بيت x بيت..( مسابقة شعرية )

[لؤلؤة زهران]

تلحفت الامل وامسيت اهل الدمع والعبره = وانا قلبي من اشواقه عليهم منقسم نصفين



لؤلؤة زهران

[الهجيــــر]

نويت امتطي صهوة جواد السفر والبين=بسافر وخايف من جروحك تخاويني
زهابي صدر مجروح من طعنة الغالين=عسى الجرح لا طالت دروبي يسليني


الهجير

[بنات عتيبه]

كـبدي اللي لاعـها الـحـزن ودواهـا صعيـب



اشـرب الـبـارد وعـيـا يبــرد حــرهــا






انشــد اللي جـرب الـحـزن لاتنـشـد طبيب



يخـبـرك من ذااق حلـو الحـيـاه ومـرهـا

[الهجيــــر]

بنات عتيبه

سلامة كبدك ... بس لازم تبدين أبياتك بنفس الحرف اللي
أنتهى فيه اللي قبلك ...

يا يحيى الفخراني طرطـــــــة

[بنات عتيبه]

توني أعرف.أن شاءالله

[بدوية]

البارحه مانـام جفنـي ولارتحـت
ذكرت وقتٍ فـات يـاروح روحـي
وانا من اول حاسب انـي تريحـت
من قصة الفرقى ودرب النزوحـي
صحيح قلبي صاح لكـن ماصحـت
كل المشاعر من وداعـك تنوحـي
روّح عسى الله يحفظك وين مارحت
وانا عسى ربي يخفـف جروحـي

[الهجيــــر]

يجي نزور إحساسك اللي تكتبه بين السطور؟=من فتره لفتره كذا يمكن يطمنا عليك
يمكن يصير الكون كله يالغلا رشة عطور=مادري متى طير السعد بالحب واشواقي يجيك

[عبدالله الحديبي]

كان الفراق على قلبي يضيف لظى ... ماكني الا ضفت له بنزينا
وكنه على قلبي كما قمة حظى .... والشوق لا مايرحم المسكينا

فصيح .. نبطي
نبطي .. فصيح

الحديبي

[بدوية]

آتمنى .. وآتمـنى .. وآتمـنى
عن احاسيسك تجيني صادقه

والله ان اجيك كلّي وآتـغنـّى
يافديت اللي صفاته فـارقــه

[آميــر الكـونـ]

هبيني يامعذبتي أساتُ
وبالهجران قبلكمُ بدأتُ
فأين الفضل منكِ علي
إذا أسأتِ كما أسأتُ

[الهجيــــر]

تعال خذني بحضنك ودي أغفى وأنام= تعبت ,,بُعد ومعاناة وعناد وفراق
شوارع البعد صارت ضيق صدر وزحام=تعال علمني أسرار الدفى والعناق


الهجير

[بدوية]

قالهـا لســان الفـواد .. العـاجـز المنهـدّي
حق جيتك الرضا لو كان حظي غـادي

العيون اللي تمـادت .. دمـعـهـا مايمـدي
سـدّنـي مــاهـا لاواجه نـظـرة الحسـّادي

شوفـتـك تـرد شوفي .. والجبـيـن ينـدّي
كل مافيني يبـيك .. وراضـي ومنـقـادي

[ترانيم المطر]

رائع تسلمين بدويه

[بدوية]

رائع تسلمين بدويه


ترانيم
مرحبا مليووووون ولايسدوووووون

وياليت اشوف مشاركتك هنا يالغلا

[غيمه جنوبيه]

ياللي غيابك طـــــآل وبحقي أخطيــــت
هذا شهر ماأشوف للوصل نيــــــــة؟!

هن كانت أسبوعيــــــــــن لكن تماديت
في غيــــبتك كنـــــك تنفد وصيـــــــــــــة!







