ديـــــــوان الشاعرالأمير بــــدر بن عبدالمحسن

[السحاب البعيد]

http://www.arab3.com/images13/37613853.jpg




انتظرتك .. عمري كله .. وانتي حلم

ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم

[السحاب البعيد]

http://www.arab3.com/images13/7545232.jpg

عتيم الليل ...
قمرنا من زمان والله ... فقد نوره ...
عتيم الليل ...احس النظره تتكسر ...
على سوره ..

سهرنا ... في عتيم الليل ... حزين الهمس ...
قدرنا ... ننتظر باكر ... شعاع الشمس ...
تعالي ... طالت الغيبه ... وانا مشتاق ...
انا مشتاق ... انا الاشواق ... انا العشاق ...
تعالي من جسور الليل ... تعالي ضي ...
تعالي في هجير العمر .. حنان وفي ..
وربي ... طالت الغيبه
حنون الليل ... وصوتك همسة التحنان ..
حنون الليل .. بيروي بالامل عطشان ...
حنون الليل .. وانت بتسمعي صمتي ...
تحسي بي ...
تقاسي فيّ تعذيبي ...
تشديني من الامواج ...
ترسّيني على مينا ... وصوتك في ليالينا ...
أبد ساري ...
حنون الليل ... وانت الريح والساري ...
تعالي ... طالت الغيبه
وربي طالت الغيبه ..

[السحاب البعيد]

http://www.arab3.com/images13/12822393.jpg

قالوا حروفي عمي وعيونك بروق

مافي قصيدي جنح ليلٍ وبارق

قلت الذي له داخل ضلوعي حروق

أقرب من اللي في سما الناس شارق

غيري يشوفك وأجود الشعر مطروق

وأنا أحسـّك وأصدق الحب فارق

ياللي عيونك دم وعيونك عروق

ولهاث قلبٍ فـي نواعسك غارق

أقول أحبك يخرج البحر صندوق

تبرالغزاة وكنز سود البيارق

وأقول أحبك صدرالايام مشقوق

عن وجه غرناطه وعن مهر طارق

وأقول أحبك والله إني من الشوق

ألقا طيوفك في جميع المفارق

كتبت لك قلبٍ من القلب مسروق

ولا طاب لي وصفٍ من الوصف سارق

[السحاب البعيد]

على الغدير كانت سما..

ويرمي الضما وجهي عليه
على الغدير .. وجهي وسما ..
لين ارتمى وجهك عليه ..
على الغدير ..
وجهي .. ووجهك والسما ..
من يسبق ويملى يديه ..
يشرب ملامح صاحبه ..
ليت السحاب ..
يظهر على المدى الباهت ..
وتمر ثلاث طيور ..
بين العتم والنور ..
ينبت شجر .. واعشاب ..
وطفلٍِ يبيع زهور ..
يولد ..
وتتحول الاخشاب ..
كرسي ..
واجلس انا وياك ..
قبل الظلال هناك ..
في أخذ الصوره ..
على سلة السيف الصقيل ..
يتكحل سيفين ..
وينزف قتيل ..
واليوم عيد .. يا اللي الجفا وصلك ..
ومشغولة في كحلك ..
وشلون انا بحايدك ..
امرايتك سيف ..
و ذ بحي انا .. عوايدك ..







http://www.arab3.com/images13/20517466.jpg

[السحاب البعيد]

http://www.arab3.com/images13/38416886.jpg


تقول اللي طرف عينك أنا مدري هدب أو عود

أحس اني من اللي صابها ماشوف قدامي

ضحكت .. وقلت لاتخافي على بحر العيون السود

على شط الكحل مريت .. وهذا موضع أقدامي

أدوّر عن ذهب عمري .. أدور كنزي المفقود

وأشوف الموج يطوي الموج ويبحر مركب أحلامي

عيوني بسمة اعيونك ولو صارت مطر ورعود

أبا اشرب من ظما دمعك وابااغسل جرحي الدامي

عطيني عيونك الليلة .. وباكر ياعساه صدود

أمانه لا مسحتي الكحل خلي طيف أحلامي

أحبك كان يكفي الحب جروحي في هواك شهود

أنا اللي راس مالي حلم .. وهم الدنيا قدامي

[السحاب البعيد]

http://www.arab3.com/images13/69119536.jpg




مثل الوسن إنتي ..
حبك سرقني .. وانتبهت
وتوي أعرف ان الزمن فرقه ووعد ..
وان الهوى ماله ثمن ..
***
باكر تجين .. أو ماتجين ..
أرجوك سوِّي اللي تبين ..
بس انتظر .. وعدك نعم ..
ما خلى للدنيا طعم ..

