الى ابن الجنوب

[الغريب]

هذا بدع مجالسي لابن الجنوب ولا يهون البقيه
وش فايده من ولد برعه ربا عالدنادين
ما سر نفسه ولا ياجيك منه المسرى
يصبح ويمسي وهو عالعود ياعين يا ليل
ما جا منه خير راعي شر والشر فتنا
وغرسة الشوك من يجني لك اللوز منها

[أم رتيبة]

تميز
ايها الغريب

[صدى الحرمان]

صح لسانك يالغريب ونستنى ابن الجنوب يطل علينا بالرد

[نمر بن عدوان0000]

صح لسانك يالغريب وابن الجنوب قدها وقدود

[إبن الجنوب]

أخي الغريب اشكرك على الثقه ولا يهونون الاخوان فانا أعتبر نفسي أقل معرفه منهم.وهذا رد متواضع وترى لك مطلق الحريه ترفضه اذا ماناسبك..

الرد

ماتشكي الضيم في صحبة رباع الدنادين
يشهد لهم ماضي التاريخ قيف المسرى
خذو بسيف البطوله طفة ارباع وغليل
روس تنصٌب وتعرف للحكم شرفتنا
مانوخت والهمايا ماتولو زمنها

للتنويه: غليل منطقه محميه تخص اهل رباع

[صدى الحرمان]

صح لسانك يا ابن الجنوب رد راائع ويعطيك العافيه

[الغريب]

ام رتيبه صدى الحرمان نمر بن عدوان شرفتمونا بالمرور والتعليق
اما انت يابن الجنوب فشرفتني بهذا الرد الرائع الذي جا على مافي الخاطر
ولا هو مستغرب منك ومن السبيه هذه الابداعات عاداكم التميز دائما
بالتوفيق للجميع

[علي السبيَه]

صح السنتكم ياشعار بدع رائع و رد رائع
وانتم شعار كبار ولاهو غريب عليكم الابداع

[الغريب]

وهذي للي يسبق يرد
ياورد ياللي تمايل في غصونٌ ملايين
لا جا الربيع انتشى بالحسن لونه وشرا
ما يشرب الا نضيف الما من احلى المناهيل
جذعه وسط لا نحيف ولا في الكل متنا
يا خوفي أ من الهوى لا ينكسر عود منها

[صقر الجنوب]

أخي الغريب بدع رائع صح لسانك ملايين وننتظر إبداعاتك الدائمة بارك الله فيك مع أخوانك الشعار

أخي إبن الجنوب صح لسانك ملايين على هذا الرد ونتمنى المواصلة منكم جميعا

تحياتي لكم يالنشاما

[إبن الجنوب]

تسلم يالغريب بدوعك عجب ياخيه وينك من زمان .. اسمع الرد ياخيه


إلا متى لا زمين الصمت وأنحن ملايين
الغرب زادت سخافاته علينا وش الرا
مدري متى نتفق حتى يجي علمنا هيل
مادام الأقصى ينادينا لو الكل متنا
أرحم لنا من حياة كنها عودمنها

[علي السبيَه]

على القارعه ياشعار

البدع
ماشال وزر الشعوب الا ضهور السلاطين
قد صادورها حقوق الشعب غصبن وجبرا
حتى على الرأي تتحاسب ويمكن ترى ويل
لكن عسى الله يدم الامن في مملكتنا
ويعز حكام دولتنا ويحفظ مدنها

[علي السبيَه]

الله ياهذه القصيده اعشبت ماحد مر عليها
يالله انا بدعتها وانا باارد عليها

الرد
ماينبت الزرع يااصحاب الثمر من سلا طين
والحب عند الذي كاله مفرّق وجبرا
ويل ايش تدرج عيونك شوق يامن ترى ويل
وانحن زهارين والامداح من مملكتنا
ياكملي انهاك ياقلبي طوال المدى انها

[الغريب]

صح لسانك ياسبيه كلامك درر
لكن هذه الصفحه ضاعت عليه والله مالقيتها الا بعد مارديت انت
وهذه المشكله تحصل عندي دائما وانا شيبه واحيان انسى النظاره
ومعرفتي بالجهاز على قدي