...ووورد

[بدوية]

هزني شـوق آلقوآإفي جيت أعبر بـ آلقصيد
مآ ذبحني غير طيفـك .. في غيآبك وآلبعآإد

[الهجيــــر]

دورت لك بين حد الذنب والمغفره=لقيتك أقسى من الغربه وكف الجفا
لك داخلي شي صعب ولا أقدر آفسًره=أكثره حبي وعشقي لك ,, وأقلًه وفا


الهجير

[ترانيم المطر]

أبشري بدويه من عيوني اشارك ليه ما أشارك =
=0
الوم قلبي والخطا منك يا نفس = رسمتي امالك بجال السحابه
ولونتي اطراف الثريا بلا لمس = تعكس سنا نورك بليا غرابه
بحساسك المجنون جاريت بالهمس =ومات الامل يا نفس ماعاد نابه
ترانيــــــــــم =

[الهجيــــر]

هدني طاري غيابك وأخنقتني العبره=رغم أنف الكبرياآآء وقوة الشخصيه
في صدري مثل اللهيب وفي خفوقي جمره=أستباحت كل مافيني بلا حنيه
الحزن مصبوب وسط القلب قطره قطره=ما ترك فرصه لقلبي يستريح شويه


الهجير

[لؤلؤة زهران]

همسات شوقي جرحها طبعك القاسي = يامشغل الفكر قلي ليه متغير
لؤلؤة زهران

[ترانيم المطر]

راسي عنيد وشرهتي في حضورك = وغيرك اليا مر وتعدا سهالات
نبت الغلا في داخلي من بذورك = وابذور غيرك قبل عامن محيلات
في داخلي حزنن رحل من سرورك = يكتب من افراحي وشوقي روايات
ترانيـــــــــــــم =

[ملك الليل999]

تبغى الصراحه كل شي فيك جذاب=حتى القصايد ماتوفي وصوفك
مثل القمر نفقده بالليل لو غاب=فوق السحاب ونهتني لو نشوفك
انت الهوى ومعذبً كل الاحباب=في جلستك في خطوتك في وقوفك
وانت الدواء والجرح من بسمتك طاب=من حالي اوصافك عجزنا نعوفك

[بنات عتيبه]

كسَيَتَ نْفَسَيَ بَالَعـنْا وَالَتَحَاسَيَـفَ
لَقَيَتَ مِنْ حَبَيَـتَ عـنْـيَ يَصَـدَيَ
وَالَسَالَفَه طَالَتَ وَرَاحَتَ سَوَالَيَـفَ
قَلَبَيَ وَمِحَبَوَبَيَ مِـع الَوَقَتَ ضدَي

[الهجيــــر]

يمكن انك في غيـــــــابي تقلب الدنيا علي
بس أنا من قبل أعرفك قالب الدنيا عليك

[ترانيم المطر]

كثير قبلك ما حسبنا له حسابه = واليوم اشوف القلب فيكم تولع
وهذا الطريق الشيخ فينا يهابه = وشلون طفل وتو باقي مدلع
ترانيـــــــــــــم =

[ملك الليل999]

عسى عيون الناس ياخل تفداك=اهم شي تبقى النظر في عيوني
مابغى تغيب ابغى افقد الناس والقاك=انته حياتي وانت عشقي وكوني

[لؤلؤة زهران]

يانور عيني ونبض القلب وانفاسي= تكفى جروحي دواها لمسة ايدينك
لؤلؤة زهران

[بدوية]

ياللي تتآبعني من بعيد لـ بعيد !
...... كآفي موآجع .. لا تزيد الموآجع ,,

أنا بدونك .. ( شي محتاج تجديد )
...... يالله بشرني ,, متى أنت رآجع ؟
http://gazlaltmathel.com/vb/images/smilies/y31.gif http://gazlaltmathel.com/vb/images/smilies/y35.gif

[الهجيــــر]

على ذكرى تناهيد السنين وشهقة الايام=نويت أزرع ملامح رجعتك في تربة أشواقي
غفيت أمس ولقيت إسمك ينور صفحت الاحلام=وشلت الحلم وأسمك والغلا في داخل أعماقي


الهجير

[بدوية]

