المطالب بالتمني غير ها الدنيا غلاب
**********************************
انشيت قيفاني على القاف والمنشا متين
واسقيت حرفي معرفه لين بالمعنى رواه
غدت حروف القاف بيدي كما وبل المزون
يا ثورة الهمس افتري بالسبيه واقصدي
بنلحقه بالي صدر به قرار اعدامنا

[علي السبيَه]

الرد

الشهر صمناه ياسيدي وصلينا القيام
والهوى يااهمس بين ايديك لايمكن يضام
بعد مانجمك طما واخفا الشعاع وراح طام
المطالب باالتمني غير هاالدنيا غلاب
.................................................. ......
اخاف تغدي سخريه في حلوق الشامتين
تبدي الحقايق واضحه والكذب ماله رواه
وجه القباحه ماتزينه صبغات المزون
مادام ياابن الناس تعرف مرامي واقصدي
ماكل رعد اسمعه بين القرى رعد امنا

[الهمس]

البــــــــــــــــدع
من يعارض حكمنا نفنيه بالسيف الحسام
والذي ما يعجبه ننفيه يسكن بالخيام
لين يغدي مثل غيره او نقلده الوسام
المطالب بالتمني غير ها الدنيا غلوب
***************************
جهز حنوطك والكفن وانح درب الميتين
ضاقت بك الدنيا ولا عاد لك درب(ن) سواه
كم واحد(ن) قبلك فني من حلومه والمنون
اشوف روحك تختلج والايادي ترعدي
بعد تقول اعلن لك الطوع واستسلامنا

[رحاب الرحمن]

بسم الله ما شاء الله عليكم
رائعين بحق الله يحفظكم
الهمس مبادرتك رائعة جداااااااااااا و ما شاء الله السيبيه جندى مقدام لا يتاخر ابدا و ردوده اراها قوية
و الهمس بحق لا يتوانى عن كل شىء رائع مثل هذه المحاورات الطيبة و شعره بكل حق اثبت انه شاعر قوى جدا
الله يحفظكم من شر كل حاسد
اتابعكم للنهاية و اتمنى لكم التوفيق

[علي السبيَه]

شكرا لمرورك اللطيف يارحاب الرحمن
وترا عندكم في مصر مثل يقول
ماكل طير يتاكل لحمه والضاهر
الهمس ماقد سمع بهذا المثل هههههه

الرد

طالت القصه ولازم نحسم الدعوى حسام
قبل ماتنوي وتبدا في صلاتك يااخ يام
وانتبه من ناب الاسود يوم انه خطرن وسام
المطالب باالتمني غير هاالدنياغلوب
.................................................. ....

في منتدانا ميت الهمس عادت ميتين
يعدّل الميلات والعوج سوّاها سواه
واللي يوقف في طريقه تحاصره المنون
ياغيمة الهمس ابرقي وامطريناوارعدي
والا تمنا سلم الرايه واستسلا منا

[*** الصهيبي ***]

بسم الله الرحمن الرحيم
والصلاة والسلام على اشرف الانبياء والمرسلين وبعد

فهنيئاً لك يارباع على مثل هذان النجمان الساطعان الذي لا يغيب لهما نور ولا يكفيهما المرور
بل هم يستحقون وقفة اكبار وإعجاب لما ينثرونه هنا بين اعين المتصفحين
الهمس ايها المغامر الرائع ااتمنى لك التوفيق لما تسعى اليه جاهدا واسال الله ان يوفقك لما يحب ويرضى
السبيه لك مني كل المحبه والاحترام ولن انسى انه في يوم من الايام كنت لي خير معين وخير مرشد ولازلت استاذي ولازال لك في القلب مالله بهي عليم


واصلوا هذا النزف الرائع ونحن لكم متابعين ومستفيدين بما تقدمانه



ودمتم بود
اخوكم
الصهيبي

[الهمس]

اختنا الغاليه رحاب الرحمن بارك الله فيك ومرور نعتز ونفخر به وياهلا فيك
الصهيبي كل الود والأحترام انثرها تقديرا واجلالا لكل حرف نثرته اناملك الكريمه
اخي العزيز اي شرف منتحته لنا واي وسام منح لنا بمرورك العذب الجميل
وهذه شهاده لكلينا من شاعر بثقل الصهيبي تعتبر اغلى الشهادات واعلاها
سعدنا بمرورك العذب سيدي.

