حبها والجاذبيه

[الهمس]

سيداتي انساتي ايها الساده الكرام=اسمعوا هذي القصيده والمعاني العاطفيه
لي حبيبه همت فيها بل تعديت الهيام=ماعرفت اوصف هواها فيه امورٍ داخليه
عاش فيني حب قاتل تشتكي حتى العظام=كل ما قلت ابيهوّن زادت ألأعراض فيه
لو درى الطب الحديث كان يسال كيف قام=كل هذا العشق عنده كيف قلبه مبتليه
البدايه مزح عارض والتراشق بالكلام=مع مرور الوقت سرنا نقطتين ابكوب ميه
وابتدينا بالكتابه في معانينا انسجام=في ثنايا كل كلمه الف كلمه منثنيه
الكلام الي نقوله صعب يعرفه العوام=كنها شفرات ترسل ما تبين للرعيه
وابتدى لعب المشاعر وابتدت شهب الغرام=قامت القعدات تطول واليالي السامريه
لين قلبي سلم امره بيدها والقى السلام=واشتعل بالحب قلبي واشتعلت ابنار حيه
واختلفنا بالعناد واختلفنا بالنظام=قمنا نتخاصم ونصرخ كل روحه او كل جيه
ابتعدنا عن بعضنا وانا حرمت المنام=هي بجنبي بس بعيده والمشاعر مصطليه
ثم قامت تتهمني واكثرت ب ألأتهام=كل ما رديت ردت بس ما هانت عليه
كل ما ردت تحيه عند غيري او سلام=كنها تقطع بقلبي لين تتناثر دميه
قلبي اعلن في هوها حب يعقبه الصيام=لا حبيبه لا خليله غير هذيك البنيه
لو درا قيس المعنى كان ما خلى الخيام=كان هون في مكانه واعتذر للعامريه
والرواة الي تناقل حبهم من الف عام=كان ما سووا قصصهم بالعصور الغابريه
كان ما به قيس وليلى وابتدى فصل الحسام=واصبح العنوان قصة حبها والجاذبيه

[صقر الجنوب]

لو درا قيس المعنى كان ما خلـى الخيـام
كان هون في مكانـه واعتـذر للعامريـه
والرواة الي تناقل حبهم مـن الـف عـام
كان ما سووا قصصهم بالعصور الغابريـه
كان ما به قيس وليلى وابتدى فصل الحسام
واصبح العنوان قصـة حبهـا والجاذبيـه



كم انت رائع ياشاعر

[العالم المثالي]

قصيدة رائعه بالفعل
صح لسانك وعلى قول اخي صقر الجنوب
كم انت رائع ياشاعر

[علي السبيَه]

صح لسانك وعلى شانك ومثل ماقال صقرالجنوب
كم انت رائع ياشاعر