قصة العاشق

[علي السبيَه]

هذه القصيده اخر انتاج علي السبيه الغلبان وهي
قابله للنقد من كل من يمر عليها هذا اذا حد مرعليها


قصة العاشق

قرينا قصة العاشق مع اللي حسنها معروف
شبيه البدر الى غطا نجوم الليل في مبداه

وانا ماني من اهل العشق عنهم خاطري مصروف
ولا صدّقت هايم من جنونه قال يا ويلاه

ترا اهل الحب حيّاله وتلقا من حيلها اصنوف
كذوبه دمعة التمساح الى هلّت بها عيناه

وتترغّب وتتمنّع وهي تلعب على المكشوف
ومن لا طاعهم في غيهم بين البشر تنساه

جحود وصد دنياهم ولا فيهم ولا معروف
وتتشابه طبايعهم وكلن صاحبه شرواه

يشبون القلوب الخضر حتى تحترق باالجوف
وكلن يغدر الثاني على اسم الحب ياعيباه

وراعي الحب تسرح به شياطين الهوى وتطوف
وتلقا دفتره مفتوح وكلن (م)البشر يقراه

ويصبح يطرد اوهامه والى امسا يعتريه الخوف
ويملي قلبه الفارغ ضنون وكذب من دنياه

ويمشي سكته تايه كما الحلبوب ماله شوف
ويقصر به طريقه لو مشا به عمر ماوداه

وعود الحنضله ماضن تلقا به ثمر مقطوف
وهي غرسه رديه عودها مايرتجا مجناه

كذالك كل منهو قال قلبي عاشقً ملهوف
وفي قلبه دمه بارد برود الثلج في قطباه

تعرّا من ثياب الستر وفي ثوب الدنس ملفوف
يدنَس كل من طاعه وفي درب الدنس جارها

قلوب(ن)يضرب الشيطان فيها دفه المعزوف
وتطرب له وترقص له وتتغّنا معه بغناه

وكلن تايهن قلبه وعلى نقض العهد مألوف
تراهم يدّعون الحب ولا يدرون وش معناه

[الهمس]

هلا بابن السبيه
كيف يا اخي ما نمر على الجمال كيف ما نمر على الروعه وألأبداع
انت جميل بالمعنى والوصف خلنا منصفين معك ابن السبيه
فانت مبدع ورائع ونثرت اجمل الكلمات على اجمل الصفحات مجعلت الهمس يتغنى طربا بما قلته
فوقف وقفة الملهوف لما هو ان من السبيه
وخلال الوقفه طلعت معي رد لا يرقى الى جماليات رائعتك لكن دعني اكسب شرف مجاراتك
وتستحق وساما على هذه الرائعه دمت سالما
الرد جاهز عندي ترى هل اضعه بين ايديك هنا ام اذهب به الى صفحه اخرى
الخيار لك عزيزي
وتقبل تحياتي

[علي السبيَه]

انت ياالهمس الضاهر ان عندك جني مخصوص
يراقب علي السبيه ماامداني اسجل القصيده الا
وانت جاهز بالرد عيني عليك بارده
افضل تسجل الرد في هذه الصفحه وعلى كل حال
تشرفت بمرورك الجميل وتعليقك الراقي

[أحلـى]

علي السبيه
رفقاًبأهل العشق

كلماتك تستحق التقدير

تحياتي لك

الهمس
من معجبينك والله يديم المحبه جميعكم مبدعين

[علي السبيَه]

الهمس
من معجبينك
.().().().().().()

يابختك ياالهمس احلى زهرانيه من معجبينك
هييييه الله يوعدنا . بعدين ياست احلى زهرانيه
الهمس له اكثر من قصيده مالقيتي تسجلين اعجابك
به الا في صفحة علي السبيه الغلبان
بس تدرين يااحلى زهرانيه حتى انا من معجبين
الهمس شكله يهوس وهو انسان مختلف عن الجميع
بحلاة قصايده وردوه وتعليقاته الراقيه حتى اسمه
له نغمه خاصه ورنّانه والمثل يقول كلن له من اسمه نصيب

تشرفت بمرورك الحلو يااحلى زهرانيه

[الهمس]

مساءك خير يا سبيه
وتحياتي لأحلى زهرانيه ومرورها العذب الذي زاد الصفحه جمالا واسمع رد الهمس يا سبيه اتمنى انه يليق بالقصيده ولا يهمك دام احلى زهرانيه والهمس ردوا عليك فذلك يعني ان قصيدتك تستحق القراه وفيها من الجمال ما يجعل القاريء يستمتع
والظاهر ان فيه نفور من صقر الجنوب ومشهور من الكلام الجميل دعهم يحلقون خارج السرب وانا معك


