الرجاء من الشعراء الاخرين عدم الدخول" تــعال يا السبيه

[العالم المثالي]

سلام عليكم كيف الحال وش اخبارك طيبين بشرناعن حالك كيف الديره ومتى اخر مره طلعت الديره وكيف جو الديره حر ولا برد فيه مطر ولا مافيه وش لون عمك ابو رزق وشلون صحته بشرنا عنه وسلملي عليه
وفي امان الله:msn-wink: ههههههههه

حبيبي شاعرنا الكبير علي السبيه حبيت اخلق جومن الدعابه معك:bigsmile: واتحداك تردها عليه

[علي السبيَه]

يامرحبا يامن لفاني وبادر باالسلام=
نشدت عن حالي وحالي بخير وفي نعام=
والديره لي عنها ترى اسنين عامن بعد عام=
ماردني عن ديرتي غير شغلي والدوام=
لكن حسب اللي سمعنا وجانا من كلام=
قالو سماءالديره الجنوبيه غطاه الغمام=
وقالو ان الجو بارد عقل حتى العضام=
ونشدت عن بورزق عمي وياخير العمام=
ابشرك في خير مبسوط واحواله تمام=
وانشاءالله يوصل له سلامك وتسلم ياهمام=
ورّدت علمك لي وهذا ردودي والجواب=
وصلاة ربي عاالنبي في نهاية علمنا=

[العالم المثالي]

ماشاء الله لاقوة الا بالله

رح ياشيخ الله يفتح ابواب الخير وابواب الجنه في جهك قل...امين

[علي السبيَه]

امين..واياك انشاءالله

[رحاب الرحمن]

الله الله الله
الكبير كبير
شاعرنا الكبير قد التحدى و قدود
الله ينور عليك

[الهجيــــر]

أسمح لي ياعلي على التدخل لكن ماحب اشوف القصايد يتيمه

واقبل مني هذا الرد المتواضع


لو جيتنا بالحرب رديت حربك بالسلام =
والبحر له سباح يدري بنفسه فين عام =
ماحتاج من غيره شهاده ولا منبع دعام =
وان كان جاه الموت بغته فلله الدوام =
الى غلطنا ياعلي لا يجينا منك لام =
صدورنا فى بعض الاحيان يملاها الغمام =
لكن بادعي من يحط اللحم فوق العظام =
انه يفرج همنا بالخصوص وبالعمام =
والى أشغلتك العسكريه وطابور التمام =
فحث نفسك ياعلي عالقصايد والهمام =
ياكم تمنينا من النخل تمره والجواب =
لكن طلع النخل قصر ولا جا عالمنى=

[علي السبيَه]

صح لسانك ياشيخ وانا تعمدت اخليها بدون رد
وانت ماشاءالله عليك رد تفوق على البدع
شرفتني بردك الرائع على بدعي المتواضع

[صقر الجنوب]

صح لسان من بدع ومن رد وصاحب الموضوع ولمن مر من هنا

[علي السبيَه]

شكرا لمرورك الكريم ياصقرالجنوب