الهمس . شفته في قهاوي نخال

[ابو صالح]

يالربع الهمس ماله حس كني ريتوه
البارح وانا جاي من الديــــــــــــــره









يالهمس شفتك في قهاوي نخال=
من بعد ما غيبت عنا شهور=
فلا يكون انه بلاك الضباب=
شوش على رويتك واعما الفوادي=
سويت حادث حزة القايله=

[متعب الزهراني]

ايه والله انه له فتره غايب ياعسى المانع خير يارب

وصح لسانك يابطل

[صقر الجنوب]

الحقيقة اننا اشتقنا لهذا الرجل حقيقة وانا ماتركت اي وسيلة للاتصال الا عملتها وباءت كل محاولاتي بالفشل ولم ياتيني اي رد .
نسأل الله التوفيق والصحة والسعادة الدائمة وأن يكون المانع خير .
فهو غالي علينا جميعا ومبدع قل ان تجد مثله بموهبته الفذة .

[ابو صالح]

ايه والله انه له فتره غايب ياعسى المانع خير يارب

وصح لسانك يابطل

صح بدنك

والله ما نفقد الا غالي

والهمس رمز الغلا كله

[ابو صالح]

الحقيقة اننا اشتقنا لهذا الرجل حقيقة وانا ماتركت اي وسيلة للاتصال الا عملتها وباءت كل محاولاتي بالفشل ولم ياتيني اي رد .
نسأل الله التوفيق والصحة والسعادة الدائمة وأن يكون المانع خير .
فهو غالي علينا جميعا ومبدع قل ان تجد مثله بموهبته الفذة .



ايوالله تكفون فيه طمنونا عليه

والله اشتقنا له

واذا فيه ما يكدر حياته الله يجيره

تروني واحد منكم والله ما يلحقه ضيم وانحن موجودين

بارادة الله لا بارك الله في صحبه ورفقه مالها معنا

والله لا يحوجه لاحد ويجعله في احسن حال

[علي السبيَه]

صح لسانك ياعميدالشعر والهمس له فتره مختفي
ماشرف المنتدى عسى المانع خير انشاءالله

[الهمس]

الغالي عميد العزوبيه
اسعد الله اوقاتك بالخير والمسرات ولا يهونون الأخوه الأحبه
مررت بظروف عصيبه شوي وصارعتها وصارعتني وبفضل الله انتصرت عليها وكسبت نفسي ومن احبهم
ولي الشرف بسؤالك عني وان دل فما هو الا دليل اصالتك
من قلبي اقولها لا خلا ولاعدم
ولا يهونون الأخوه جميعا
فالمعذره على التأخير
واسمع الرد المتواضع


حياك ياخيٍ وعمٍ وخال=
يالي غلاك اصبح بقلبي شهور=
ظروف جارت واغلقت بالضباب=
سريت من همي وجبت الف وادي=
واثر التهم من قولة القايله=

[علي السبيَه]

طيب ياشيخ طيب صح لسانك ياالهمس

[الهجيــــر]

يا سلام يا سلام

صح لسان عميد العزوبيه وصح لسان الهمس

ابداع غير مستغرب من أهل الابداع

[ابو صالح]

ياسلام يالهمس ويالله حيه ملايين والله يجيرك من كل مكروه
واسمع كلام رباع وانا اعتبرني واحد منهم



ازهم بنا تلقا علوم الرجال=
نبدي معك حتى لفلج النحور=
ناجيك شياب(ن) ومنهم شباب=
ابشر بنا مثل النمور العوادي=
جاهه ومال وقوة(ن) هايله=

[علي السبيَه]

طيب ياعميد الشعر صح لسانك ملايين

[صقر الجنوب]

حياك ياخيٍ وعمٍ وخال
يالي غلاك اصبح بقلبي شهور
ظروف جارت واغلقت بالضباب
سريت من همي وجبت الف وادي
واثر التهم من قولة القايله

صح لسانك ياسيد الشعر

[ابو صالح]

طيب ياعميد الشعر صح لسانك ملايين



صح بدنك يالغالي يا اغلى من الغلا كله

وعميد تيه باحيلها وارتاح منها

[الهمس]

السلام عليكم ولا هنتم جميع
والمعذره على التاخير

يالي لكم في البحر والبر جال=
دياركم ما الجود فلج النحور=
والنار من جود النشاما شباب=
وسيفكم يقطع رقاب العوادي=
واجبالهم منكم غدت هايله =

[ابو صالح]

الله الله
والله تذكرت متصفحي انا وياك
يوم شفت ابو طلا فتح معك متصفح اليوم
اجل تعاله ناخذ لنا كم واحده جعل الردي يفداك
يالنشمي ياولد النشاما


لا تتخر عندي علوم(ن) طوال=
هيضاً يوسع ضايقات الصدور=
نبغي نسوي معركه وانتخاب=
اما تجاوزنا جميع النوادي=
والا انسحب واهل الهمم شايله=

[الهمس]

مساء الخير وانت تطرب وتخلي الي ما يقصد يقصد
وشرف لي مجاراتك

الرد=
اجيك وايدي للمراجل طوال=
واسري ولاهاب الجبال الصدور=
هات ايدك اليمنى ولا اظن تخاب=
من عادة المطلق يجيب النوادي=
مثلك شرف لا سار ممشاي له=