***
الا الحنين ..
باكر تجين .. أو ما تجين ..
أرجوك سوِّي اللي تبين ..
بس انتظر .. وعدك نعم

[السحاب البعيد]

انتي اللي وحدك لي
http://www.al-wed.com/pic-vb/134.gif
كل الحرير اللي في الأرض
ما يلمس الجلد
وكل الرخام .. ما تاطى القدم
والعطر .. ما طال النسم
حبيبتي ..واغلى الجواهر جيد
وكثر الذهب ..والغيد
انتي اللي وحدك لي
حبيبتي تغار
والدر في المحار
والمحار في اليم
واليم في الأعصار
ومابه شعور اقدم
من لهفة البحار
ساعة يغيب النور
وفي الشط .. خيط اقصور
لبيت ومره صغار
جفت حروف الما
وباقي في صدري الملح
قومي إغسلي سفري
إن طال بي الترحال
كل المواني احبال
تربطني بعيونك
وشلون أنا اخونك
وأنتي اللي وحدك لي
http://www.al-wed.com/pic-vb/134.gif

[السحاب البعيد]

أرقـام
http://www.al-wed.com/pic-vb/134.gif
في آخر الصفحه .. يسار ..
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..

حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي بأسم ..
بلا ملا مح .. أو أسامي ..

ليه كلنا نموت ..
ليه نهمل الجثه ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..
أنا رقم .. اصقه ضرير ..
المشكلة .. مثلي كثير..
يجمعنا حب الهاويه ..
احلامنا .. انا نصير..
وقاماتنا متساويه..
نركض على ورق الحياه ..
لين ننمحي ..
المشكله مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..
http://www.al-wed.com/pic-vb/134.gif

[السحاب البعيد]

الحب عبدي وسيدي
http://www.al-wed.com/pic-vb/132.gif


لا تشد القيد


تجرح يدي .. أو تجرح القيد
قيدك غدى يوجع يدي
سجني أنا انت .. وسجنك أنا
والحب .. الحب عبدي وسيدي
لا .. لا تشد القيد
دمي .. جرى .. دمك
همي إني اشوفك في يدي
وإلاّ يدي همّك
في معصمي صرت
إنت السجين في معصمي
وكانك تصبرت .. أنا مقوى الصبر
دمعي في عيني .. وصرختي تملا فمي
سجني وسجاني .. أحزانك احزاني
وشلون ابنساك .. وشلون تنساني
محبوس في عيونك دمع
وزنزانتي .. تقطيبة الحاجب
وحاول توارى في الجفا
يا وجهه الصاحب
بتشوف نفسك في يدي
قيدٍ رقيق
قيدٍ سلب حريتي
ليته طليــق
يا صاحبي .. ما به ابد قيدٍ طليق
لا .. لا توجع يدي
سجني انا انت .. وسجنك انا
والحب
الحب عبدي وسيدي
http://www.panmai.com/FlowerClipArt/Line_Bar/2bf_flowerbar.gif

[السحاب البعيد]

احبابك سروا
http://www.al-wed.com/pic-vb/99.gif
مابه احد غيري يابنت"
احبابك سروا "
لاتسأليني تغيروا "
يمكن نسوا او مادروا "
ياحلوتي ضاع الوعد .. وباكر بعد "
مري على دروب الجراح "
وتلقين احد غيري "
بالله لاتبكين عندي "
والى رحتي سوى اللي تبين "
مالك عزى .. فـ قلبي الحزين"
محتار انا اسكت .. ومدري ايش اقول "
لاني سبب جرحك .. ولاعندي الحلول"
لكن ابوصيك بصبر .. لابد للغايب عذر "
وياحلوتي ضاع الوعد.. وباكر بعد "
مري على دروب الجراح .. وتلقين احد غيري "
غطي سنا خدك بشال الليل "
وغيبي ياشمس اللي ضيها لغيري "
اه .. لو تعرفي وش كثر انا احبك "
لو كنتي تدري بي .. ياعيونها السود "
مابه احد موجود .. غيري انا الموعود "
جرحي .. وتعذيبي "
ياحلوتي ضاع الوعد .. وباكر بعد "
مري على دروب الجراح .. وتلقين احد غيري "
http://www.3roos.com/upload/3roos21.gif

[السحاب البعيد]

