يالي سكنت الرياض

[الهمس]

يالي سكنت الرياض او يتبعك قلبي=حبك سرى به وهم البعد جلاده
غديت مثل الغريب اتوه في دربي=اتبع سرابك وشوقي يشعل ازناده
شديت يمك رحالي داعيٍٍ ربي=يجمع شتات الشمل لطّاف بعباده
رحلت من ديرتي والقلب متنبي =حبك شرابه وعذب الشوق زواده
سريت في ليل واسلاحي على جنبي=ناصيك واليل جفني حرم ارقاده
اقطع مسافات يلفحني هوا الغربي=والقلب رغم الهبايب يعلن اعناده
لحظات اريح وابل الساني من شربي=ولا ذكرتك يمل القلب مقعاده
واحزم عزولي واشد الرحل والبي=ندا فوادٍ غدا يعلن لك اجهاده
لهايب القيض زادت من لهب حبي=احسها تحرق انفاسي ووقاده
لاهب نسمه عليله قلت ابد جنبي=احسها منك مرسوله ومنقاده
في ليل مابه ونيسٍ ناري اتشبي=اجر لحن القصيد الي لك امراده
غديت مثل الذي يقنص وهو يحبي=رمى على الصيد سهمه ميرما صاده
رمشك رماني وقدك قام يلعب بي=واخدودك الي عليها العين نشاده
وجهك تقول القمر بالغيم متخبي=وامشاعري قوم موسى فيه عباده
قمت ادعي الله يقرب مسكنك قربي=ما عاد بالقلب شده واعلن اجهاده
حسبي على الي مبعد مسكنك حسبي=حسبي على الي لحب الهمس نقاده

[صقر الجنوب]

حسبي على الي مبعد مسكنك حسبي
حسبي على الي لحب الهمس نقـاده



صح لسانك ياشاعر اشتقنا لشعرك وروعته

[العالم المثالي]

يعطيك الف عافيه يالهمس
مبدع كعادتك

[ابو صالح]

غديت مثل الذي يقنص وهو يحبـي=
رمى على الصيد سهمه ميرما صاده=

ياسلام صح لسانك ياشيخ