يقول الهمس يا قلبي تغنى باللحن منزوف=ومن يحسدك ياقلبي عسى هم الهوى يضناه

انا ماني مبرهن له ولاني حالفٍ بحلوف=انا صادق وانا قلبي يحبه يعشقه يهواه

ولولا الناس تحسدني ولولا تعتريني اظروف=لسَطر بالشعر باسمه قصايد كلها تعناه

لكن اهل الحكم قالوا وقول اهل الحكم منصوف=يقولوا كل ماعونٍ بما فيه انتثر به ماه

ومنهم خاينين العهد كلامه ما يعدي الطوف=بهم ضاقت مشاعرهم وصدق القول ما ريناه

لكن اسمع حبيب الروح عسى روحي فداالأكفوف =انا صادق بمل قلته وقلبي حبك ابمجراه

انا جيتك انادي لك وقلبي للقا مخطوف =يديني ترتعش رهبه وجسمي يرتعش ويلاه

اخاف اجيك للموعد واطول انتظر مكتوف =وخاف الأنتظار ايطول وقلبي ما يطيق اعناه

انا قلبي صفا باسمك وسويته قصر مرصوف=وخدامك عيون الهمس وروحه حارسه لعداه

وخذ حب الوليف اللي تولف في هواك الفوف=صدق بمشاعره يمك وراعي الكذب ما ندناه

ولاهمك كلام اللي كلامه بالكذب مردوف=حياته كلها تعليل وعمره بالهبال افناه

تلخبط عنده المعنى ولا يدري وش المعروف =ولكن فاقد الشي كيف. يبي يعطيه من يمناه

مريض النفس من ياخذ على هرجه يروح اتلوف=وتتهاوى به اقدامه وهذا ما جنته ايداه

حسيبك ربك الخالق ياظالم ما تعرف اتروف=وتتبرى من التهمه تقول القصد مت نعناه

[عاشقة الصقر]

والله يستاهللللللللون كل خير علي والهمس ..

وبعدين للمعلومية ترى انتو اللي منورين المنتدى ..

وبالنسبة للقصيدة ..

والله صح لسانك يا علي ..

وصح لسانك يالهمس ..

تحيااااااااااتي ..

أختكم عاااااااااشقة الصقــــر..

[علي السبيَه]

والله يستاهللللللللون كل خير علي والهمس ..

وبعدين للمعلومية ترى انتو اللي منورين المنتدى ..

وبالنسبة للقصيدة ..

والله صح لسانك يا علي ..

وصح لسانك يالهمس ..
.................................................
الله يجبر بخاطرك ياعاشقة الصقر

[علي السبيَه]

ماشاءالله عليك ياالهمس عيني عليك بارده
مبدع في كل مجالاتك وانا اتشرف بقصايدي
مع شاعر بحجم الهمس وهذه قصيده على
نفس القافيه ياسيدي الهمس

يشيب القلب مايبيلغ مراده والوعود تطوف....مادام الحظ عاثر مايحقق خاطري رجواه
يقاتلنا ردي الحظ ويذبحنا بدون اسيوف......ولايعطف ولا يرحم ولا ياكثرهم قتلاه
تراك اتعبتني وارهقتني ياقلبي المندوف....ومثلي لو بغا يشكي من اللي يستمع شكواه
وعقلي لوذهب مني محله مايفيد خلوف ...رماه الحظ الاقشرفي دهاليز الزمن وازراه
متى ترتاح مثل الناس ياقلب الشقاالمكروف...وعمري حظه المنحوس في دنياه يتقداه
وانا عاقل ولااطاوع ضنون الجاهل الملقوف....وكلن دربه ابيوصله الى شد الخطا واقفاه
نواصل دربنا ياقلب ولا ننتسم و نعوف.........انا خايف يطول الدرب ياقلبي ولا نقواه
ولايقوى على موج البحورالقارب المجدوف....تتوه الباخره ليمن طغا موجه على ميناه
يتالي قلبي الزفره ودمي في عروقي نشوف....ولايلقا العلاج اللي يداوي علته واشفاه
ابات اهوجس افكاري وجنبي ماعليه الحوف....سجين الفكر لو يحكم عليه الوقت مابرّاه
وعيني طيلت ايامي توالي دمعها المذروف....ويسري هاجسي يوقد لهيب النار في مسراه
ولوتبصرمن الايام بسمه عابره واطروف.....يقابلها النكد مشهد مثبت غصب تتوراه
ضروف الوقت تتجيروتقساوالعبادضعوف....ويخسرمن تبع ضنه وشيطان الخيال اغراه
وانا شفّي عديم ولا لقيته والقلوب شفوف...وقلبي كيف يتجاهل وينسا و الخبر يعناه
على جسرالزمن ماشي وقلبي باالخطرمحفوف....والى ضاقت به الايام صحت وقلت ياربّاه