أول الناس
http://www.3e6r.net/album/data/media/19/hala_2.gif
اول الناس انتي .. وكلهم "
وآخر اللي عيوني .. تملهم "
لو تحبيني .. هذا يكفيني "
اسكني عيني .. ونامي "
انتي يانوري .. وظلامي "
ياقمرهم .. كلهم "
أعدل الناس .. وازينهم خجل "
واغلى من الناس .. في وقت الزعل "
واجمل اللي حصل لي .. وماحصل "
لو تحبيني .. هذا يكفيني "
http://www.spundreams.com/sets/flowers/jewelirisbar.gif

[السحاب البعيد]

الله اقــــوى
http://www.aamaal.com/almghol/a/14.gif
الله أقوى غدا شوفك سراب"
" كيف أبا أروي حنيني .. بالظما
يا ممنى حياتي .. بالسحاب "
'وين غيث المحبه .. ما هما
اجدبت بالحشا أرض العذاب "
"واشتكت من تجافيك السما
كيف ترضى عليّ .. طول الغياب "
"وانت حبك جرى مجرى الدما
يا حبيبي ذوى قلبي وذاب "
"من عذابــه وبيح ما كما
وعل عينٍ .. رضت فيك العتاب "
" تشتكي بعد نوره مـ العمَا
http://www.uae88.net/vb1/images/smilies/T23.gif

[السحاب البعيد]

الخل العنيد
http://alnooufi.jeeran.com/images/i39691r389680u35662.gif
تل قلبي .. تل طيرٍ على طلعٍ وكيد "
"جود المقرود سبقه وعيا يطلقه

يوم فاع اركى جناحه على قاسي الجديد "
"وانكسر ريش النداوي ولا الله وفقه

يكفخ القلب المشقي على الخل العنيد "
"ما وفا بالعهد لا شك قلبي صدقه

واهني اللي على الحول ينبت له جديد"
"وش سواة اللي جناحين قلبه محرقه

يا لطيف الروح وبحق خلاق العبيد"
"اكرم المملوك بالوصل والا فاعتقه
http://www.uae88.net/vb1/images/smilies/S58.gif

[السحاب البعيد]

الجدران
http://www.uae88.net/vb1/images/smilies/Z41.gif
المنزل ثلاث جدران .. ورابع
ما بينهم ضايع .. متشقق وعاري
ويميزه شباك .. ضيق
مصبوغ .. بالأحمر الناري
ومحاصرٍ باسلاك .. علقت بها وردة
أوراقها المنزل .. والبرعم الأفلاك
***
وعلى الجدار الثاني
وأمثال .. وأغاني
مكتوبة بكسرة فحم
وصندوق خشب
مزخرف بغير الذهب .. غير الجواهر
تحت الكتابه نافر
فوقه ظلالٍ عريق
مثل العنيد .. من الجروح
مثل السيوف اللي مقابضها حديد
أسرار من ماتوا بعيد
وما خلفوا حتى الورق
***
أما الثالث من الجدران
معلقٍ عليه صورة .. لإنسان
من دفتر نفوس .. مكبره
مدري جفونه مبخره
ولال تجاعيد خيوط .. دخان
وفي الركن كرسيخيزران
يجلس عليها الوقت
وجريدة ٍ عنوانها باهت .. تغفى على الإسمنت
وفوقها كوب فارغ .. وفتات خبز
وأصابع ٍ للجوع صفرا مكسره
***
ويبقى الجدار الأول
وهو أعرض الجدران .. وأكثرها وقار
وهو الوحيد اللي انبنا فـ نور النهار
بوابته على الطريق الرملي
صَفت أحجار درجها .. بصبر
وش كنها .. ؟؟
سنونٍ صفر .. في فمٍ مذهول
وظلما تشدك للدخول .. تشدك
وكل ما مسكت اكرة الباب النحاس بيدك
تلطخت بدم ٍ طري
الجرح نزفٍ يحتري .. أما الطعون
وين الطعون .. راحت
***
البيت ثلاث جدران .. ورابع
مالهم طابع .. يجمعهم
يشبهون أهلهم
وما صادفوا غير الحياة
http://www.castleberryarts.com/c/n38/n38bar.gif

[السحاب البعيد]

