الثمامه

[علي السبيَه]

اللي يبغا يرد على القصيده
فليتفضل مشكورا

البدع
يتجمد دمّ الغزال لاشاهد الليث امامه
وكل شاري يعين سلعته واشتراها
الى نجي بدعك الموزون ياخ ابتنج رد
احذر من الذيب الى منك سمعت العوى صف
وصاحب البار حل عن شلّته والغ باره
ماحد بينهي الذي حالي وللمر منهآ

[إبن الجنوب]

وش طرى على بالك ياسبيه

الرد

أنا تركت الرياض ولا عد اهوى الثمامه
من بعد مارحت عنها ياعلي وش تراهــا
كانت من أول على مد النظر خبت(ن)أجرد
يهولها الله لاهبت عليها العواصـــف
وارسل على العاصمه وادي لبن من غباره
نسيتها ماعد اطريها ولا امر منهـــا

[علي السبيَه]

صح لسانك ياابن الجنوب وانا ياشيخ رحت الثمامه
قبل يومين وبغت تنفر بنا الرياح والغبار اعما عيوننا
ولا عودنا الا وانحن غابين من الغبار وحرام ماعد اطبها
واستلم البدع على القارعه

البدع
راع الرسوم اعدم الالوان والفق رسامه
ولايقيم الضهور وعانها الا فقرها
واصحاب الامزاح بين اعلامهم تركت الجد
سبحان من بيده اقدار البشر والمصارف
والحنبليه لهم قاره والاحناف قاره
واهل التفاهات دق اخشامها وارثمنها

[إبن الجنوب]

الرد
ماظن تتغير الاحوال والفقر سامــــــــه
مازعزع أمن الشعوب وذلّها إلا فقـرهـا
وشعندنا يوم نتخابط علــى تركة الجـــد
ماكان من بين تجار الذهب والمصارف
دعى لنا بالفقر ونموت ونحن فقـــــاره
وديرة الحسد ماحد شابر ورث منهــــا

[علي السبيَه]

البدع
مدري تخص الخبر والا تعمّه عمامه
بحور يطغا عليها موجها من غترها
واللي يقول ان ملكه مايحده ولا حد
ماني بمجبور في رايه ولاني مكلف
والفرح يغمر قلوب اهل المحبه غماره
وبعض الاخبار قلبي ياعرب جاز منها

[صقر الجنوب]

صحت السنتكم ودام ابداعكم وعلا شانكم والله يقويكم وتمتعونا بكلام مثل سلاسل الذهب واحلى من الفضة

[علي السبيَه]

صحت السنتكم ودام ابداعكم وعلا شانكم والله يقويكم وتمتعونا بكلام مثل سلاسل الذهب واحلى من الفضة
.................................................. .................................................. .........
يشرفنا ويرفع من معنوياتنا مرورك ياابواحمد
لكن ابن الجنوب الضاهر بطل يمر على هذه
الصفحه اشوف البدع الى ذاالحين مارد عليه

[علي السبيَه]

نسينا هذه القصيده تركناها بدون رد والضاهر ابن الجنوب ماشافها
والا كان رد عليها لكن انا اللي بدعتها وانا بارد عليها

الرد

راس الخواجه مقرع ماتعمه عمامه=
واهل الخليج ابتزاهي روسها من غترها=
الى لبس غترته ماكن مثله ولا حد=
والعطر فوّاح والثوب الجديد المكلف=
ماعاد يتجاكرون الا بلبس الغماره=
اثر التفاهات مابين العرب جا زمنها=