ياصاحبي طال الصبر وأتلف الروح
حرام اعيش العمر من شان لاشـي


تعبت الاحي اللي تغني على الدوح
ماغير الاحيها وانا مافي يدي شـي

[ترانيم المطر]

حارت اقدامي وانا اللي كل ما فيني قوي = وارتجف قلبي وعوّد من جروحه ما برى
كان ما يطرد سراب وغصنه اخضر مرتوي = واصبح يعاند لقلبه والحبيّب ما درى
ترااااانيم =

[آميــر الكـونـ]

هون على نفسك اذا ضقت وتهون
لا تنشغل بالشرح والجرح جرحك

اللي يبي كرهك بيكرهك من دون
واللي يحبك ما هو محتاج شرحك

[بدوية]

كم غيمة ٍ مرت وعلمي بها فوق
أبطت علي وغيثها ما سقاني

والماطر اللي ينتثر غيوم وبروق
امطر على كل الجهات ونساني

[لؤلؤة زهران]

يبكي الفرح في داخلي.. يتنفس اهات وانين = له كم سنه خلف الضلوع.. ابواب سجنه مقفله

لؤلؤة زهران

[ترانيم المطر]

هذا قسم انك حبيب وطيب وخالي من الخبث المسيطر ع البشر = وانت اقسم اني اطيب انسانه تعيش بدنيتك فوق الثرى
تدرى بان الحب مثل اعداد زوجيه ثمان وعمر ما عادت عشر = والمختفي محدن درا عن جرح قلبه لو صوابه ما برى

[عبدالله الحديبي]

اسلامنا حبرٍ على صفحة العار ... واللي حصل سبة ضميرٍ دفينا
ضميرنا طايح وللذل معمار ... مادام نام القوم يبقى سنينا
اقرب مثال الدم في ارض بشار .. بحر وكيان الشعب مرسى ومينا
آسف , نسيت , اليوم حبٍ وتذكار ... والشوق مايلقاه غير الحنينا
معليش هذا شرك واعياد كفار ... حالة تجيب الهم يا مسلمينا
تقليد في تقليد والله لو ا حمار ... ينهق نهقنا ماعلمنا ودرينا

للحديبي ..

[لؤلؤة زهران]

ادور بين صفحات الزمن واقلب اوراقه =ادور للهناء بيدي ولا القى سوى الخذلان
تكدر خاطري من بعد انا بالحيل مشتاقه=وهليت الدموع اللي تعاني قسوة الحرمان


لؤلؤة زهران

[ترانيم المطر]

نعتصم بالله من كيد الحسود =من نوانا رد كيده بنْحره

[بدوية]

هـذا أنـت يـا أغلـى محبّينـي وخلاّنـي
دايـم تأخّـر .. ولا ملـيـت تأخـيـرك!!
خذ راحتك .. وإختلق عـذرك .. وتلقانـي
النابض اللي حلف ما يموت في غيرك!!!

[ترانيم المطر]

كافي ولا عاد ارتجي من نساني = بس البلا قلبي بقلبه تولع
ترانيم=

[بدوية]

عــــــــزة الــنـــفـــس .. أكــــبــــر مــــنــــك .. مــهـــمـــا هــويـــتـــك
هـــــذا مــصـــدر حـيــاتــي ... هـــــذا هــــــو خــــــط ســـيـــري

[بدوية]

ياوجودي وجد عودٍ على الغبنه ضرا
والظليمه كل يومٍ يذوق كاسها

[لؤلؤة زهران]

آآآه ياقلب المعنى ياشقاه= كل احلامه غدت مثل الحطام
انهدم في داخله حلما بناه =والامل نوره تغشاه الظلام

لؤلؤة زهران

[بدوية]

مآ انت اول من كتب اسمي على رمل الودآع
ولآ انت اول من عطيته بالهوى حب وضمير

ولآ انت آخر من جرح قلبي واهدآني ضيـآع
ولآ انت آخر من ذبح روحي على حد الهجير

[لؤلؤة زهران]

رياح هبت على اديار الغلا عاتيه = ماخلت الا ثمار الحسره واغصانها


لؤلؤة زهران

[بدوية]

ألمح جروحي وأقول الله يسامحهُم
وأنادي القلب .. [ لا تزعل علىَ شاني ] !