اســـتبد
http://members.tripod.com/~Breanna__/lavribfl.gif

استبد .. استبد احيان
استمد كل هذا الظلم من ألمي
اتحد من راسي .. لقدمي
واضرب بعواصفي وبزلزالي
واهّدم الناس .. واهدّم بحالي
لين استرد بعض اثيابي من الريح
ولحمي من الشوك
وابتعد .. ابتعد
واحيان ما املك العواصف .. ولا الزلزال
ولا حتى .. فـ الهجير .. ظلال
لكن استبد .. استبد باللي عندي
اضرب بيدي فـ الهوى .. بجبيني فـ الصخر
لين اتعب .. اتعب .. وانهمد
مثل طفل اضناه البكا .. والسهر
وانتي آخر ماأعد في عمري
واجمل ما أعد
اعشقي ظلم الغصون الخضر للحطاب
والجلد للأنياب .. والجفن للسكين
اعشقي هـالظالم المسكين
واتركيني انصهر في الشمس
والا ارتعد في البرد
لكن استبد .. واسترد اثيابي من الريح
ولحمي من الشوك
وابتعد .. ابتعد
http://reema20032003.jeeran.com/ValRosesbarF.gif

[السحاب البعيد]

الا الهوى
http://www.3roos.com/upload/3roos20.gif
ابعتذر .. عن كل شيء
إلا الهوى .. ما للهوى عندي عذر
ابعتذر .. عن أي شي
إلا الجراح .. ما للجراح إلا الصبر
إن ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم
ابعتذر ... ابعتذر ... كلي ندم
عن كل شيء .. إلا الهوى.
ما للهوى عندي عذر
ا تصدقي .. ما اخترت أنا أحبك
ما احدٍ يحب اللي يبي
سكنتي جروحي غصب
ياحبي المرّ .. العذب
ليت الهوى وانتي .. كذب
كان اعتذر لك عن هواي
ما أقول أنا .. كوني معاي
ان ضايقك اني على بابك أمرّ
ليلة ألم
واني على دربك مشيت عمري وأنا
قلبي القدم
ابعتذر .. ابعتذر .. كلي ندم
عن كل شيء .. إلا الهوى
ما للهوى عندي عذر
الله كريم . حبك .. يكون
همي القديم
وجرحي القديم
والله عليم .. يا أحلى العيون
ان الفراق .. جزا الفراق
ابوعدك .. كان الطريق بيبعدك
بامشي الطريق
وكان الجحود بيسعدك
مالي رفيق
ابجمع أوراق السنين .. وأودعك
كان الفراق اللي تبين .. الله معك
http://www.spundreams.com/sets/flowers/brrosebar1.gif

[السحاب البعيد]

أوقات
http://www.3roos.com/upload/3roos20.gif
أوقات ياخذنا الحكي "
وننسى بالحكي أوقات "
واوقات .. يا ليت الكلام سكات "
يجرحنا الحكي "
اسهر .. مع حبيبي .. يا قمر الكلام "
لين يغفى حبيبي .. وجروحي تنام "
ابعد عن حروفي .. وعن المي وخوفي "
وابحر في سفينه .. عن بحر الظلام "
وصلنا مدينه .. من عطر وغمام "
انا وين القى كلام .. ما مر فــ كلام "
اوقات .. يا ليت الكلام سكات "
يجرحنا الحكي "
بغني لعيونك .. في حزني وفرحي "
وبكتب عيونك .. قصيده لجرحي "
واخلي ابتسامك .. دموعك كلامك "
قمر هالسوالف في ليل السكوت "
ولو الف نجمه في عيني تموت "
في حزني أحبك .. ويأسي أحبك "
أحبك .. مأقول أوقات"



http://www.uae88.net/vb1/images/smilies/T23.gif

[السحاب البعيد]

الاربعين
http://alnooufi.jeeran.com/images/i39691r389680u35662.gif


ادري ان الوقت يذهب ما يعود "
" اربعينٍ فارقتني يالعنود

ماطر الايام من غيم الزمان"
" ما يبل الريق لو مهما يجود

كم شربته صافيٍ بارد قراح "
" ما دريت ان الظما سر الوجود

كل شمسٍ تلمس اشجار العمر "
" تحرق الاوراق وتجف الفنود

وكل ريحٍ تدفع شراع العمر "
" ينقطع به حبل ويميل العمود

اربعين مرت وتوني صغير "
" انتظر لعل تصدق لي الوعود

والغريب اني على هذا مغبوط "
" ادري اني بخير لا شفت الحسود

الزمن يا بنيتي كله زوال "
" ما تخلد كود لحظات السجود

http://www.uae88.net/vb1/images/smilies/T23.gif

[السحاب البعيد]

http://www.al-wed.com/pic-vb/1086.gifhttp://www.3roos.com/upload/bnooooth%203roos.gifاغصان المساويكhttp://www.3roos.com/upload/bnooooth%203roos.gifhttp://www.al-wed.com/pic-vb/1086.gif
http://www.mowjeldoha.com/mix-pic/3barat/3barat3/www.mowjeldoha.com-3barat-60.gif
تجلس عجوز .. في اول السوق ..
وبين الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..

