الاشواق

[علي السبيَه]

الاشواق

ياصاحبي دايم لك الروح تشتاق
انت الوحيد اللي لك الحب كله

لك كامل الاشواق يازين تنساق
سوق السحايب والغيوم المهلَه

ياابوخدودً كنَها نوض برَاق
تحت الرموش اللي عليها مضلَه

وابوجعودً كنَها الموج صفَاق
يشبه غزير الموج لمَا يفلِه

واللحظ لقلوب المحبين سرَاق
وكل من شافه ترك فيه علَه

مزقت قلبي مثل تمزيق الاوراق
ارحم تراني في غرامك مولَه

الهجر بعد الوصل وشلون ينطاق
والوصل بعد الهجر ما احدً يملَه

رادار حبك لي على طول لحَاق
والجيش حاصر خاطري واستحله

ياصاحبي مادمت للهجر سبَاق
انا معك قلبي غرامه يتلَه

مادام في شرع الهوى وصل وافراق
صلَيت في حبك على كل ملَه

شعر\علي السبيه

[صقر الجنوب]

ياصاحبي دايم لك الروح تشتاق = انت الوحيد اللي لك الحب كله

لك كامل الاشواق يازين تنساق = سوق السحايب والغيوم المهلَه

ياابوخدودً كنَها نوض برَاق = تحت الرموش اللي عليها مضلَه

وابوجعودً كنَها الموج صفَاق = يشبه غزير الموج لمَا يفلِه

واللحظ لقلوب المحبين سرَاق = وكل من شافه ترك فيه علَه

مزقت قلبي مثل تمزيق الاوراق = ارحم تراني في غرامك مولَه

الهجر بعد الوصل وشلون ينطاق = والوصل بعد الهجر ما احدً يملَه

رادار حبك لي على طول لحَاق = والجيش حاصر خاطري واستحله

ياصاحبي مادمت للهجر سبَاق = انا معك قلبي غرامه يتلَه

مادام في شرع الهوى وصل وافراق = صلَيت في حبك على كل ملَه


صح لسانك وسلمت يمينك

[شاعر غير متوج]

صح لسانك ملييييون ولا يكفون

[العمدة]

صح لسانك

[علي السبيَه]

الاخ العزيز صقرالجنوب
اشكرك على مرورك واهتمامك وانت تشرف
كل موضوع تمر عليها البست قصيدتي ثوب
الابداع وحليتها باغلا الحلل فدام عزك ياصقرالجنوب
والله لا يخلينا منك

[علي السبيَه]

شاعر غيرمتوج
انت متوج بوجودك وبقصائدك الجميله ومرورك
هنا وهناك اسعدتني بردك الجميل
لك مني جزيل الشكر والتقدير

[علي السبيَه]

شكرا لك ياعمدة منتدانا على مرورك الائق
ولك مني جزيل الشكر والتقدير