السبيه
اشوفك بتقلب امثال
وفعلا لم اسمع بالمثل هذا عشان كذا وبما اني لم لسمع به سيكون جائزا في نظري كل انواع الطيور ولا ملامه
ماقد سمعت المثل ولا ادري عنه
هههههههههههههههههههههههههه
السبيه عشان ما تقول الهمس ظالم عندك القارعه بعد ردك افتح بدع وقارعه براحتك زي ما تريد ما تقول الهمس بس يبدع
خذ زمام المبادره
وهكذا راح تمشيء القارعه لين تسلم هههههههههههه

خلنا نطرب شوي

البدع
يذبح العشاق من نظرة عيونه والقوام
من جبينه يستمد البدر نوره للانام
الله اكبر وش يصيب القلب لو طاح اللثام
المطالب بالتمني غير ها الدنيا غلوب
********************************
روحي وقلبي بالغلا والهوى متقوتين
لكن قلبي صابه الهم وانهدت قواه
والدمع لولا الوم ماكان تحبسه العيون
روحه غدت مسكن لروحي وقلبه معبدي
لولا الملامه كان صرحت به باعلامنا

[علي السبيَه]

الله يحيك ياصهيبي ونعتز ونفتخر بمروك
الكريم انت شاعركبير وانا تشرفت باالقصايد
معك وشهادتك اعتبرها وسام وفخرلي
وانت ياسيدي الهمس وفي روايه اخري
هموسه النوسه باارد عليك وببدع لك بدع جديد
وقارعه جديده من قوارع السبيه

الرد

الاوامر من علي ياالهمس نفذها قوام
حسبك الله اشغلتنا لانستريح ولاننام
انا مدري فيك قلبي يكسب اجره ولا ثام
المطالب باالتمني غير هاالدنياغلوب
.................................................. .....

ابنقلب الميزان والقوه تغلب قوتين
وراعي التقوى مع اهل الهوى هد اتقواه
وماي زمزم صافين عذب من خير العيون
ياروحي ارضي باالقدرواتقي الله واعبدي
وانشاءالله ماتنهد راياتنا واعلامنا

[علي السبيَه]

بسم الله نبدا بقارعه ولحن جديد لعيون الهمس
شد حيلك ياصاحبي والله ياهب لنا معونه عليك

سلام ولانقول الشعر ياسيدي بلا معنى
وعلمي يعني اصحاب البلاده والبلام اعنى
يقولون العوافي طيبيه وان البلا معنى
نبدي اللي يواجهنا وتالي الامر له خيره
.................................................. ......

الجماهيرالغفيره يارفيقي برعوك
صورتك قد ثبّتوها في الخوافق والخيال
وان لك في بحرهم ياصاحبي شاطي وسيف
اطعن القلب الذي يعشق طعونك وانتق الدم
واعطهم كل الفتاوي من كتاب امسيلمه

[الهمس]

طيب يا سبيه كذا نقلب طرب يا الحبيب وراح تحرمنا النوم
الله حسبك يا شيخ شاعر والله شاعر تطرب كل من يواجهك
الـــــــــــــــــــــــــــرد
ندور للبلا يا صاحبي واثر البلا معنا
يداري نوره الباهت وهو في القلب لامعنا
وانا لا جيت باسير على دار الكرام اعنا
نبدي اللي يواجهنا وتالي الامر له خيره
.................................................. ......
جاكم السيل الذي من الباس عاك البر عوك
طاحت الهامات بيدينا وهدينا الخيال
واغتصبنا الخيل لا بندق ولا درع وسيف
والذي عاند جنون الهمس يوم انه تقدم
جاب بكيفه او بكيفي والعلوم امسيلمه

[علي السبيَه]

البدع

حضرنا في مواقيفن تجملنا ولا غبنا
وتروينا مواردنا ولا نضما ولا غبنا
عسى الله يرحم العشاق الى ماتومن الغبنا
نبدي اللي يواجهنا وتالي الامر له خيره
.................................................. ...........

لاتداري ناس ياقلبي وهم ماقد دروك
ماينوض البارق الا وقت سيلن ولج هال
والجمل يعبر من الصحراءويدعس باالخفيف
الجاحد ينكر ولو ينزل عليه الخير وانعم
والحرامي يسترق من عند باب المحكمه

[الهمس]

الــــرد
تداعبنا بموالك وباشعارك تلاعبنا
ترانا نملك الميدان وبامره سرت لاعبنا
ترانا نحكم البنيان وسوينا القلاع ابنا
نبدي اللي يواجهنا وتالي الامر له خيره
.................................................. ...........
ليتهم يابن السبيه يوم تحمي قدروك
لكن الجاهل تعيمى يوم نادوه الجهال
انتزي مثل المعمعم ثم عود بالخفيف
ودي انك تاتركد واتّشفق قول ونعم
لا تجيك القاتله يابن السبيه محكمه

[علي السبيَه]

البدع

انا مالي مع البدوان لاناقه ولا لي عود
ولااقول للذي قفى تمهّل لي ولا لي عود
سمعت الشايب اللي جر باالحانه يلالي عود
نبدي اللي يواجهنا وتالي الامر له خيره
.................................................. .......