الحكي غالي هــ الايام ..
مريتها .. ابي الكلام ..
قلت : ياخاله أنا ..
ان نسوني الناس .. زعلت ..
والى اذكروني الناس .. زعلت ..
صمتي وحروفي مبعثره ..
ضحكت وقالت :

لو عدلت .. سلمت قلب وحنجره ..
ماعطيتها فلوس على هذا التعب ..
وماريحتني من التعب ..
قمت وعلى عيوني غباش ..
مدت لي مسواك جديد ..

عييت ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محانيك الرهاف ..
من كل أحساس ردي ..

http://www.al-wed.com/pic-vb/503.gif

[السحاب البعيد]

http://www.al-wed.com/pic-vb/318.gifhttp://www.3roos.com/upload/bnooooth%203roos.gifخطأhttp://www.3roos.com/upload/bnooooth%203roos.gif http://www.al-wed.com/pic-vb/318.gif
http://www.al-wed.com/pic-vb/50.gif
تبخل .. وأنا كلي عطا
خطأ
ضاعت على الدرب الخطى
خطأ ابتدينا
وان نهيناها .. خطا !!
تزرع طريقي .. بالألم
يا خوفي .. لا توطاه القدم
تجرح ظلايل.. فيتك
وتدمي ..أماني جيتك
لو فرحت .. بجيتك !!
بعد الظما.. وبعد الهجير
تخفي حنانك .. بالضمير
لو ما جنت
عينك علي بنظرةٍٍ .. لو ما جنت
ولو ما رضيت .. تحدني
روح الشقاوي .. ما عنت
واستهونت درب الهوى
ولو ما غدى جرحي دوا
ليته غدا
عودتني منك الحنان .. عودتني
وطال النوى وجار الزمان .. صبرتني
وإثر الهوى .. مثلك غريب
ماله .. على نفسه حبيب
http://www.al-wed.com/pic-vb/926.gif

[السحاب البعيد]

http://www.al-wed.com/pic-vb/1086.gifhttp://www.lather-soaps.com/movingbubbles.gifرشاشhttp://www.lather-soaps.com/movingbubbles.gifhttp://www.al-wed.com/pic-vb/1086.gif
http://9adegalmsha3er.jeeran.com/bar.gif
رشاش .. يتساقط على قلب
هذا عصفورك .. وباقي الصدر اعشاش
ابتل هالعصفور .. ريشه غدا اثقل
وان مرو الاوباش .. أو مرو الاجمل
صادوه وما اسهل .. من صيد عصفورك

طير .. وعليه رشاش
وبردٍ على الاحراش
وفوق الغصن طيرك
يشكي من الامطار
مري علي مشوار
لو جاء احد غيرك

دفاه بالاخبار
ولف الجروح .. بشاش
غشاش .. غشاش
وباشعل الغيره في قلبك البارد

ماقوى اخونك
ماقوى اخونك .. ماش
انا قلبي عصفورك
وباقي الصدر .. اعشاش
http://www.almton.com/vb/images/smilies/liedkitt_bar.gif

[السحاب البعيد]

http://www.al-wed.com/pic-vb/849.gifحسايفhttp://www.al-wed.com/pic-vb/849.gif
http://www.al-wed.com/pic-vb/326.gif
http://www.al-wed.com/pic-vb/250.gif
التفت
وتوها ... توها ما اختفت
ماكساها الليل ... باللون الحزين
التفت ... وتعالت صرخته
في نظرته
صاح ... لكن بالنظر
وانكسر .... شوفه عثر
حسايف .. تذبل الضحكه وهى بين الشفايف
تذبل الفرحه وتضيع
ويصبح الكون الوسيع
مايكفي خطوتين .. لاكساه الليل بااللون الحزين
يوم مدلها يده
كانت الرجفه لقا
ودعت فيها الشقا
وتركت بين الاصابع
عطــرهــا
وعمرها ... ما جت على وقت الوعد
إلا ذاك اليوم
و عمرها ... ما بكت .. و ما ضحكت
ما حكت له .. واسكتت
مثل ذاك اليوم
كانت أجمل من خياله
كانت انضر
كانت أكثر ... من أماني عمره الظامي حنين
و اختفت ... من كساها الليل باللون الحزين
اختفت في الطريق اللي معه
كانت تجيه
كيف دربٍ جمعه معها ... خذاه
ليتها اختارت سواه
تزرع القرقا لياليها ... عليه
وحسايف ... حسايف
http://members.tripod.com/~Breanna__/cloudbar.gif