[سمّار]

ثقيل الوقت والا ثقلت الاقدام =مبتّل غرب قبلي يجري ظلالي
بقيت اجري وتتبلاني الاوهام= سبقت الظل ما عيّنت منزالي

[لؤلؤة زهران]

يعاندني وانا ادري بطيفي ساكن اجفانه = ومن نار الوله والشوق يذوق الويل الحسره


لؤلؤة زهران

[بدوية]

هز اتصالك فيني الشوق وانهـار
قلبي وزادت حيرتي والتياعـي
بين الفرح والخوف والشوق والنار
ياغاليـ زاد العنــا والصراعي

[بدوية]

يا حاصدين منْ السما غيم واْحباب
. . . . . من يزرع النوَّير فـِ: صدور غافين !

دورت لك وسط الحدا صرخة عتاب
. . . . . قبل الخُطى تاكل من الدرب : مقفين !

[عبدالله الحديبي]

نبت على صدري من الحــب نخـــــله __ لكـــن مســــرع ماتســـاقـــط ودنهــا
راح الروى واقبل ضمـا .. وين عبله __ ترجع تشوف اوضاع شعب ووطنها

الحديبي ...

[لؤلؤة زهران]

الا ياقلبي المتعب انينك متعب انسامي =ونبضاتك كساها شوق مخاوي صمته الارهاق

لؤلؤة زهران

[المبدع.]

قطفت أجمل ورود الشوق من واحة شدا الشامي=وعاملت العرب بالحب والاحساس والاخلاق
ورب الكون ماعندي سوى المبدع ولا أسامي=ولكن في رباع الصعب أنا متعدد الأذواق
أنا في مجمل أوضاعي ( غريب ) ... ومصدر إلهامي=بيوت الشعر في مجلس بكت عينه شجن وفراق
***


( المبدع )

[شدا الشامي]

قرابة عام يا الغالي .. أشوفك طيف قدّامي=أنا مشتاق .. ليتك ترحم اللي قال أنا مشتاق
ترى قلبي (جزيرة) .. وأنت تجريحك (تسونامي)=وغطّى (الموج) قلب الشوق وأصبح ممتلي (إغراق)
إذا كانت على يدّك بداية ساعة إعدامي=قبَل موتي تعال .. وقول أنا أحبّك من الأعماق
**

[د.ليل الوعد]

المبدع safaqah شذا الشامى safaqahشاعران كبيران لهما تواجد مشرف وكلمات ذات بريق لامع تحياتى وتقديرى ونتمنى وننتظر عودة الاستاذة القديرة بدوية بالسلامة

[شدا الشامي]

يعطيك العافية أخي الغالي د. ليل الوعد

شهادة أفتخر فيها .. لاهنت

[المبدع.]

لاهنت .. د ليل الوعد ويعطيك العافيه


قلبي .. وروحي .. والمشاعر .. تناديك=بإسم المحبه والليال القديمه
إن كان ماريّحتني من تغلّيك=وإن كان ماشفت التغلّي ظليمه
فلا تواخذني على ذي ولا ذيك=واصل عى كيفك مسلسل حليمه
وأنا لي الله رايح أبعد وأخلّيك=لكن في ذاتي بأسوّي جريمه
**

( المبدع )

[شدا الشامي]

هذا أنا جيت .. لأجل آقول روّقني=ياويلك إن كان ماروّقت .. ياويلك
يالله أنقلع قبل ما أبكّيك .. فارقني=خلاص روّح ترى مانيب فاضي لك

[عاشق المها]

كل شي بالدنيا مقدّر ومكتوب ****حتى الجفا حتى الحزن حتى الافراح

[almooj]