لونجي صدام من بوش اللعين انجا ملوك
فوق جثت بوعدي جال الصقر والهام جال
مافرح به غير منهم في النجف ولا القطيف
ياعروبه لامتى نشجب ونستنكر ونضلم
حالنا بين الدول كله غبون ومظلمه

[الهمس]

سهرت اليل وحداني وكني بالحزن موعود
اعاني غربت ايامي وروحي والعيون اشهود
وقمت ادعي بجوف اليل الا يا الله يا المعبود
نبدي اللي يواجهنا وتالي الامر له خيره
*******************************
لا تصدق من مدح والا ابتسم وان جاملوك
يقتلونك بالخيانه لو تخلي الها مجال
ناس تمنع كل بسمه ثم تقطفها قطيف
والقلوب السود تغدي من بلاها ليلٍ اضلم
درب حسادك تدهور الله اكبر ما اظلمه

[علي السبيَه]

البدع

انا والهمس دكّينا قصيد الهون والليشان
وسيطرنا على الشعار وله شانن وانا لي شان
وكم شاعر كتفنا ايده ووجهنا له النيشان
نبدي اللي يواجهنا وتالي الامر له خيره
.................................................. ..........

ياسبيه لو دعيت اهل التصمّا مالبوك
والنواقص ياسبيه مايجي منها كمال
الجمل لاضاق زوره تصرف انيابه صريف
وانت ياذا الهمس جنب سكتي تنجا وتسلم
اعتزل قبل النهايه والعلم لي سلّمه

[الهمس]

الــــرد
غديت ادعي وانادي واثر حولي كلهم صمان
وصابتني مصيبه بين ها الصمان والبكمان
كما داعي العروبه لا غدا في ديرة العجمان
نبدي اللي يواجهنا وتالي الامر له خيره
.................................................. ..........
تاتفلسف ياسبيه وانت باالعما لبوك
كم نصحتك في كلامك وانا لو منهاك مال
من قنا له زل تركي ما قنا له خوص ريف
وانت بيد الهمس بذن الله تتطهر وتسلم
تعرف ان الحق دربه والمحاسن سلمه

[علي السبيَه]

البدع

مدحنا الهمس واثر الهمس مثل السارق المزّاح
نصحنا الهمس واثر الهمس لا ما يقبل النصّاح
ولاادري هو من اصحاب البلد والا من السّواح
نبدي اللي يواجهنا وتالي الامر له خيره
.................................................. ...............
ياالركيب العثري ياليتهم ما بشروك
جف ماالابيار ماها والينابيع الزلال
ماعد تلقا في المزارع دخن ولا بر صيف
لي غدا حب الخوارج عامرن سوقه وملتم
كل من هو مر سوقه خذ نصيبه واقسمه

[البرق اللامع]

شاعرنا الهمس
شاعرنا علي السبيه

مشكورين على هذه المحاوره .. صحت السنتكم .. بالتوفيق متابعين لكم .. ولكم التقدير والاحترام من اخوكم البرق اللامع

[صقر الجنوب]

الحقيقة اننا متحفزين في المدرجات نصفق ونشجع هجوم وصد هجوم نصيح مع كل هجمة وتتعالى مع صد الهجمة يا اخوان انتم شعار غير ..... رائعون رائعون بكل معنى الكلمة ... صحت ابدانكم ودام ابداعكم ..
واصلوا ولن نغادر المدرجات حتى آخر بيت في المحاورة ..
شكرا اخواني على مروركم جميعا على هذه المحاورة للشاعرين الكبيرين الهمس والسبية ..

[علي السبيَه]

شكرا جزيلا لمرورك الكريم ياالبرق اللامع ونعتبره
شرف لنا ووسام منك ياالبرق اللامع وشكرا للمرورك
الكريم والمشجع لنا ياصقرالجنوب ولاخلا ولاعدم
والهمس يااخواني مفتري وانا مدري كيف الله
ابيخارجني معه في هذه القارعه

[الهمس]

البرق اللامع حياك الله وشرف عظيم مرورك الكريم
يعطيك العافيه اخي الغالي
صقر الجنوب حياك الله وجمل حالك على المرور وتحيه طيبه
تشجيع منتظر
السبيه مفتري ايش يا عم
الله يكفينا شرك بس
وترى طبيعتي اخلاف ظنك بالرد وهذا طبع عاد وش تسوي جهز مشعابك ترى كني اشوفك تخطط وتنصب وتطرح للهمس الله يعينه عليك
بس شرف لي الوقوف امامك

ألــــــــــــــــــرد
مصيبه لاغدا الرعيان تتذاكى على الفلاح
وهي بين الغنم ما تعرف الا تيسها النطاح
حياة الرعي مرسومه لهم بالروح والمسراح
نبدي اللي يواجهنا وتالي الامر له خيره
.................................................. ...............
طاح كلب الصيد عنوه لين علق بالشروك
ما عرف درب السلامه زلت اقدامه زلال
السراب اعمى عيونه لين صاف البر صيف
يا هواة الصيد قولوا جهلكم وش به عملتم
الصفر يطلع صفر. اضربه والا اقسمه

[الهمس]

