مجاراة السبيه(بعض العلل)

[الهمس]

يا لايمي كيف لمت القلب في غيه=بلاك ما تعرف ان القلب با احبابه
خذت المعاني وقلبك ينثر ادميه=وقمت تحرق بنفسك كيف بتجابه
والا وش الي يجيب البحر بريه=وش جاب ماي البحر للبر واترابه
انا كتبت ابحبي حب واوصيه=واهديته ابيات دونها في اكتابه
القلب يصرخ بحب البنت ليليه=ما تسمع الا ونينه يلحن اشغابه
لي سكن طيفها بالقلب جبريه=غدت حروفي لها بالحب منسابه
فيها تواصيف وش دراك من هيه=بين الخلايق لها منصب تغشا به
لها غيون المها والشعر هنديه=واعيونها توقع الطاير على اعقابه
وانفاسها عطر فاق الورد واعذابه=والجسم ريان مثل السيف بنصابه
الروح في بعدها تنزف ومدميه=والعين في جفها تبكي وندّابه
غصب القصايد بها تكتب وحتميه=تغدي لها بالغلا تمشي وركابه
لكن اشوف النوايا منك مبديه=الظلم بيتك وزيف الحق باعتابه
صبغت لون الوفا بالوان بنيه=مدري عمى الوان والا العقل وش صابه
ما تدري ان الشعر تقراه جنيه=تحلله قبل ما يكتب ويبدا به
خلك بغيك وانا في عشق قمريه=الحب يسري بقلبي والوله غابه
ما همني الي به النيات ملويه =ناسٍ تحرف مقال او ناس كذابه

[رحاب الرحمن]

رائعة فعلا
الله يعطيك العافية

[علي السبيَه]

صح لسانك وعلا شانك يافارس الشاعر يامبدع انا بيكون
لي مع هذه القصيده وقفة اعجاب في غير هذه الصفحه


لكـن اشـوف النوايـا منـك مبديـه
الظلم بيتـك وزيـف الحـق باعتابـه

صبغـت لـون الوفـا بالـوان بنيـه
مدري عمى الوان والا العقل وش صابه

ما تـدري ان الشعـر تقـراه جنيـه
تـحلله قبـل مـا يكتـب ويبـدا بـه

خلك بغيك وانـا فـي عشـق قمريـه
الحب يسـري بقلبـي والولـه غابـه

ما همنـي الـي بـه النيـات ملويـه
ناسٍ تحـرف مقـال او نـاس كذابـه

[صقر الجنوب]

خلك بغيك وانـا فـي عشـق قمريـه
الحب يسـري بقلبـي والولـه غابـه
ما همنـي الـي بـه النيـات ملويـه
ناسٍ تحـرف مقـال او نـاس كذابـه


صح لسانك وبارك الله في ابداعك