:يابنـت تغـطي .. هذاك [ سعودي ] .. / الاجنـبي ماهوب [ رجل ] !! (نقاااااش)

[مشهور]

الموضوع فيه من الصحة
وانا قراته وفضلت ان انقله لكم بحذافيره ولا احذف منه شي ومطلوب من الاخوة والاخوات
ا التعليق عليه
مع الشكروالتقدير





:يابنـت تغـطي .. هذاك [ سعودي ] .. / الاجنـبي ماهوب [ رجل ] !! (نقاااااش)

--------------------------------------------------------------------------------

السلام عليكم ورحمة اللــه وبركااتــه ..

مســآكم / صبحكم الله بالخير



تغطي يابنت هذا سعودي !!

طيب السعودي حرام والأجنبي حلال !!!

الموضوع صريح ويتحدث عن واقع نعيشه

وهنا بانقل لكم بعض المشــــاهد

المشهد الأول

...فتاه تتحدث مع أحد العمال الأجانب وتأخذ راحتها معه بالكلام والنقاش ويدخل سعودي تغطي

كأنها ما كانت تكلم رجال مثله مثل اللي دخل وتغطي يا بنت سعودي.


المشهد الثاني ..

إمرأه تخرج للسواق أو العامل في المنزل بملابس عاديه لا عبايه ولا اي ستر بحجه أنه أجنبي

عادي تكلمه بدون ما تتغطى عنـه أو أي شي يكـون ساتر بينـهم ولو دق الباب سعودي قالت

تغطــي يا بنت سعودي.


المشهد الثالث ..



بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ

منه الطلب مع الشكر والتقدير ولو كان سعودي احد الاطفال راح يطلع له .. وتغطي يا بنت

سعودي.

المشهد الرابع ..

مجموعه من الفتيات في أحد المجمعات أو في أي مكان يريدون ان يسألوا عن شي صادفوا

شخص لابس جينز وقميص لو سمحت يرد سمي اوووه آآآآسفين وتغطي يا بنت سعودي ..

ياويلي طلع سعودي ..

المشهد الخامس ..


وقفـو الليموزيـن بيروحون للسوق وهات ياكلام واخبار والأجنبي مستمع ومنصت حرفاً حرفاً

وطبعا صارت جميع اسرار العوائل لديه مع الأسف .. ولو وقفو ليموزين وطلع سعودي

هذي اخرتها نركب مع سـعودي مانعرف نتكلـم .. لا لا شكراً اخوي مانبي نروح .. نركب مع

سعودي ايه هيــن !!
وآآخر مشهــد صار لي بالسووقَ اليوم يعني اول ما دخلت كانت معي الوالده ورحت بجيب سلــه المهــم ااخذت السله جــااني السكرتي قالي معــك عائلــه قلت ايــه .. جيت بمشي دخــل رجـــاال للسوق مع إن العلم إن السوق عــواائل متشددين عليه .. دخــل أكثر من رجــاال تقريبا اربــع بدون عواائل ولا شـيَ ؟؟
يعــني يشوفون السعودي بنظرهم ووحش ولا إيــش والله جااني فضول ااسئله اقوله ذولي ما معهم عواائل ليه يدخلوون بس ما حبيت اسوي اي مشاكــل او اي مشادده كلاامـيه بس انا ابي اااعرف كيف العالم ينظرون للشخص السعــوودي وانا ااعتبر بذي مهضوم حقــهم وبأشياء وااجد ووخاثه إن في ااجانب يحق لهم دخوول اماكن عوائل بدون عووائل معهم والسعوودي لااء ؟؟؟؟؟؟بصراااحـــه ما شاافو يمكن الحواادث اللي تصير من وراء الاجاانب من خطف إغتصاب سرقــه ....ووو.... إلــخ
ووفــي من المشاهد لاتــعد ولاتحصــى ..وووفي بالي كــلاامي طوويل بس إن شاء الله المعــنى بان لــكم زيــــنَ


طبعا كل المشاهد تحصل عند بعض الأب والإخوان وشي عادي لو شاف بنته أو أخته تكلم

أجنبي عكس لو شافها تكلم سعودي .... مع الاسف يعتبره من مظاهر التحضر والتقدم ..

ان يكون الأجنبي داخل المنزل بل استغنوا عن الطباخه بطباخ والسائق يصل لأخر المنزل ..

وليس جميعهم لكن !!!!!

الا من رحم ربي والقليل جدا جدا ..

قد يكون هذا التصرف عن غباء أو جهل إلخ .. يعني من الممكن أن تكون هذه الفتاه على

خلق ومحترمه لكن مالقت من يوجهها إن معامله الأجنبي لازم تكون زي معامله السعودي
ومعامله أي غريب ..!!