كاالعاده السبيه تاره عندك واخرى عندي في البدع والرد لسن قوانين المساواه والعداله وهنا سابداء يا سيدي
الــــبدع
يا علي من كلامك يتضح لك مقامك
واي حصانك لسانك كان صنتاه صانك
رب كلمه صغيره تنسفك من مكانك
صافي القلب واالبارق جنوبي جنوبي
*****************************
الهمس له في كل جبهه من العالم رسوم
وارسى بعد قانون كفل العداله والنظام
واقّر مرسوم المساواه في حق الشعوب
وميلة احوال البشر في يده وايعد.له
وعصبة التمييز والعنصريه شالها

[علي السبيَه]

الرد

لو تقدر جلوسك لوتقدر مقامك
المثل قال ياسيدي لسانك حصانك
في قلوب العرب ماضن تجهل مكانك
صافي القلب والبارق جنوبي جنوبي
.................................................. ....
شهبندر التجار ماله مع اهل المر سوم
وانحن بعون الله في كل موقف مانضام
لوماسقيناالحوض ماعاشت اوراق الشعوب
اما الذي بيده يميل الجدر و يعدله
ليته يطفي جمرة النار ما وشا لها

[رحاب الرحمن]

و الله بجد اتحفتونا بروائعكم هذا و المنافسة بينكم رائعة
الله يحفظكم

[صقر الجنوب]

الهمس كم أنت رائع وترى يالربع نحب نمزح معكم وتعرفون معزتكم عندنا جميعا ويعجبني فيكم أثنينكم الروح الرياضية ....
واصلوا ابداعكم وبيض الله وجيهكم

[الهمس]

الــــــــــــــــــــبدع
ما ذبح قلبي الا من يفل الجديله
يوم غطت رموشه ع العيون الكحيله
حلقي يا حروفي بالهوى واوصلي له
صافي القلب والبارق جنوبي جنوبي
.................................................. ....
البارحه كني لمست الكواكب والنجوم
وكن كفي صافح البدر واهداه السلام
وكني اسبح بالفضا لا غيوم ولا حجوب
اشوف كوكبنا من اعلى الفضا واحلله
ما قمت والا الروح من حزنها يبكىلها

[إبن الجنوب]

:clap:

طبعا رايعين الشباب وهذا يارحاب الرحمن اللي مضى كله تسخين المهم جاي في الاخير..الله يخارجنا

[علي السبيَه]

انا ياربعي مااضيق من القصايد ولو ان الشاعر المفروض
ينتقي الكلام الطيب والقباحه ماتجمل راعيها

الرد
ياالهمس احسبك عادي ماتفل الجديله
وانت اثارك مشعوذ محترف والك حيله
عاد للجن في داخل محلك صليله
صافي القلب والبارق جنوبي جنوبي

ماشغلت الساحر يكون المنادل والنجوم
والله بعد يفضحه يوم الحشر والناس لام
اللي من الشيطان الاكبر يسوي له حجوب
فرّق قلوب الناس واحتل شئ ماحل له
شرا وباع افي البشر والنهايب كالها

[علي السبيَه]

البدع
اختموها باالصلاة على محمد سيد البشر
قبل مايشمت بنا الشمات ولاينقد النقاده
والذي عاقل يقدر مذهبه ويزين منطقه
لوبنرضي صاحب العقل الضليل ونتبعه في ضله
ما تجملنا قصايدنا من القاصي ولا الدني

الرد
عام الاول جالنا شيخن يسمى السيد البشر
كان متمرس للتزوير الورق والعمله النقاده
شيخوه اهل النفاق وصار فيهم شيخ منطقه
وان ضل الغيم يبقى مختلف مايشبه الفي ضله
مايشرفني ولا يرفع مقامي صحبة الدني

[إبن الجنوب]

مايشرفني ولا يرفع مقامي صحبة الدني:

مع إحترامي الشديد لقارعتكم ولكن من وجهة نظري هذا البيت يعدل بقارعتكم كامله

[الهمس]

السلام عليكم
لي تعليق على ابن الجنوب
صباح الخير جئت قبلا ووجهة كلامك للاخت رحاب وكان الأحرى الوقوف الى جانب معلمك كما تفظلت في اكثر من مكان او العكس
ثم اتيت بالطامه وجئت وقلت بيت يعدل قصيده وانت تناقض نفسك في البيت تقول هذه الابيات لا تقال من شاعر وهنا تقول انها تعدل قصيده والسبيه انا اشهد له بالشاعريه ودخولك هنا اشبه بدخول عابر سبيل ان كان هناك عابر سبيل ههههههههه مكشوفه
للأسف اسلوبكم اقل ما يقال عليه الدلاله على العجز ومحدودية التفكير .


