هي مطلوبه هنا

[الهمس]

اذا على بنت انتصارك بطوله= يا فرحت امك جابت اليوم رجال
هذا البيت وجدته في توقيع وجاريت كاتبه او كاتبته


قالت وهي ما تدري الي تقوله=مدري غرور او بس. تقليعة اهبال
افعالنا يا بنت عقلك تهوله=والبنت وش هي البنت غير ام واعيال
اي انتصار اوي كلمة بطوله=بعض الكلام الشين ياليت ما انقال
يابنت هذا ما يقيس الرجوله=مقياسها كم الشهامه والاقباال
والفخر ماكل السواعد تطوله=والا الهوينه سهل يابنت تنطال
الي يقول ان التلاعب رجوله=عز الله انه ما عرف فعل رجال
كان النذاله والمياعه ميوله=اكيد لخداع المخاليق ميال
واليوم اشوف الي بجيبه سيوله=قمة رجولتهم بترقيم جوال
والا دروب اهل الشهامه تهوله=تسقط قناعاته ويتغير الحال
تغدي عقول اهل الشهامه ذهوله=لاشاف مقياس الرجوله بالانذال
الي الشهامه والمراجل فعوله=هذا سبيله وانظمامه للأبطال
ترى الرجوله تنزرع بالطفوله=ماهي بدقة عود والا بموال
وان كان ودك تعرفي يا خجوله=هنا الرجوله والمواقف والأفعال

[ولدصالح]

الهمس
شرفني ان تكون ثاني مشاركه لي هي الاطلاع هذه المنظومة الرائعه
الابداع يبدو انه ملازمكم .
تحياتي وتقديري
ابواوائل

[أم رتيبة]

تـرى الرجولـه تنـزرع بالطفولـه
ماهـي بدقـة عـود والا بـمـوال

كلام جميل جدا جدا

[صدى الحرمان]

الهمس بصراحه انت دهرهـ ماشاء الله عليك
تحياتي لك

[أحلـى]

ههههههههههههههههههههههه
رووووووووعه التوقيع

لاكن تبغى البيت الكامل للتوقيع هذا هو تفضل



مثلك بـلا مبـدأ بفعلـه وقولـه
لا وازع ٍ ديني ولا عِـرف عِقّـال

رجّال لكن منت حـول الرجولـه
حرام مثلك يلبـس شمـاغ وعقـال

المشكله إنك من سلايـل حمولـه
مثلتها بالشين مـن قـول وأفعـال

حلم العصافير الصغيـره وزولـه
زول البغال اللي لهـا قيـد وحبـال

مثلـك عرفنـا مبتغـاه وميولـه
شكواي لله فـي ضعيفيـن الآمـال

قهري على مثلك صعيب ٍ وصوله
قومي هل الطولات أجاويد وأبطـال

لي في بحور الشعر صوله وجوله
مثلي غدت بالشعر مضرب للأمثال

أكتب قصيد ٍ عذب وأعرف أصوله
رطباً طرياً يانعـاً يشـرح البـال

مدهش ومنعش ينعش اللي يقولـه
سهلاً بسيطـاً صافيـاً كنـه إزلال

وأنته قصيدك ما نهض من خموله
مير الصحافه دورها حيـل فعّـال

ماني من اللي تنهـزم بالسهولـه
اقوى من الصخرات واقسى من جبال

وإذا على بنت أنتصارك بطولـه
يا فرحة أمك جابت اليـوم رجّـال



أسم الشاعره النرجسيه
طبعاً فيه تشابه عندكم في بعض المفردات يامحاااااااااااااااسن الصدف(

[علي السبيَه]

طاح البعير وشمّتت به ذلوله=واختلت اوزان الثقايل والاحمال

[الهمس]

ولد صالح شرفني مرورك
والشرف الكبير لي بتواجد هنا كثاني مشاركه فاهلا بك اخي

[الهمس]

ام رتيبه
اعجز عن شكرك وعذب مرورك
والجميل تواجدك هنا

[الهمس]

صدى الحرمان
مرورك بلسم يداوي كل شيء
ويشجع للمزيد
شرف كبير مرورك العذب

[الهمس]

الاخت احلى زهرانيه
ادام الله عليك الأبتسامه
ورزقك توقيعا اجمل منه

اشكر لك مرورك اولا
ثانيا القصيده لم اطلع عليها سابقا او على الأقل عندما كتبت رايت البين واعجبني فقلت لم لا اجاريه
ونزولا عند رغبتك الجميله
تجدين ردا اخر على القصيده مستقل يحمل احلى زهرانيه تفظلي هنا تجدينه في هذا القسم
فاهلا بك
هنا وهناك

[الهمس]

السبيه يقول
طاح البعير وشمّتت به ذلوله=واختلت اوزان الثقايل والاحمال
وانا اقول
ياشين نفسٍ كل يومٍ ذلوله=ما لاقت الا الصد من بعد الأهمال
مرور جميل جدا

[ابوسعود07]

السبيه يقول
طاح البعير وشمّتت به ذلوله=واختلت اوزان الثقايل والاحمال
وانا اقول
ياشين نفسٍ كل يومٍ ذلوله=ما لاقت الا الصد من بعد الأهمال
وانا اقو ل الله عليكم بجد خطيرين
الهمس علي السبيه

[علي السبيَه]

السبيه يقول
طاح البعير وشمّتت به ذلوله=واختلت اوزان الثقايل والاحمال
وانا اقول
ياشين نفسٍ كل يومٍ ذلوله=ما لاقت الا الصد من بعد الأهمال
مرور جميل جدا
والسبيه يقول
الله خلق نفس ابني ادم عجوله=وان الجزاء يبقى على قدر الاعمال

[صقر الجنوب]

قصائد الهمس لها طعم آخر يشدني باسلوبة الرائع كلام جميل ومعاني عميقة بعمق الهمس وصفاء موهبته

[حورية البحر]

رائعة بروعة همسك