مجاراة(مسارقلبي)

[علي السبيَه]

هذه القصيده مجاراة لقصيدة
الهمس (مسار قلبي)


ابعد عن اهل الحسد واهل الحقاره
وشلك من اصحاب الوجوه البشاعه

الجـار قوّمنـا مـن اول جـداره
واليوم طاحت فوق راسه قلاعـه

سقيته الحالـي وسقانـي مـراره
واناشريته واكثـر النـاس باعـه

مالي بطرد الفوت غير الخسـاره
بانت علومه وانكشف لـي قناعـه

لو ماسمعنا عزف عوده وطـاره
ماكـان غنينـا بليلـة وداعــه

ولاكان وصّلنـاه صالـة مطـاره
رحلة ذهاب ولابنرجـي رجاعـه

لاعادها ساعـه لـه القلـب زاره
زيارتـه ماضـن فيهـا شفاعـه

يشب في نـاره ويوقـد شـراره
لعب على قلبـي ولعبـه براعـه

عادت قلوب الناس مثل التجـاره
للمشترى والبيع عـادت بضاعـه

الطيب في بعض المواقف دشـاره
والحب الاعمى تاليتـه القطاعـه

[صدى الحرمان]

صح لسانك ياعلي وانا اجيزك وبقوهـ وفالك التوفيق
تحياتي

[علي السبيَه]

صح لسانك ياعلي وانا اجيزك وبقوهـ وفالك التوفيق
تحياتي
.................................................. .................................................. .............
والله ياصدى الحرمان انها مصيبه اذا كنت تخلص
ولا يجازونك الا باالنكران وذا كان المنافق رايته
مرفوعه والطيب ماله كرت والمصيبه العضماء
اذا حاسبوك على غلط غيرك
شكرا على مرورك الطيب ياصدى الحرمان