[ابو صالح]

ياربي اسعده قل امين

اسمع اسمع


تبغاني اني اسقيك ماء من زلال=
من بعد ما قلبك بدا منه جور=
قالو لي انك عقرب(ن) وانت داب=
من لقصتك تفنا جمال (ن) شدادي=
وجيت ازيل انيابك المايله=

[*** الصهيبي ***]

طيب طيب
قارعه رائعه ومميزه والحمد لله على السلامه يالهمس
واصلوا واصلوا فنحن متابعين










دمتم في رعاية الرب
اخوكم
الصهيبي

[الهمس]

الله يسعد قلبك ياخي انت والله شاعر من نوع اخر غير الكل تفوقنا جميعاً ذوقا وهمه
تقبل تحياتي
الصهيبي اسعد الله اوقاتك بالمسرات
والله يسلم عمرك اشتقت لك
مرور عزيز علينا جميعاً

الرد=
يستاهل الي يبتدي بالزلال=
والعاقل الي الي متقي من هجور=
والي تردى يوم جاه انتداب=
اوميت له بين الخيول الشدادي=
واثره عمي ما يبصر الماي له=

[ابو صالح]

غربك هوا من فوق حد المحال=
ماتدري ان المحل تدوم(ن) تدور=
ماجالها تدقيرة(ن) وانتشاب=
تبغا الحقيقه والعلوم الوكادي=
لا شفت ونعم سلم الرايه له=

الرايه = الهاء لتوضيح قصدي ولا تلفظ

[علي السبيَه]

ابوصالح+الهمس
ابداع×ابداع

[الهمس]

يسلم لسانك
ومشكور الجميع على المرور
والسبيه له طابع خاص


الرد=
خذت الصعيبه رغم حد المحال=
وقلت بسم الله وامنت. دور=
بعد يشيب االراس بك وانت شاب=
الو العصابه يا فتى والو كادي=
الهمس لا جا قلتم الراي له=

[صقر الجنوب]

اقف لكم احتراما لابداعكم شعار كبار واليوم نحن جميعا من اسعد الناس بعودة الهمس الى ساحة الابداع

[الكناني']

الـهـمـس + ابـو صـالـح

الله يعطيكم العافيه وصحت السنتكم جميعا

[ابو صالح]

اشتقت لهمسي الحبيب والله العظيم
ولقارعته التي لا تشيب ولا تموت
تحياتي همسنا الغالي

الله يقطع سلعة آبو ريال=
الرخص فيها والبلا من عصور=
حتى ولو تبلغ حدود النصاب=
الوزن والكميه لوهي جوادي=
ماتغني المحتاج والسايله=

[الهمس]

هلا والله بالغالي ابو صالح
انا لست نصراوي ولا هلالي لكن تعاطفا مع النصر وجمهوره الغفير
رديت كذا المعذره


الرد=
الفرق مابين الهلال او ريال=
مثل الفوارق بين قلوه وصور =
البارحه حطوا عليه النصاب=
وهاج نادي النصر به هيج وادي=
فوق الخدود ادموعهم سايله=

[الكناني']

فوق الخدود ادموعهـم سايلـه

اي والله مجدك

صحت السنتكم يالمطاليق واصلوا يعطيكم العافيه

[ابو مشاري]

الله يعطيكم الف عافيه

[ابو صالح]

يانافدا البديه ويا ربي حيه واحيـــه
انت غالي والي اغلى منك هو انت

النصر مدعوم (ن) برشوه ومال=
مكشوفة(ن) لوكان جت في سرور=
اعرف مهاجمهم دوام(ن) مصاب=
وفوق هذا ضاري(ن) بالرقادي=
ياشين حض الموسم الجاي له=

[الهمس]

الرد=
تدور الاعذار والحظ مال=
وبانت الخيبه وراح السرور=
الله يجبر خاطرك بالمصاب=
النصر مثل النار بالبر قادي=
نسمع جماهيره وجلجايله=

[علي السبيَه]

اسر ياليل بين ذولا الدواهي

[ابو صالح]

الله يجمل حالك ويبيض وجهك يالهمس
نعم هنا في رباع الشعار المحترميـــــن
كبار في اخلاقهم وفي قصايدهم وفــــي
معانيهم وفي سعة صدورهـــــــــــــــــم
ليسو مثل من يصافحوننا باليمين ويطعنونا باليسار.
.
اخي بل استاذي الهمس اضع بين يديك هذا البـــدع
وانتضر ردك وبعده اقول لك نلتقي في متصفــــــــح
جديد وفي قارعه جديده واسمحني ان كنت اشغلتـك
او اثقلت عليك فمكانتك في قلب وعلى راس العميد.

يطفي على سطح الحليب الجفال=
ماهو بلا حالي وله مرور=
موضحه يا همسنا من كتاب=
رغوه يذوبها تحراك ايادي=
ماتشفي المرضان وغلايله=

[صقر الجنوب]

وين ردك يا الهمس .. لازلنا في الانتظار

[د.ليل الوعد]

ابو صالح كفو وصح السانك وبيض الله وجهك والسامعين ويستاهل الهمس كل علم غانم بيض الله وجيهكم يا النشاما