الى صليب الراس

[علي السبيَه]

ياصليب الراس ودي نتحاور في هذه الصفحه محاوره اخويه يسودها الحب والاخاء
وانا اتشرف بمحاورتي مع شاعر مثلك ومنك اتلعم واستفيد والمجال مفتوح للجميع
البدع

وش نرتجي لو هوينا للتلف وانتزينا=
ياليت ساقي مضا بي عاالخطر وانتقل بي=
والمزرع اللي يجود به الثمر سيد الاحباب=
مانجتني الا من اغصان الثمار المحبين=
ومن العنب كم قطفت الفارسي والدواله=

[صليب الراس]

الله الله الله .. يخارجنا يا بو طلال
ارجو ان يرتقي الرد لمستوى البدع ..
الرد

يا مدرج الساق خاف الله بي وانت زينا=
لا تبتعد عن دروبي بالجفا وانت قلبي=
يا كملي المح لما يرضيك يا سيد الاحباب=
ما ظن تلقى مثيلي بين جمع المحبين=
عيونك اسباب علة خافقه والدوا له=

[علي السبيَه]

البدع

لاتنتشد عاالبحر وتقول لي ماه وينا=
ولاتظن البحر مثل النهول العذابي=
المسك غالي وعود الطيب لهل الولا طاب=
ياماجنينا من اثمار الغصون المجانين=
وان كان بيديك ميّلت الغصن جَنّ عقله=

["ابو شهد"]

السلام عليكم ورحمة الله وبركاته


صحت السنتكم وابداعكم




ابو شهد

[صليب الراس]

الله يهولك يا علي السبية والله انك مبدع .. ما شاء الله تبارك الله
الرد

يا ليتني صفت عن درب الهوى ما هوينا=
من بعد كثر العنا والشوق هول العذابي=
ولا تهنيت في عمري بساعه ولا طاب=
غديت ناحل وتبصرني سواة المجانين=
والناس قالوا صليب الراس قد جَن عقله=

[صليب الراس]

حياك الله اخي ابو شهد ومرحبا بك ...

[علي السبيَه]

صح لسانك ياصليب الراس على هذه الردود المحكومه

البدع

اثرك على اسمك صليب الراس لا منت هينا=
والى نهبت الغرض في فزعتي وانتهابي=
ان قلت لك شور لاترفض كلامي ولا تاب=
انتم لنا كارهين اليوم والا معزين=
والمعركه بعد مادارت ترد العزاله=

[علي السبيَه]

السلام عليكم ورحمة الله وبركاته
صحت السنتكم وابداعكم
ابو شهد
.................................................. ..........
حىالله ابوشهد وصح بدنك وعلى شانك

[سعيد بن خضران]

الله عليكم ابداع

صحت السنتكم ولا عدمناكم

واصلوا

[صليب الراس]

حياك الله يابو احمد وجهز نفسك للمشاركه ما نسمح لك

تحياتي للجميع

[سعيد بن خضران]

يا بشراك يا أبو محمد

اتشرف بالمحاورة معك ومع أبو طلال

[صليب الراس]

يالله حيهم جميعا .. ابو احمد البدع عندك لاتبطي علينا ...
الرد

لا عاد تقطع حبال الوصل لا منتهينا=
خير اول الدرب يالمحبوب شر انـتهــى بي=
والقلب ياما نهيته غير عيا ولا تاب=
والله اني اشوف موتي في عيون المعزين=
واخاف عيني تسابقني ترد العزا له=

[سعيد بن خضران]

حياكم الله جميعاً

وأبشر بي الين يوصل علي

راسك حامي يا أبو محمد

استلم لا هنت



الشرّ قصّر مدارج خطوتي واكتفينا=
من بعد ما كنت اشيل البندقة والجنابي=
ارقى الجبال النوايف واحتجي كل مرقاب=
واليوم كلٌ يقل خلك على العلم والدين=
الله يعينك على الدنيا وحالتك حاله=

[صليب الراس]

صح لسانك يابو احمد .. استلم يا شيخ
الرد

خلصت يا اهل الهوى من شرعكم واكتفينا=
لا اعفيت يا قاضي الحكم الخطا والجنا بي=
بالله يا اهل الهوى من كل شاهد ومرقاب =
قولوا له انه دواء روحي وانا من المودين=
واخاف دمعة وليف الروح حالت كحاله=

