يا مهجة الهمس

[الهمس]

الروح تشكي وهمي حابسـه بالصـدر
بين الحنايا مصابي وش يفيـد الدهـر
من يوم صديت والبسمه على ما نـدر
والا عذابي ترى يشهد عليـه السهـر
كن المأسي نصيبي والتعـب والكـدر
-وكن مقسوم لي من كـل علـه نهـر
الله ماقسـى اليالـي لا دفعهـا القـدر
احس كن الثوانـي مـا تمـر ابشهـر
يا مهجة الهمس يالي لي رسمتك بـدر
صدك جرحني وقلبي من جفاك انبهـر
ماهوب طبعي ولا فيني ميـول الغـدر
لكن اشوف الصدود الي بعينـك ظهـر
وش سالفة حبي الي داخلـك وانحـدر
كنك نسيت الوفا عينـي بعينـك جهـر
شا الفايده لا غديت انفض غبار السـدر
وانا اعرف انه غبار ولا يشافي الظهر
بنيت بيني وبينـك يـا عيونـي جـدر
وش لون اطوفه وفي نفسك يعيش القهر

[علي السبيَه]

ماشاءالله عليك ياالهمس يااخي انت بحر
وكل قصايدك في غاية الروعه والجمال
صح لسانك ملاييـــــــــــــــــــــــــــــــــن