( هندي + فلبيني + سوري + لبناني+ مصري)عادي مولازم تغطي هذا أجنبي


سعودي ... يؤ يؤ يؤ يؤ مصيبه ياكبرهــا عند الله .. لايفضحنـا بكـره بس !!
وكأن المصائـب لاتخـرج غير من السـعودي ..!!؟!



راائيــكم بصرااحـــهَ ..,~

[روح المسك ابوعاصم]

اخوي مشهور جزاك الله خير

على الموضع

للا أسف هذا ما يحدث لبعض الفتيات العاصيات
لله عزوجل

لكن أخوي مشهور هنا في بلادنا

بلاد الحرمين وغيرها من ارض الله الواسعه

هناك من تضرب أروع الا أمثله

في الحجاب والستر

أحدى النساء التى أعرفهن

غير متعلمه

وفي حالة الوضع دخل عليه الكادرالطبي

وهي تصارع الموات او الحياه

أخذت ملابسها عليها وقالت : بالحرف الواحد للممرضات

أنا اوقع على الموت بس لايدخل على الدكتور

ويرى عورتي


هكذا العزه بالحجاب يا بنات المسلمين

او الموت



روح المسك

[ابو مرضي]

الأخ الغالي مشهور جزاك الله خير

اخي العزيز ارى ان السبب الحقيقي وراما ذكرت هوشي واحد هذا الشي اصبح عقده يعاني

منها بعض الناس في مجتمعنا السعودي وبشكل فاحش ومخيف .‘بطبع هذي المشكله موجوده

في أنحاء الوطن العربي ولاكن بوثيره متفاوته من بلد لأخر.

إنها الغيبه والنميمه ((كلام الناس))


هذا ما اسعفني به الوقت ولي عوده إن شاء ألله.

موضوع جميل تقبل مروري

[بني مسعود]

اخي مشهور اشكرك على النقل الراااااائع

فعلاً هذا الشي واقع وملموس ويحز في النفس
ياخي في مثل ملعون جدف ينطبق على الموضوع لاكن والله ماطراني اقوله...
بس لحظه



انا لي تحفظ على تصرفات بعض السعوديين خاصه ممن لهم احتكاك مع الجمهور مباشره ...بائع.... سواق تاكسي... الخ
مثلاً: سواق الليموزين لاجاك سعودي وركبو معه حريم >>> مايمديه يمشي مترين الا قام يدرج البلوتوث وتميلح مع البنات وكلما تكلموا في سالفه حشر خنفوره.
التاكسي (الكداده) لامنك ركبت معه شوي ويسئلك من ايات القبائل انت؟ ودك تقول وش دخلك بتناسبني هههههههه.
اخيرا اقول الله يخارجنا

[rola]

للأسف هي عادات وتقاليد خاااااطئه

إعتمدوا عليها مثل ما قولت على أساس أنهم يعتبروها من مظاهر التحضر والتقدم ..
وهذا شئ من الغباء فالرجل الأجنبي مثل السعودي من الحرمانيه
وأنا على ما أعتقد أنهم ينظرون أن مثل هذي الأفعال مع السعودي لأنه من نفس المجتمع وليس غريب عنه وإذا فعلن معه هذا الشئ ساءت صورتهن أمامه
أما أمام الأجنبي فهو لا يعرفهن أو لأن المجتمعات الأخرى بها إختلاط للأسف فيعتقدون أنهم سينظرون لهن نظره عاديه

وللأسف الشديد أنهن نظرن إلى المجتمع والناس ولم ينظرن إلى الله
الله يهدي الجميع


وآسفه على تدخلي بالنقاش فهو موضوع خاص بكم ولكن بعد قراءتي للموضوع غضبت بشده لمثل هذي الأفعال

[سفير الغربة]

السلام عليكم ورحمة الله وبركاته
السعودي يعلم والاجنبي سكاتي (استغفر الله العضيم)

[علي السبيَه]