السبيه
لحقة ياسبيه من ذهب وكنت اتمنى انك طلبت تفسير اي غموض وانا كنت ساجيبك بصراحه
هناك سرعه بالزعل
والسبب في هذا وللاسف سوء فهمكم او عدمه للقصيده صدقوني لا زلتم بعيدين عن الفهم الجيد للقصيده والمعنى مما ادى الى ضيق صدوركم
ولو حكمتم المنطق لعلمتم ان القصيد اصلا ماهو الا كلام شعراء والشعراء .................
وهنا تقبلوا تحياتي واعتذاري لسوء فهمكم وقلة ادراككم جميعا
ولن ادخل اي محاوره جديده
يالله انبسطوا
هههههههههههههههههه
استودعكم الله

[عـز الجـنوب]

السلام عليكم ورحمة الله وبركاتة
أتيت لهذا المنتدى بسبب حُبي للشعر الجنوبي وبسبب ماقيل لي عن هذا المنتدى
فبدأت اتصفح وانظر هنا وهناك
ولكن فوجئت بوجود عكس ماقيل لي
فكلما ذهبت هنا وهناك وجدت المشادات في اشعاركم وفي منطوقكم
فلماذا كُل هذا.........؟
اخواني نعلم ان الشعر هواية
ولكني عندما قرأت بعض الاشعار هنا لم اجدها هواية
بل وجدتها كلمات جارحة ويلقيها الشخص دون ان يعلم ماهي عواقبها ...!
ورأيت في الأخير (ممنوع الزعل )
فهل يعقل ان نفرض على الناس كلام هابط وبعيد عن الشاعرية الحقة كل البُعد
بحجة ممنوع الزعل ؟؟؟؟؟؟؟؟؟؟؟؟؟؟؟؟؟
اتمنى ان يرتقي هذا االمنتدى وبالأخص منتدى الشعر الجنوبي الى أفضل مما رأيت


وتقبلوا مني خالص الود والإحترام

[إبن الجنوب]

السلام عليكم
لي تعليق على ابن الجنوب
صباح الخير جئت قبلا ووجهة كلامك للاخت رحاب وكان الأحرى الوقوف الى جانب معلمك كما تفظلت في اكثر من مكان او العكس
ثم اتيت بالطامه وجئت وقلت بيت يعدل قصيده وانت تناقض نفسك في البيت تقول هذه الابيات لا تقال من شاعر وهنا تقول انها تعدل قصيده والسبيه انا اشهد له بالشاعريه ودخولك هنا اشبه بدخول عابر سبيل ان كان هناك عابر سبيل ههههههههه مكشوفه
للأسف اسلوبكم اقل ما يقال عليه الدلاله على العجز ومحدودية التفكير .


السبيه
لحقة ياسبيه من ذهب وكنت اتمنى انك طلبت تفسير اي غموض وانا كنت ساجيبك بصراحه
هناك سرعه بالزعل
والسبب في هذا وللاسف سوء فهمكم او عدمه للقصيده صدقوني لا زلتم بعيدين عن الفهم الجيد للقصيده والمعنى مما ادى الى ضيق صدوركم
ولو حكمتم المنطق لعلمتم ان القصيد اصلا ماهو الا كلام شعراء والشعراء .................
وهنا تقبلوا تحياتي واعتذاري لسوء فهمكم وقلة ادراككم جميعا
ولن ادخل اي محاوره جديده
يالله انبسطوا
هههههههههههههههههه
استودعكم الله

أخي العزيز

أولا : بالنسبه للتعليق على الاخت رحاب الرحمن فكان من باب التشجيع لكم لو لاحظت!!!!!!!!!!!!!

ثانيا:أنا أتكلم عن نفسي اذا كان الادراك وفهم الشعر على طريقتك فانا أتمنى أن لا افهم شي.

ثالثا: انا لم أقل إني معلم لاحد ولا شاعر (رحم الله امرء عرف قدر نفسه).

رابعا: مادمت واثق من نفسك فيفترض إنك لا تهتم بتعليقي فقد أكون حاسدك على الشاعريه الغير محدوده.

خامسا:أنا لم اقف ضدك مع السبيه لانه لا يحتاج لمساعدتي فهو قادر على مجاراتك.وسياسة إن لم تكن معي فانت ضدي ليست في قاموسنا.

سادسا:أتمنى لك التوفيق وأطمئن زوار منتدى رباع إن هذا الصرح الشامخ سيبقى كما عرفوه ومنتدى الشعر الشعبي لن يفقد مكانه بغياب فلان أو علان فقسم الشعر الشعبي فيه منهم قادرين على إضهاره باحسن صوره يتمناها الزائر....