[السحاب البعيد]

اترامى

http://yab373.jeeran.com/يحي%2071.gif
اترامى
هذي عاداتي
في كل العمر مره .. اترامى ..
وصدقيني في حياتي ..
ما هقيت اني عقاب .. ولا يمامه ..
انما لعيونك إنتي ..
طرت لاجمل إبتسامة
لين قلتي وين جناحانك..؟
وين جنحاني .. ؟! وطحت ..
طحت من أعلى غمامه..
أنا ما ادري مريت بين أصابعك رمل ..
او على خصلات شعرك .. ماء ..
كانت غبارٍ وظلما
وكنت أطيح ..
وهذا آخر مااتذكر ..
وين ظنك با تجرح .. واتكسر
فـ أي رمل .. أي صخر .. او عدامه ..
ما هقيت أني عقاب ولا يمامه
انما لعيونك إنتي ..
طرت لاجمل إبتسامه
وما ابي غير السلامه
من الجروح .. ومن التداوي
كيف أمس الأرض .. واطيح متساوي
انا صدقت الصغار .. يوم قالوا :
من يحب القمرا يرحل .. لآخر أرض
وينتظر تالي نهار ..
ولا ظهر منها شبر ..
عانق القمرا .. طمر ..
كيف ضاعت كل أحلامي هقاوي ..
يوم قلتي : وين جنحانك ..
وين جنحاني .. ؟! وطحت ..
طحت من أعلى غمامه..
http://www.al-wed.com/pic-vb/873.gif
http://www.arab.8k.com/Media/book5.gif

[السحاب البعيد]

http://www.al-wed.com/pic-vb/849.gif جمرة غضى http://www.al-wed.com/pic-vb/849.gif
http://www.al-wed.com/pic-vb/326.gif
جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب
http://www.al-wed.com/pic-vb/873.gif


http://www.arab.8k.com/Media/book5.gif

[السحاب البعيد]

http://www.al-wed.com/pic-vb/1086.gifhttp://www.lather-soaps.com/movingbubbles.gifيسعد صباحكhttp://www.lather-soaps.com/movingbubbles.gifhttp://www.al-wed.com/pic-vb/1086.gif
http://www.al-wed.com/pic-vb/50.gif
يســـــعد صباحك .. لــيلنا تــــو مـاجا
الشمس غابت واشـرقت عندكم شمـس
*****

هى شمسنا اللي في جبينـــــــك تلاجا
والا قمرنا اللي فقــدناه مـــــــن امس
*****
ليل السما برد وســـــــــحاب وعجاجا
يامن يشب النور في الخـــاطر العمس
*****
انتى وانا لـــــــــو كان منا نتنـــــاجــا
لاماطفت في خــــــاطري شمعه الهمس
*****
ياللى جرحتك مـــــــالجرحي علاجــــــا
ادري الجروح النازفه تكره .. اللـــمس
*****
بقـــول احبك وان عقدتى الحجـــــــاجا
لا قـــــــولـــها ثنتين واربع مع خمس
*****
ويســـــعد صــباحــــك يابعـــــد كل ماجا
وماراح من عمري وانا في رجا الشمس
http://www.al-wed.com/pic-vb/873.gif
http://www.arab.8k.com/Media/book5.gif

[السحاب البعيد]

http://www.al-wed.com/pic-vb/849.gifموعد الا حباب http://www.al-wed.com/pic-vb/849.gif
http://9adegalmsha3er.jeeran.com/bar.gif
سقى الله موعدك يا زين
سقى الله موعد الاحباب
سحابٍ ماهمى من عين .. ولا جادت به الاحزان
سحابٍ ماطرٍ هتان .. سقى الله في العمر ليله ..
ظهر في صفوها بدرين .. قمرها .. ووجهك الفتان
الا ليت الفجر .. ما بان
ترى فرقى الأحبه شين
سهرنا والهوى واحد .. وصرنا والفراق إثنين
حبيبي قلبي اللي كان .. وفينا والزمن خوان
صبرنا والسؤال سنين ..
سقا الله روض خلاني .. رحلت وما رحلتوا بعين
ولا روحٍ .. ولا وجدان
نسيتوا بداركم إنسان .. نسيتوا وما نساني البين
http://www.almton.com/vb/images/smilies/liedkitt_bar.gif
http://www.arab.8k.com/Media/book5.gif