[سعيد بن خضران]

يا ليل الدهوش

عندي يا أبو طلال


الحــــــق واضح ولا يحـــتاج له مدعينا
الليلة ودي نشوف التـــابعي والصحابي
ياسيدي كــل وادي له سبــــاعٌ وله داب
وله وحوشٌ تحرّى الذاهبه بين ضلعين
آخـــاف تتربّص الغافل وتقطع وصـــاله

[صليب الراس]

الله عليك يابو احمد ..صح لسانك
الرد

با الله رد النظر صوبي ولي مد عينا=
وارفق على قلب من حبك وله وص حابي=
لا تشغله وانت ساكن بين رمشه والاهداب=
والله اني ادرى خطا المحبوب واغمض العين=
واخشى الليالي تعاديني و تقطع وصاله=

[سعيد بن خضران]

لله درّك في هذي الردود المحكمة
وخذ هذا البدع الين يجي علي



يا بو محمد كرهنا صحبتك وشنوينا=
ما ودّي أعطيك جملة غامضة من كتابي=
ودّي تميّز لنا من هو اللّي أخطا ومن صاب=
تبغي تكافح وتحمي موقفك وانحن اثنين=
والله لترضخ وتسلم يا فتى بالرساله=

[صليب الراس]

الله الله .. لا تجورونا علينا ترى ما ودي اسري بكم
الرد

العلم لله في قلبي لكم وش نوينا=
لولاه حق المُعاهد ما احترز من كتابي=
لبدي بعلم ٍ تعود منه ملذوع منصاب=
واردكم مثل عود في يميني انحنى اثنين=
قدام يمديك تتهجا حروف الرساله=

[سعيد بن خضران]

يا مرحبا تراه ردّ صليب الرأس وننتظر بدعك

[علي السبيَه]

ماعليش ياسيدي وهذا بدعي

البدع

سرى بنا الليل ياالاصحاب والنوم جانا=
من بعد هد التعب حيلي وليلي سرى بي=
ماعد لي قدره اسري الليل والنوم غلاب=
والود والحب والتقدير مابيننا بين=
اشرق علينا الفجر والليل غادر هلاله=

[صليب الراس]

الله يعطيك العافية يا ابو طلال انت وابو احمد واتشرف بمقارعتكم ودائم نستفيد منكم
الرد ..

تحسبه وقتي معك وتعد والهُم مَجَانَا=
وانا ان فقدتك بقي طيفك بعيني سرابي=
كيف احتمل جور فبراير وذله وغُل آب=
واليوم لي تسعة اشهر حل ما بيننا البين=
ونون عيني بعد فرقاك غادره لاله=

[علي السبيَه]

ودنا نعيد هذه القارعه وهذا بدع جديد
لك ياصليب الراس وانتضر منك الرد
البدع

بااهيّض الشعر واطرق في الغنى واشدو انا=
واتذكر ايام شعر المالحي والثوابي=
واقطف من التمر ذاك اللي بروس النخل ذاب=
شفنا المقاتيل في حرب الوغا واري شلعين=
والصيد مايقنصه غير الذي قد غزا له=

[صليب الراس]

صح لسانك يا بو طلال ...
الرد

علي من الحب تكفى قلنا وش دوانا=
لا صرت اجازيه بالتعبات حسن الثوابي=
ابو عيون ٍ عليها لا تلومون خل ذاب=
اجور بالله من نظراتها واريش العين=
والقد ما كنه الا لامشى قد غزاله=

[الــشــربــرب]

يعطيكم العافية

[معشوق الصيرفي]

الله يعطيكم العافية يالمطاليق
واصلوا الله لايحرمنا من ابداعاتكم
اشهد بالله انها درر

[جندول]

مافيكم حيله ماشاء الله
وهل من مزيد

[صقر الجنوب]

من القصائد الرائعة نعيدها لمحبي القصائد والابداع

[علي السبيَه]

سعيد بن خضران وصليب الراس شعار كبار تشرفت
بمجاراتهم في هذه القارعه وبكل قصايدي معهم
شكرا لك ياابواحمد على اعادة هذه الصفحه

[صقر الجنوب]

الشكر لك ولشعارنا الاكارم على ماتجودون به علينا من الابداع

[بن صغير]

بيض الله وجوه الجميع عساكم سالمين