هذا الشئ له اسباب والسبب الرئيسي يكمن في النضام الاعوج اللي ماانزل الله به
من سلطان فرضوه ذولا المتشددين بحجة الفتنه ولايدرون ان هذا النضام المزعوم
هو من جلب الفتنه المرأه ممنوع تسوق السياره....ليش قالو فتنه. وسمحو لها
بااستقدام سائق اجنبي وصار لها السواق والاب والاخ والصديق ويمكن حتى الزوج
وشئ طبيعي اغلب االاوقات وهي تحت نضره. عزل النساء في الوضايف ومنع الاختلاط
طيب ماقلنا شئ لكن المكاتب تحتاج لصيانه من.الى. وكل هذا يقوم به العامل الاجنبي
السعودي ممنوع وهذا على حسب النضام.هذه الكميات الهائله من الاجانب في هذا البلد
دوله داخل دوله اللي في المستشفيات واللي في الشركات والمؤسسات الاهليه واللي
في الاعلام وياسلام على الاعلام واللي فيه من الفضايح واللي في الاسواق حتى بعد
مااقترح غازي القصيبي تخصيص بيع المستلزمات النسائيه للنساء قامو الدنيا واقعدوها
بحجة انه حرام ويخالف شريعة اهوائهم اما الهندي البنقالي واللبناني
والباكستاني....الخ. رفعو القلم عنهم. مفاهيم خاطئه زرعوها في العقول وفرضوهافرض
حتى صار الواحد يخاف لو سلمت عليه حرمه ورد عليها السلام يرتكب اثم عضيم.استغفرالله
العلي العضيم. اما الاجانب فكونهم جايين من بيئه مختلفه تلقا لهم معاملات خاصه
من قبل النساء وتلقا البساط احمدي لانه مرفوع عنهم القلم في نضرهم ولو ان جحا اولى بلحم
ثوره لكن صار لحم ثور جحا غنيمه للغريب

[الهمس]

بسم الله الرحمن الرحيم
مشهور مساء الورد والفل والياسمين والورود النرجسيه
موضوع وطلبت النقاش بامانه ومصداقيه لا تقول الهمس ملقوف وجا بدون عزيمه
اطلعت على الموضوع والردود وابرزها مع احترامي للجميع رد السبيه
لكن تعال نقف هنا وقفات سعوديه شبابيه
يا استاذي لا ننزه ألاجنبي او الرفيق والصديق ان صح التعبير
لكن السعودي بارك الله فيه يرز الشماغ والعقال ويسكب ما يبقى سلسال الا حطه بجيبه ولا يبقى مفتاح الا وضمته ميداليته ويحمل جوال اخر موديل ربما يكون دميه بس يكشخ فيه
ويبدا يجوب الاسواق ويمتر الشوارع سماعات الطبول فرقعت اذان الماره ويتحرش بالكل
يقف عند الأشاره شوي ويطمر على السياره الي جنبه اذا فيها ريحة السواد
اضف الى ذلك مسوي فيها الأخ ذكي حاط الجوال وكاتب للبيع مرسيدس بمواصفات لكزس السياره طبعا كورولا
ومسوي رومنسي حاط مزعل فرحان والا رباب وماغير يتمايل الله يستر بس
ويؤذي العالم دون تفريق او ادراك.
ولا تنسى بنطال طيحني موضه مقرفه جدا تظهر قرف المتشبهين شيء مقزز
وتلقاه رايح جاي تقول زنبرك

الأجنبي
العيب ليس بالأجنبي ان لم يرى شيئا يثير اهتمامه لن يغامر باكل عيشه
لكن تغطى هذى سعودي
هذي عباره تستخدمها النساء كون السعودي ابن بلد وتعرفون السعودي فضيحه
يقعد بالمجلس وهات يا ركب شفت فلانه كاشفه وسلمت على واعطيتها جوالي
وعرفتها على خويي
وخويي عرفها على خويه وفلان مر على فلانه
وهاتك يا استعراض بطولات وكانهم يتسابقون على المعصيه ويتفاخرون بها
وهذه مصيبه
اما بنت الأصل المتدينه والعارفه بربها يا جماعه فلا تفرق بين اجنبي وسعودي
وتمسكها بالحجاب هنا وهناك بنفس المقياس وهو مقياس الخشيه من الله
ولا زال في بلادنا خير كثير نحمد الله عليه
وهناك امثله للمرأه المسلمه على مستوى العالم هناك من ضرب اروع الأمثله على التمسك بالحجاب
ومنهن زوجة المطرب الشهير ستيف الذي اعلن اسلامه واعتنق الأسلام هو وزوجته بارك الله لهما
عندما اتت للكويت تلقي محاظره دخلت قاعة المحاظره لا يرى منها حتى ظفرها ولم تكشف وجهها حتى تأكدت تماما انه لا يوجد رجل بالقاعه ثم كشفت عن وجهها ورأت نساء الكويت الحاظرات بابهى الحلل من قصير وبنطال وانواع المكاييج فقالت بعد السلام للأسف بصق الغرب الحظاره فلعقها نساء العرب
يااااااااه عباره قويه لو تمعنتها العربيه المسلمه.

[ابو مشاري]

شـكــ وبارك الله فيك ـــرا لك ... لك مني أجمل تحية .