الفيصل الشادي
07/12/2008, 11:32 AM
قالت علامك
قالت علامك جال بالصدر زفرات؟= يالله عساها خير يا بِعْد حالي
من عقب عصر اليوم والعين حسرات= ورى الفرح متقيدٌ بالغلالي
قلت الحزن يا بنت عالقلب شلفات= يقطع شرايينه حرام وحلالي
يا بنت انا في ذا الزمن صورة رفات= من رمح قتال طعن ما يبالي
كني غريب تايه وسط غابات= لا احد يسليني ولا احد بدا لي
ما عاد اذوق النوم هيهات هيهات=حتى العسل لو حلو ما عاد حالي
كم كان يطربني من اللحن نايات= واليوم لا لحن ولا العزف سالي
لا تعجبين ان عفت انا الكيف مرات= بن شربته ركّزَته الدلالي
ودي ارتحل يا بنت انا عشر مرات= واسابق رياح الزمن والخِيالي
واطوف حول الارض واعمر حضارات=وابني لقصر ما بعد له مثالي
قالت توقع حيث دربك به اهات = واللي ذهن لا بد ما انه يبالي
رب ان شمسك طالعه عقب غيمات= والا هبوب النود يرجع شمالي
لا تحسبن الوقت مابه ملامات= غلطان من ظنه خويٌ موالي
لكن تصبّر يوم للصبر وقفات=واشرب قراحٍ عد صافي الزلالي
يا شيخ لا تعجب وفي الراس شيبات= ذاك الوقار ان كنت سمح الخصالي
واطلب اله الكون له محكم ايات= عسى الفرج ياتيك من رب عالي
قالت وقالت خمس تتبع بعشرات= وانا لها اطرب جِعلها راس مالي
منطوقها فضه توسط جنيهات = يا جعلها لي دوم يا جعلها لي
يا الله يااللي سبحت لك سماوات= منشي مزون قد روت كل بالي
ترسل سحابه حامله منك خيرات= يروى بها قلبي من اول وتالي
تسقي قبر من راح منا برحمات= عساه للجنه بقصر علالي
قبر ليا جيته وتنهل عبرات = اتذكر الصاحب و درع بجالي
يا الله يااللي سبحت لك سماوات= منشي مزون قد روت كل بالي
ترسل سحابه حامله منك خيرات= يروى بها قلبي من اول وتالي
وتصير غيث للعرب له علامات= ينبت منه قفر من الزرع خالي
حتى طيور الجو تهناه شربات = لا غردت يصحى نبيه العيالي
لي حاجة ربي بغفران زلات= منك العفو والغير ما قد طرى لي
ويا بنت شكرا لك مع كل الاوقات= نوختي ركابي وحمل ثقالي
يوم اني اطلب خالقي وانسى ما فات= والله على ما يريد و حنا نصالي
جده
4-1-1427
قالت علامك جال بالصدر زفرات؟= يالله عساها خير يا بِعْد حالي
من عقب عصر اليوم والعين حسرات= ورى الفرح متقيدٌ بالغلالي
قلت الحزن يا بنت عالقلب شلفات= يقطع شرايينه حرام وحلالي
يا بنت انا في ذا الزمن صورة رفات= من رمح قتال طعن ما يبالي
كني غريب تايه وسط غابات= لا احد يسليني ولا احد بدا لي
ما عاد اذوق النوم هيهات هيهات=حتى العسل لو حلو ما عاد حالي
كم كان يطربني من اللحن نايات= واليوم لا لحن ولا العزف سالي
لا تعجبين ان عفت انا الكيف مرات= بن شربته ركّزَته الدلالي
ودي ارتحل يا بنت انا عشر مرات= واسابق رياح الزمن والخِيالي
واطوف حول الارض واعمر حضارات=وابني لقصر ما بعد له مثالي
قالت توقع حيث دربك به اهات = واللي ذهن لا بد ما انه يبالي
رب ان شمسك طالعه عقب غيمات= والا هبوب النود يرجع شمالي
لا تحسبن الوقت مابه ملامات= غلطان من ظنه خويٌ موالي
لكن تصبّر يوم للصبر وقفات=واشرب قراحٍ عد صافي الزلالي
يا شيخ لا تعجب وفي الراس شيبات= ذاك الوقار ان كنت سمح الخصالي
واطلب اله الكون له محكم ايات= عسى الفرج ياتيك من رب عالي
قالت وقالت خمس تتبع بعشرات= وانا لها اطرب جِعلها راس مالي
منطوقها فضه توسط جنيهات = يا جعلها لي دوم يا جعلها لي
يا الله يااللي سبحت لك سماوات= منشي مزون قد روت كل بالي
ترسل سحابه حامله منك خيرات= يروى بها قلبي من اول وتالي
تسقي قبر من راح منا برحمات= عساه للجنه بقصر علالي
قبر ليا جيته وتنهل عبرات = اتذكر الصاحب و درع بجالي
يا الله يااللي سبحت لك سماوات= منشي مزون قد روت كل بالي
ترسل سحابه حامله منك خيرات= يروى بها قلبي من اول وتالي
وتصير غيث للعرب له علامات= ينبت منه قفر من الزرع خالي
حتى طيور الجو تهناه شربات = لا غردت يصحى نبيه العيالي
لي حاجة ربي بغفران زلات= منك العفو والغير ما قد طرى لي
ويا بنت شكرا لك مع كل الاوقات= نوختي ركابي وحمل ثقالي
يوم اني اطلب خالقي وانسى ما فات= والله على ما يريد و حنا نصالي
جده
4-1-1427