[السحاب البعيد]

http://www.al-wed.com/pic-vb/1086.gifhttp://www.lather-soaps.com/movingbubbles.gif ناعم يا ندى http://www.lather-soaps.com/movingbubbles.gifhttp://www.al-wed.com/pic-vb/1086.gif

http://www.al-wed.com/pic-vb/50.gif
ناعــــم يا ندى في ليل الربيع
يا عمر .. ابتدا وخايف يضيع
نعومة كلام بتمحي الألم ..
وبسمة سلام تخلي العدم ..
جناين محبه .. وخضرة مـــروج
ومركب ومويه .. ونسمه وموج

قابلتك في حلم واماني رقيقــــــه
وضمك خيالي .. يا وهم الحقيقه
خذتنا الليالي .. في رحلة حنين
نسينا الليالي وعمر السنين ..
وعشنا فـ محبه .. وخضرة مروج
ومركب ومويه ونسمه ومـــــــوج

حبيبي .. أببكي أبضحك باذوب
وأذوب في حبي جميع القلــوب
أحبك لآخر مدى في حياتي
أحبك في همسي .. وكلامي وسكاتي
أحبك محبه .. وخضرة مـــــروج ..
ومركب ومويه .. ونسمه وموج ..
http://www.al-wed.com/pic-vb/873.gif





http://www.arab.8k.com/Media/book5.gif

[السحاب البعيد]

http://www.al-wed.com/pic-vb/1086.gifhttp://www.lather-soaps.com/movingbubbles.gif وش كثر انتي جميله http://www.lather-soaps.com/movingbubbles.gifhttp://www.al-wed.com/pic-vb/1086.gif
http://www.al-wed.com/pic-vb/50.gif
بتعلم حروفك 00
عن الشعر كله 00
وادخل كفوفك 00
عن البرد كله 00
واشهر سيوفك 00
في وجه الوقت كله 00
( ياالله 00وش كثر انتي جميلة00
وش كثر انا احب00)
واسند جروحي00
مثل جذع نخله00على هاالمدى00
واركض في صوتك00
وتحمل هبوبك رمالي00
سرابك00جبالي00
دروبك خيالي00
وتبقى جروحي00
عطش الف نخله00هجرها الندى00
واتمنى مره وانتي معايا00
اناظر ورايا00واناظر بعد00
وغير ابتسامك00ماالمح احد000
على هاالمدى000
http://www.al-wed.com/pic-vb/873.gif
http://www.arab.8k.com/Media/book5.gif

[السحاب البعيد]

http://www.al-wed.com/pic-vb/1086.gifhttp://www.lather-soaps.com/movingbubbles.gif اليأس جدب والأمل غابه http://www.lather-soaps.com/movingbubbles.gifhttp://www.al-wed.com/pic-vb/1086.gifhttp://www.al-wed.com/pic-vb/50.gif

لرمل .. قرطاسةٍ صفرا ..
ما عليها اكتابه ..
كود .. أثار القدم .. يوم أنا أطابه ..
الشمس غضبا ..
والهجير .. عقرب السم ..
وانا تحت جلدي ..اتذرٌى به ..
ذيب .. يا ذيب الخلا ..
لاتشرف بالرجوم ..
لين يشربني الظما ..
لين ياكلني السموم ..
والذي قدٌر .. مواقيت الحتوف ..
مير أنا عظمٍ .. كسته عروق
جلدي المحروق .. مايطيق اثيابه ..
لوعشاك السيف .. ماذخرت انصابه ..
ذيب .. ياذيب الخلا ..
لاتختلني .. من ورى جال الشعيب ..
ماخبرت الذيب .. يفرس اذيابه ..
الشمس غضبا ..
والهجير .. عقرب السم ..
والياس جدب .. والأمل غابه ..
http://www.al-wed.com/pic-vb/873.gif
http://www.arab.8k.com/Media/book5.gif

[السحاب البعيد]

http://www.al-wed.com/pic-vb/1086.gifhttp://www.lather-soaps.com/movingbubbles.gif يا حبس النور http://www.lather-soaps.com/movingbubbles.gifhttp://www.al-wed.com/pic-vb/1086.gif

http://www.al-wed.com/pic-vb/50.gif


يا حابس النور فـ كفوفـــــك
سلم عسى ينجلي همــــــــك
***
أنض الزعل خلنا نشوفـــــك
مد العتب نسبح فـ يمــــــــك
***
صحيح ما ننطح حتوفـــــك
لاشك نوقف نزف دمـــــــك
***