حبيبي حلاكم حل في حاني الروح
تحكم حياتي حين واحنا ضلوعي
وانا كلما حنيت ما حن قلبك
ألا يا قسى قلبك ولين خضوعي
تحسب ان فرقى فلذة اكباد بتروح
فلا والذي سواك هاذي طبوعي
ولاني مغيرها ولاني مبدلها
ولو صرت في قبر فظلمك شفوعي
........ الموج
حرف الياء

[عبدالله الحديبي]

ياليتني بلقى للابعاد تأجيل ... واضمها ضمه تزايد عبقها
وياليت يشرق نجم لامن غفى سهيل .. لا اضيع في سكه ولا في طرقها

الحديبي

[almooj]

أنا من كثر ما قلت أهواك وآحبك
يظن الناس بي ظن السوء والنيه
ولكنه على شانك واولادك أولادي
تعبت أمشي لهم روحات وجيه
تفرقهم وتمنعهم ولا كفاك تاخذهم
تبيني ما آحبك ولا لهم عندي حنيه
نجوم السما اقرب لك من الفرقى
أحبك قبل ما أحبهم ومحبتنا عفويه
اذا كان الهوى عذري فعند الله نجزى به
ولو بغازل نساء غيرك ما حسبت ولاعليه
أنا أحسب لربي قبل شوفتك قبل ما عرفك
مثل ما عند البشر عندي بنيات وبنيه

أحبهم وآحبك وأحبهم وآحبك وقصتنا
تعمدت أقولها للناس وانشرها مرويه
وسوء الظن لا يطري على بالك
ترى لا يمكن أهوى غير انتي والابنيه
حرام عليك تدربهم عقوق وقطع ارحام
حرام عليك تترك فلذات أكباد مشنيه
...... الموج

[لؤلؤة زهران]

حمام ياشادي الواحه = هيضتني يانزيل الروح
الروح ماهي بمرتاحه = من حالها والجروح اجروح

[بسمة أمل]

ما أعيش ببلاد ولاهي بأرضــــها ** وما أبي عيوني كان ماهي قبالها
أرض تدوس أمي بالأقدام رملها ** أموت فيها واندفن في رمالهـــا

وردةوردة

[ملك الليل999]

وش فيكم شطحتم ههههه
انا اللي اعرفه ان الواحد يبجيب بيت يبدا من اخر حرف انتهى منه اللي قبله

انا بجيب حرف الالف اخر حرف لمن قبلي

انا اللي ساهرً ليلي وادور بسمتك وارضــــــاك
وانا اللي لو بقى عمري اضحي به عسى يفداك

[بسمة أمل]

كيف نخفي حبنا والشوق فاضح ووورد وفي ملامحنا من اللهفة ملااامح

[ملك الليل999]

حرام كسـر الخواطر كثر الجفـاء مايفيد
كلمه ولو جبر خاطر والا سلام من بعيد

[almooj]

تحيــــــــــــــــةدام عزك يا ملكنا والبلاد بلادنا
كل قطره من دمانا فدوة لك ياملك
......... المـوج

[اميرة الاحساس]

گل مَآ هَبّتٌ طيُوُفِكَ
" وإبتِسّمتٌ "
.......... رَدّدٌ آلوآآقِعّ
تَرىْ مَآ إنتُُو " لِ / بَعَضٌ

[بسمة أمل]

ضاقت فلما استحكمت حلقاتها ووورد فرجت وكنت اضنها لا تفرج

[almooj]

جرى يا وطـن حبك بداخل شراييني
شمـوخ السعودي عادة ما نخليهـا
........... الموج العلم الاخضر

[بسمة أمل]

أسري مع الهاجس اللي مابعد نامي*****وأصور الماضي لنفسي وأسليها

[almooj]

إذا قلت لي أنا قليل عديدنا
فهل قد علمت ان الكرام قليل
وكم باخل بما لديه وقاصر
يجود ولكن مرغما وعليل
.......... الموج

[almooj]