[الهمس]

بسم الله الرحمن الرحيم
السلام علييييييكم
ياساده في شيء اسمه الاسلوب والبصمه في الكتابه يابن الجنوب او عز الجنوب كما تحب لو ضميت التعليقين لكان اوفر لك بالوقت يعني ليش التخفي فيه شيء في علم الكمبيوتر يقال له الاي بي وهناك الاسلوب كتابيا
لكن دعني اقف لك قليلا انت قلت هنا:
(ثانيا:أنا أتكلم عن نفسي اذا كان الادراك وفهم الشعر على طريقتك فانا أتمنى أن لا افهم شي)
البيت الذي نقلته هل فسرته بالشكل الصحيح؟
السبيه قال:
مايشرفني ولا يرفع مقامي صحبة الدني


طيب انا لا اعرف السبيه ولم اصاحبه والسؤال من هو صاحب السبيه؟

والاجابه لديكم

نجي للنقطه هذي:
(ثالثا: انا لم أقل إني معلم لاحد ولا شاعر (رحم الله امرء عرف قدر نفسه).
اكثر من مناسبه قلت استفدت وافدت وان اجمل ما قلت مع السبيه وهوقال انه تلميذك في اكثر من مناسبه وطاح المعلم والتلميذ
ههههههههه مشيها
قلت شاعر وشاعريه وان كنت لا تعلم فهذه كلها مواريث شعبيه يعني ليست المحك الحقيقي للشاعر ولاتتعدى عرضه يعني مثلها مثل الدحه موروث شعبي لكن ما يقاس به الشاعر هو الشعر الموزون والمقفى .
قلت هنا:
(رابعا: مادمت واثق من نفسك فيفترض إنك لا تهتم بتعليقي فقد أكون حاسدك على الشاعريه الغير محدوده.)
والله انت عجيب
يكاد اللسان ينطق بما في القلب هههههههههههههههههههه خرجت منك الظاهر بالقوه

ولا يهمك
هنا قلت:
(خامسا:أنا لم اقف ضدك مع السبيه لانه لا يحتاج لمساعدتي فهو قادر على مجاراتك.وسياسة إن لم تكن معي فانت ضدي ليست في قاموسنا.)
للاسف انت صدقت هنا فيتضح لي انك تقف معي ضد صديقك وصاحبك وهذه شيم العرب
هههههههههههههههههه

تعال تعال هنا:
(سادسا:أتمنى لك التوفيق وأطمئن زوار منتدى رباع إن هذا الصرح الشامخ سيبقى كما عرفوه ومنتدى الشعر الشعبي لن يفقد مكانه بغياب فلان أو علان فقسم الشعر الشعبي فيه منهم قادرين على إضهاره باحسن صوره يتمناها الزائر....)

يعني تقصد اغادر او طرده مثلا
صدقني الفرق بيني وبينكم سعة الصدر انتم مولعين وانا والله ما دريت عنكم
بس حتى لو غادرت ستبقى بصماتي واضحه ولن تمحى ابدا
والا لو لاحظت قصائد نزلت لم يمر عليها احد بس كم الزيارات يريحني ولازلت اكتب
ولا تخاف قاعد لكم هنا بس ابغى اطمنكم

وتقبلوا تحياتي ومودتي

[عـز الجـنوب]

ياساده في شيء اسمه الاسلوب والبصمه في الكتابه يابن الجنوب او عز الجنوب كما تحب لو ضميت التعليقين لكان اوفر لك بالوقت يعني ليش التخفي فيه شيء في علم الكمبيوتر يقال له الاي بي وهناك الاسلوب كتابيا

الهمس اقسم لك بمن لايحلف الا به انني كم اتمنى ان اكون فعلاً بقدر الرجل اللذي شبهتني به
فأنا لست هو وهو ليس أنا...


اما بالنسبة لكلامك عن ابن الجنوب وعن صديقه او صاحبه كما قُلت
فمن الواجب عليك كإنسان أن لاتشب الفتنه بينهما ..

اخي الهمس احسست بأنك تأثرت بكلامي اللذي قلته سابقاً
فهل لي أن اطبق المثل هذا عليك ( اللي على راسه بطحا يحسس عليها )
والمثل الثاني وكمان اضنه ينطبق عليك ( اللي في بطنه ريح مايستريح)

لأني لم اقصدك بعينك .. ولم اذكر احداً بعينه....
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
وانا لا أعتب عليك لا والله أنا اعتب على مؤسس ومشرف هذا المنتدى
لسماحه لك بان تشارك وان تبدي ارائك اللتي لاتفيد ولايستفاد منها
كم كُنت اتمنى ان ابتعد عن هذه المشادة ولكنك أنت اجبرتني على شي لم أكن اريد ان اتفوه به

هههههههههههههههههههه < لا داعي لها

[الهمس]

والله ياعز الجنوب اهل مكه ادرى بشعابها فأن لم تكن هو فرسول محبه



بعدين وش ذا المعلقات الي تقول انها كلها سيئه تخلي اول مشاركه لك هنا

(على هامان يافرعون)

انت ادرى مني ويا أخي المشرف ما يحتاج تنصحه هو ادرى
ولم اطلب منك قسم ماني قاضي هو والا ولد عمه ما يهم بس التطبيل الي في غير محله لا يسمن ولا يغني من جوع بعدين شوف القرات على الصفحه يعني كلهم عميان وانت الي زرقاء اليمامه ولا اعلم ماذا تريدون اقعد اشوف الشباب طايحين في الهمس المسكين واصف جنبكم اصفق
بعدين انا اشترط عدم الزعل لسوء الفهم من يسيء الفهم قريب الزعل
ويا أخي طالما لا تستطيع المجاراه لم تقحم نفسك في محاوره لست ندا فيها؟