الناس ما همها ظروفـــــــك
كود الذي يحــــزن لغمــــك
***
وان شلت حملك على كتوفك
بتمــــوت ماحدٍ ترى يمــــك
http://www.al-wed.com/pic-vb/873.gif


http://www.arab.8k.com/Media/book5.gif

[السحاب البعيد]

http://www.al-wed.com/pic-vb/1086.gifhttp://www.lather-soaps.com/movingbubbles.gif مرتني الدنيا http://www.lather-soaps.com/movingbubbles.gifhttp://www.al-wed.com/pic-vb/1086.gif


http://www.al-wed.com/pic-vb/50.gif
مرتني الدنيا .. بتسأل عن خبر ..
مابه جديد ..
عشاق ليلة تفارقوا ..
وصاروا بعيد ..
لا طاحت نجوم السما ..
ولا تاه في الظلما قمر ..
لا تاقف الدنيا .. وتسأل عن خبر ..
مابه جديد ..
اسهل من الكذبة .. على شف الطفل ..
فرقى الأحبه يا هوى ..
أحلى من الحلم اللي ودي لو كمل ..
كانت ليالينا سوى ..
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..
لا تاقف الدنيا .. على أول طريق ..
فرقى الأحبه يا هوى ..
لا تسأل جروحي متى خان الرفيق ..
عهد المحبه والهوى
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..
http://www.al-wed.com/pic-vb/873.gif
http://www.arab.8k.com/Media/book5.gif

[السحاب البعيد]

http://www.al-wed.com/pic-vb/1086.gifhttp://www.lather-soaps.com/movingbubbles.gif وين تبدا هالمدينهhttp://www.lather-soaps.com/movingbubbles.gifhttp://www.al-wed.com/pic-vb/1086.gif
http://www.al-wed.com/pic-vb/50.gif
وين تبدا هاالمدينه .. كل يوم ..
من رصيفٍ عاريٍٍ تحت النجوم ..
من عناوين الجريده ..
في المواني .. وحمرة عيون المسافر ..
ضحكة الصبح الجديده ..
أخر اوراق التذاكر ..
اوبعد حبر الختوم ..
وين تبدا هاالمدينه .. كل يوم ..
ودي اعرف هاالعواصم ..
وأبي ابدا من يديها ..
ودي انزع من اصابعها الخواتم ..
قبل لاسلم عليها ..
ودي تجمعني بها لحظه حميمه ..
وين تجلس هاالمدينه ..
في العماير .. في الدواير ..
في الدكاكين القديمه ..
اوتحت اهدابك انتي ..
في صدري احساسٍٍ شهي ..
لو يدوم ..
وابي اعرف وين تبدا هاالعيون .. وتنتهي ..
كل يوم ..؟
مدري وش سر العوصم .. والمداين .. والعيون ..
ومدري وش سر الجنون ..
اني اعرف ..
انتظرتك في محطات القدوم ..
وفي مواعيد السفر ..
صك شباك التذاكر ..
وانمحى حبر الختوم ..
وما عرفتك ...
http://www.al-wed.com/pic-vb/873.gif


http://www.arab.8k.com/Media/book5.gif

[السحاب البعيد]

http://www.al-wed.com/pic-vb/1086.gifhttp://www.lather-soaps.com/movingbubbles.gif نجمة الفضة http://www.lather-soaps.com/movingbubbles.gifhttp://www.al-wed.com/pic-vb/1086.gif


http://www.al-wed.com/pic-vb/50.gif
أعرف الشارع اللي..
فـ اوله دارك ...
واعرف ان القمر .. جارك ...
وعطرك ... هو حديث الريح ...
اعرف ان النجوم ... اتطيح ...
على دروب المدينة ...
إلى صرتي حزينة ...

متى يا نجمة الفضة ...
حجبت الليل عن نُورك ...
متى قلت السما مّلت ...
جحٌودك ... نظرة غرورك ...
صحيح إني ... نسيت اليوم ...
نسيت اليوم ... لا أزورك ..
وأنا .. أنا عرف النجوم تطيح ...
على دروب المدينة ...
إلى صرتي حزينة ...
http://www.al-wed.com/pic-vb/873.gif


http://www.arab.8k.com/Media/book5.gif