لا جيت ابتكلم واقول القصيد الوان
أقولها باللون الاخضر سعـوديــه العلم الاخضر

[كٌاٌتٌمُ اٌلاٌحَزُانً]

تدفى على جال ضوه بارد عظامي ** والمايسوق بمعاليقي ويرويها
اذا صفا لك زمانك عل ياضامي ** اشرب قبل لايحوس الطين صافيها
الوقت لو زان ياصاح مادامي ** ياسرع ماتعترض دربك بلاويها
حتى وليفك ولو هيم بك اهيامي ** سيور الايام تجنح به عواديها

[almooj]

لا جيت ابتكلم واقول القصيد الوان
أقولها باللون الاخضر سعـوديــه العلم الاخضر
.............................. ااالموج

[almooj]

أنا ما احسب ان الوقت والا الزمن غدار
واثار ان غدر الوقت للناس عـدلا
...................................... الموج

[لؤلؤة زهران]

أصرخْ وأصيح ب عآلي الصوتْ ي فلآنْ
....................... هَذي الحَياةً دَارتْ عَليا رحآها


عَلقتْ قَلبيّ بَين جَنَة و نِيرَآنْ
....................... أَزرِيتْ ثمْ تَليّتْ رُوحِيّ ل عَرَاهَا

[almooj]

ألا يالله تعيد ايام فايته سقاها السيل
على جال الغدير اضحت منابعها بهمالي
.................. الموج

[أبو أنــس]

لكل شيء إذا ما تم نقصان ...... فلا يغر بطيب العــيــش إنسانُ

هي الأمور كما شاهدتها دول ...... من سرهُ زَمنٌ ساءته أزمانُ

وهذه الدار لا تُبقي على أحد ...... ولا يدوم على حال لها شانُ

[almooj]

نسيتك وحطيتك في الذاكره مركون
اطلعك لامني نويت آجدد اجروحـي
.............. المـوج

[almooj]

يا قلب هاض الغرام والشوق زود تعذابه
جرح المحبة والهوى ثارت براكينه
............. المــوج

[نوره الغامدي]

هيّجني الشوق يومك جيت في بالي=يالله عسى خير ياأشواق(ن) تجيبك لي
لو كان قبرك درا عن مابرا حالي=ما صكّ بابه ،،، ولايمنعك من وصلي


نوره

[alarabe]

جميييييييييييييييييييييييييييييييييييل

[الهمس]

يا بدر تكفى ترى نورك عكس ضيه=اكيد يا بدر حولك وانعكس نوره
قله ترى الي تركته باقي ابغيه=عايش على الحلم يرسم للامل صوره

[لؤلؤة زهران]

هاذي نصيحة ولا فيها يسار ويمين=فكره طرت وسط بالي قلت اغني بها
مادمت مهره تربت عند ذرب اليمين=بكتب وقولوا هنا صحت مكاتيبها

[لؤلؤة زهران]

أن جد حسك يثيـر اليـوم وجدانـي
......................أعشـق حـروفـك وأرددهــا وأغنيـهـا*

أقـراء شعـورك وأحـس بعالـم ٍ ثانـي
......................وأروح لأقصى حـدودي فـي معانيهـا*

أنسى همومي معك في دنية أشجاني
......................وأفتح مع الليل صفحه يوم أحاكيهـا

[لؤلؤة زهران]

آثر آلعقول آنوآع جآهل و وآعي
يآ زين نيّآت آلقلــوب آلنظـــيفة"

[Espresso]

عفوا ، هل تعتبر مساجلة شعرية أم ماذا ؟
مع التحية لكم

[لؤلؤة زهران]

عفوا ، هل تعتبر مساجلة شعرية أم ماذا ؟
مع التحية لكم

ايه نعم مسجلة شعرية يبدا كل بيت باخر حرف من البيت اللي قبله

[لؤلؤة زهران]

هاضت اشجان الوله وانهمر سيل المشاعر=وهب نسناس الغلا وفاح عطره في الوجود



لؤلؤة