عبارة حبيبي

[الهمس]

بين الهموم اوجور ألأيام قاسيت=همٍ يوديني وهمٍ يجيبي

كن السعاده عاندتني وعاديت=والهم خاواني وكنه نصيبي

في غبة الاحزان بالصوت ناديت= وين الحبيب الي لقلبي قريبي

الصاحب الي مع غرامه تخاويت=والي جروحي من عيونه تطيبي

الي شفاته من رواها تعاطيت=خمر الغرام الي يخامر لهيبي

جبينه الصافي بنوره تشافيت=كنه شعاع الشمس وقت المغيبي

الزين ياخذ من خدوده فتافيت=والورد ياخذ فوق الالوان طيبي

حلو الطباع ابه الكرم والوفا صيت=من بيت جود النار عنده شبيبي

لبى نداي وجابني يوم ناجيت=لم الجروح وكف دمٍ صبيبي

سامح ولا قال الخطا به تماديت=ولاجا بوقت الضيق يبغى حسيبي

انا اشهد اني في غرامه تفانيت=حرمت في غيره عبارة حبيبي

[علي السبيَه]

حىالله الهمس ومن طول الغيبات جاب الغنايم
وصح لسانك ملايين على هذه القصيده الهمساويه

[لمسة]

قصيده رائعه وكلمات اروع

صح لسانك وسلم بنانك

يعطيك الف عافيه