تعال يا سالم

[صقر بجيله]

تعال يا سالم بغيتك شُويّه= قدّام لا تطبق عليّ اللّحُودي
أبوك قرّب من حبال المنيّه= شايب ويشكي حيلته والجهودي
يا سالم اسمع جابتي والوصيّه=وافهم ملخصها وجمع البنودي
الاوله قدام تبكي عليّه= احفظ وصاتي والتزم بالعهودي
لله صل الفرض واتبع نبيّه=واكثر من التسبيح وقت السجودي
الله رب الكون جزل العطيّه=يعطيك مرضاته كريما يجودي
اقنع بما في إيدك وروحك غنيّه=واحذر هوى روحك على الشر يقودي
واحذر من الدنيا تراها دنيّه=ترى الذي يسعى لها ما يزودي
وان جاك زلّه من قصيف الحظيّه=احذر منه واحسن عليه الردودي
يا سالم ادري عنك روحك نقيّه= وايضا عن الدنيا بعيد وزهودي
خلك مع ربعك وكفك وفيّه= وهرجك ازكى من زهور الورودي
واحفظ لسانك عن هروج الخطيّه= ولا قصدت اقصد عزيز القصودي
والضيف لا رادك تلقه وحيّه= واليسر والموجود ما به نقودي
والخاتمه يحفظك رب البريّه= من سوء راع المخطيه والحسودي

[ابو مشاري]

بيض الله وجهك وصح الله لسانك يا شاعرنا المبدع

[الجابري]

جمل الله حالك وواسعدك ربي وصح لسانك

[علي السبيَه]

الله الله ياشيخ صح لسانك ملايين على هذه القصيده الرائعه للي تضمنت
نصايح تنشرى باالذهب والقصيده تستحق ان تكتب بماء الذهب وتبروز
في برواز من الياقوت والله يمد في عمرك على طاعته

[صقر بجيله]

اشكركم جميعا على مروركم الكريم تقبلوا تحياتي واحترامي

[أحمد مطر]

صقر بجيله
سلمت ولاندمت كلام غايه في الحكمه وهو منهج حياه من يتبعه يسعد ويهنا.........

تحيااااااااااتي