صديقي العزيز ياخي ليش متحامل على الهمس لم تكن معني لامن قريب ولا بعيد ولم تكن ضمن القائمه

محاوره وتجربه استفاد منها من استفاد وانت جئت مطفي انوارك واصتدمت بحقيقه لم تكن تتوقعها

لكن يا صديقي العزيز وقعت في الفخ قلت ان رد عز الجنوب فانا محق وفعلا توقعت وصدقت التوقعات





صدقني لا احمل لكم الا الود وحقيقه يجب ان تعرفوها يجب ان تعلموا من تحاورون لتتمكنوا من المحاوره

ما عليش يعني من حكمتك طلبت من المشرف ابعادي وابقائك بس ما تشوف انك لا تملك الا مشاركتين ولي الفظل بعدالله في المشاركتين انت وش رايك فيه مقارنه؟
بعدين مر على مشاركاتي وانظر هل ترى فيها خطاء عاى احد واحكم؟
الشعر لا تحكم لعدم فهمك بالشعر كما قلت والمعنى من حق الشاعر فقط
والا لقتلوا الشاعر الذي قال للخليفه:
انت كا الكلب في وفاءك وكا التيس في قراعك للحصون
وعندما عرف قصد الشاعر اثنى عليه الخليفه
هذي معلومه هديه من الهمس
لحظه شوي
وين توقيعي يارحاب الرحمن ساقيم عليكم دعوه قضائيه
ايوه وش كنا نقول
ايه بغيت اقول لكم لا تحكموا قبل ان تفهموا اتفقنا
يالله انا استاذنكم
وبطلوا الحركات هذي اربع قصائد والباقي محاوره


تقبلوا تحياتي واشواقي

[عـز الجـنوب]

والله العظيم إنك اعجوبه من عجائب الزمان
أخي وعزيزي الهمس قلت لك في ردي الاول
اللذي يعتبر المشاركة الاولى لي أنني اتيت لحبي للشعر الجنوبي وبسبب ماقيل من مدح لهذا المنتدى

بمعنى انني أتيت وكلي شوقاً لقراءة الشيء المفيد فلم اجد الا المقارعات فكتبت الذي بدر لذهني
فقلت الكلام الهابط لا يقال في الشعر أي ( نصيحه )
أخي الهمس انا لم اقل عنك شي فأنا رأيت مشادات فحبيت انكم تبتعدوا عنها لأسباب عده لا اضنها تخفى عليك

كان فيما معنى كلامي ان الكل مخطئين بسبب مايراه القاريء لكم
ولم يرد علي إلا انت ( فهنا انت رأيت نفسك مخطئ فقمت تبادل الجدال بجدال )
اخي وعزيزي الهمس لقد قرأت لك بعض القصائد وأُعجبت بها وتعمقت بشعرك النبطي ايضا واعجبت به
لكن انت بعض الاحيان تعرج وتنسى نفسك وتبدأ بالاتهامات والكلام الغير مقبول
ــــــــــــــــــــــــــــــــــــــــــــــــــ ــــــــــــــــــــــــــ
الهمس انا لست متحامل عليك كما تقول لا لأني لا اعرفك ولاتعرفني
فلن احكم غليك من خلال كتابات تتطاير هنا وهناك..
لأني مؤمن بقاعدة { قال هل تعرفه..؟ قلت نعم ...!! قال هل سافرت واكلت وشربت معه..؟ قلت لا...! قال اذا لاتعرفه
ولكني اود لكم ولمنتداكم الخير

اخي الهمس هناك مثل بريطاني اريد ان اخبرك به
do not argue with me just for arguement argue with me for benefit
ومعناه ( لاتجادلني من اجل المجادلة .. ولكن جادلني من اجل الفائدة )

فأتمنى منك ان لاتقول شيئا الا وانت متأكداً منه
( فإن كان فيه ماتقول فقد بهته .. وإن لم يكن فيه ماتقول فقد اغتبته)
فانا اتمنى ان اكون رسول محبه ولكن ليس رسول محبه بالمنظور اللذي تنظر به أنت


اخي الهمس انا لم اقل انك سيء ولم أقل عنك شي لكي تتفجر اعصابك
فقط قلت اعتب على ادارة المنتدى للسماح لك بقول بعض الكلمات
الجارحة اللتي لآيتمنى أحدٌ ان يكون قائلها شاعر متمكن مثل الهمس


فعذراً اخي الهمس على مداخلتي وعذراً لك حتى ترضى...
ولكن بالبدايه كنتُ اود الخير فأتيت أنت واثرتني لذلك
انا اعتذر لك ولغيرك .. بسبب تدخلي في شي لا يعنيني
ولكني تدخلت بسبب نظرة الزائر الجديد لما يحدث هنا
اتمنى ان تفهمني

ولكم مني اطيب الود والاحترام

[الهمس]

Dear friend don’t say sorry.
As you said above by meaning that all of us here looking to have benefits, so that I would like to say sorry to every body, but really I wish that keeping your self away from this deliberation cause you don’t understand what was happen in between during the past deliberations.
Dear I am here not to showing of my language, actually I don’t have Arabic key board, and thought that you under stand what I am doing here.
Finally, I can thank you much for your interruptions cause that gave me chance to explain some thing to them throw your deliberations.

