تعالي

[الهمس]

تعالي والمسي قلبٍ كساه الهم والهجران=تعالي لملمي جرحٍ حرق قلبي بنيرانه
تعالي واحظني قلبٍ غدا حبك له السلوان=تعالي وارحمي شوقه ولا تنوين حرمانه
بلاه الله في حبك وهجرانك غدا نيران= تشب او تحرق اظلوعي وقلبي شب شريانه
اشوفك تلمس اجروحي وصدك قمة الحرمان=بيدك تشفي اجروحي وقلبي تغسل احزانه
احس انفاسك ابقربي واحس ابلوعة الغيران=تصد اوكني اتجنى وحرفك ينثر اجنانه
اشوفك كل ما اشوفك وكني نايم اوحلمان=اصدق بك ولا اصدق وحرفك يكتم اشجانه
تعيش ابداخل احروفي وحبك داخلي حيران=مشاعر تستعر فيني وهي بالشوق حيرانه
الا ياليت تفهمني وتبعد هقوة الشيطان=ترى قلبي على شانك حرق شكه وشيطانه
وحبك داخلي يسري وانا في قوة الايمان=وبايعتك على قلبي وهو في قوة ايمانه
تعالي يا بعد قلبي ولمي باقي الأنسان=تعالي واحظني قلبٍ بجوفك سار عنوانه
تداعت فيني الامي وقمت اسهر وانا هيمان=اعيش ابلحظة الذكرى ورحي حيل عطشانه
اعيش اليل في طيفك واحبه واعشقه سهران=عيوني بس في طيفك تعيش الوقت سهرانه

[متعب الزهراني]

الله عليك يالهمس تتلمس الجروح كمبضع دكتور فلا تدع للأنفاس الا ان تخرج بصعوبه من مسام الجسم..

داااام لنا هذا التألق

اخوك متعب

[صدى الحرمان]

الله عليك يالهمس انت راااائع بكل ماتحمله هذي الكلمه من معنى
تحياتي لك

[ابوسعود07]

الله عليك يالهمس
شاعر بكل ماتعنيه كلمت شاعر
اااااااااااااااااااه منك انت

[نوران]

وحبك داخلي يسري وانا في قـوة الايمـان
وبايعتك على قلبي وهو فـي قـوة ايمانـه

جيت وصلت
وش الجمال وش الروعه يالهمس ماشاء الله عليك
كل قصيده احلى من الثانيه
وكل كلمه اجمل
ياخي انت مبدع
جنون القصيد
وروعة المعنى
الله يحفظك
ويسعد قلبك