[إبن الجنوب]

ماشاءالله عليك يالهمس وعندك لغات بعد.. كان خليت القارعه بالانقليزي أجمل ههههههههههههههههههههههههههههههه

[الهمس]

ما عليه يا ابن الجنوب انا شرحت ترى ما كان عندي كي بورد عربي والأخ فاهم علي
بس عموما النقاش مو كنه طول شوي
دون فائده
وانا من هنا اتقدم بالاعتذار للسبيه ان بدر مني خطاء او اساء فهم بيت بشكل خاطيء وقد ضربت مثل لاحد عمالقة الشعر مع الخليفه
وصدقني اني لا اكن لكم الا كل محبه واحترام وهذي قصائد يعني كلام
مفروض نتم تعرفون الشيء هذا والرجل ما قصر ولكم عيون ترون بها بس انا والله ماخذ الشغله تسليه وسعة صدر
ولو دققنا في الكلام لوقفنا يا ابن الجنوب على تشجيعك لنا من خلال رحاب الرحمن الله يحفظها
يعني ترى تصريحك غريب عجيب بس ما القيت له بال اهو كلام
واتمنى ان تتسع صدوركم للهمس
ومن جد لا اعرف احد منكم بسلامتكم السبيه يتهمني باني اعرفكم وانا اقولها علها تصل له لا يربطني اي رابط لا من قريب ولا من بعيد باحد بالمنتدى وانا مسؤل عن كلامي
اما الانقليزي فشوفوا لي شلعر بريطاني والا امريكي بس ما يزعل وانا مستعد هههههههههههههههه
لا تقول باول ولا كوندليزا رايس ترى هذولا نفوسهم راس خشومهم
هههههههههههههههههه

[إبن الجنوب]

كما تفضلت النقاش أخذ امساحه اكبر من ما يستحق بس إنت تبغى كذا لان المناقره في نظرك هي تجلب الكم الكبير من الزوار

وفي النهايه ماحصل الا الخير وتمنيت دخول أحد المسئولين لمعرفة مايحدث ولكن يمكن أنشغلوا بما هو أهم.للجميع مني كل الحب والتقدير

[ابوسعود07]

اخي وعزيزي الهمس حفضك الله
تقبل مني هذا الكلام من دون زعل هههههههههههههههههههههههههه
بكل امانه انت شاعر مالك ند في المنتدى ومثقف وانسان حقاني وعسل
ولا تزعل ولا تتأثر بالي سار بعدين تسير انسان زعول
حبيت بس اقولك اتمنى ماتقطعنى
استاذي الهمس الله يعطيك الصحه والعافيه اعجبتني كلمتك هذي وحبيت اكتبها في تعليقي
لا تقول باول ولا كوندليزا رايس ترى هذولا نفوسهم راس خشومهم
تقبل مروري واسف على الكلامات الي قلتها لانها لم توفي في حقك وانت اكبر من كذى

[الهمس]

عجيب يا ابتن الجنوب
انتم بطبيعتك تهوون اربع قصائد وباقي الصفحات عذار وزعل وليش وما ليش
علما ان اي شاعر يعلم كما تعلم انت انه يجوزله بالتصوير مالا يجوز لغيره
تعبت وانا اشرح لكم شرحت باللغه الرسميه في البلاد ولم تقتنعوا وشرحت لكم بالانقليزيه ولم تستوعبوا
وقصدت معكم بالزهرانيه ولم تفلحوا وش تبغوني اسوي لكم
واخيرا تقول احب المناقر يا سيدي
اسمعهوا ودعوها تدوي في اذانكم
انا طبعا من حقي ان اجعل الزوار يستمتعون وقد استمتعوا كثيرا وهذا شيء يسر بس للاسف انكم لم تدعوهم يكملوا المتعه بزعلكم ومحدودية استيعابكم
وهنا لا زلت تنازع وتصايح لا اعلم لم وما جعلك تقحم نفسك بيننا القارعه بيني وبين السبيه وانت اخذت موقف الدفاع
وتطلب من المسؤلين الوقف لايقافك
يا اخي يعني لازم احد يقول لك قف لتقف
بامكانك التوقف دون دخول احد
ولك حبي وتقديري

ابو سعود بارك الله فيك
واسعد ايامك وجعل السعادة مقامك
سيدي اشكر لك حظورك وتواجدك الجميل
واشكر لك كلمة حق اطلقها لسانك
تقبل تحياتي