العين مشتاقه

[السحاب البعيد]

يا عاذلي .. ما تشوف العين مشتاقة
لولا الحيا جاوبتك بدمعها الصافي

عطني جلد .. كان تنخاني على فراقه
ودي الي من تركته ما أشبح خلافي


لاح الجبين .. وجذبني نوض براقه
حيثه ربيعي .. وورد الخد مصيافي


والغصن لولا المطر ما أخضرت أوراقه
يا كيف عشب الوسم يترك وينعافي




بدر بن عبد المحسن

[السحاب البعيد]

علىآخر تراب الأرض ...
أحسن أن المسافة شبر ...
وكل الأرض ... ما تحمل تعب مشوار ...
أحس إني ... رغم صغري ... تفاهة عمر ...
في صدري ندم جبّار ...
يا ليت ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...
تصّورتك ... وحزن الناس ...
جرح النّاس ... وهم النّاس ... في عيونك ..
تخوني النّاس وتخونك ...
تصّورتك في شامة ليل ...
على خَدِ السَّما الزرقا
زحَام والدنيَا سهرانه ...
أحَد نازل وَأحَد يرقى ...
وأحَد مِثلك يخاف من الَبلل والطين ...
يقول إن الرعد قاسي ...
يحس ان المطر سِّكين
يحسّ ان الذي يضحك ... يحس ان الذي يبكي ...
لا حَد مسكين ...
تصوّرتك ... ولا ادري ليه ...
ولا أظنك بَعد تدرين ...
يا انتي ان المسافه ِشبر ...
يا انتي إن الليالي َصبر ...
وكل الأرض ... ما تحمل تعب مشوار ...
على آخر تراب الأرض ...
على الميهاف ...
ومرتني الليالي خفاف
تَعدَّت عمري المعدود ...
دِريت ان الَمدى محدود ...
وان الليل لا شعرك ... ولا رمشك ...
ولا شفت الشفق في خدود ...
دريت اني عجزت املك ... ولو همّي ...
ونزيف الجرح ... من دمي ...
صحيح الدنيا ما تنشاف ...
وانا وانتي على الدنيا ...
وعلى الميهاف ...
أحس ان المسافة شبر ...
أحس إن الليالي ... صبر ...
وكل الأرض ... ما تحمل تعب مشوار ...
أحس إني رغم صغري ... وتفاهة عمر ...
في صدري ندم جبار ...
يا ليت ... ... يا ليت ... ما كانت لي عيونك أرض
ولا عمري وقفت فـ يوم
على آخر تراب الأرض ...

بدر بن عبد المحسن

[السحاب البعيد]

صياح الباب يكفي لا ظهرت وبكتم صياحي

لك الله لو تبيني اصرخ حبيبي لا تهج الباب

تكلم واحـــرق بنار العـــتب طــيني والواحي

عيوني لك مرايا لو تبي وافتح ضلوعي كتاب

وان مات الحكي ما عاد ينفع ضحكي ونواحي

يقولون الذي كاره يلاقـــــي للفـــراق اســـباب

حبيبي والوداع نعاس نجــــم والجفــن صاحي

واحلام الرماد ولفتة تملي الدروب غــــــــــياب

امانة لو عشقت في يوم غيري تذكر جراحي

ولا تترك حبيبك ما بقى للعاشقين عـــــــــتاب

مفارق والذي يخليك لحظة بطفي مصباحـــي


تعرى الدمع ساعدني البسه الظلام ثيـــــــــاب



بدر ابن عبد المحسن

http://www.spundreams.com/sets/flowers/brrosebar1.gif
تحيـــــاتي

[قيثارة الشرق]

لو مدى لي طرفة سلام
كفاً اصافحها وانوم
هماً ينسيني الهموم
هماً ينسيني الهموم












بدر بن عبد المحسن

[السحاب البعيد]

يا كود حرفٍ لي كتبته بالأوراق
مثــل السراب اللي يسلي بريقه
والله لـــــو كل المخاليق عشاق
ما شفــت لك نفسٍ تعذب دقيقه






http://members.tripod.com/~Breanna__/pansies.gif
بدر بن عبد المحسن

[السحاب البعيد]

المحبه أرض والفــرقا أراضي



والزمن كله ترى لاغـبت ماضي



والله إني ما أشـوف إلا عيونك



إن رحلت اليوم أو طوّل مراضي



قالوا العــذّال والعـذّال مــــــرضى



وش بلا حالك من الاشواق قاضي



قلت يهجرني حبيبي ليـن يرضى



علّموا الظالم ترى المظلوم راضي



جرّحوني في هواك وقلت أبشكي



ماهو من جرحي ولكن لـإعتراضي



وش علي لو قطّعوا لاجلك عــروقي



من رضى بالحب .. يرضيه التغاضي









بدر بن عبدالمحسن





http://www.al-wed.com/pic-vb/539.gif

[السحاب البعيد]

صعب السؤال .. ليه نفترق
صعب السؤال .. وين نلتقي
إنتي الجنوب .. وأنا الشمال
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك
لا مستحيل .. هذا الرحيل
من يقطع الصمت الطويل
ويــدلنـــي
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد







بدر بن عبد المحسن

http://www.al-wed.com/pic-vb/539.gif
تحيــــــاتي

[ضاوي الليل]

الاراضي كلها طين وحجاره
قل المطر مادري غضب ربي ولا حسدالنفوس
........ ارقد ...الله يخلي من خلق ارض ونجوم

[السحاب البعيد]

سوالف ليل ..

بجنب المنقد الغافي ..


على حد السهاد ..


تحدثنا في تالي ليل ..


زرعنا سرنا الخافي ..


على شفاه الجمر معنى ..


وخفنا الناس تسمعنا ..


يا انتي .. لاتوادعنا...


في تالي ليل لاتخافي ..


بنلقى اللي بقي معنا ..


سوالف ليل ..

أو حفنة رماد ...




















بدر بن عبد المحسن

http://www.al-wed.com/pic-vb/539.gif
تحيــــــــاتي

[قيثارة الشرق]

الله الله جميل والاجمل من كذا ان طلال مداح غناها تسلم يديك والله كلك ذووووووووق اختيار ولا اروع من كذا

[قيثارة الشرق]

ههههههههههههه انت قمة والله

[السحاب البعيد]

مشكور على المرور يا قيثارة الشرق

وابشر بالمزيد والمزيد



http://www.al-wed.com/pic-vb/539.gif
تحياتي

[السحاب البعيد]

مشكور اخوي على الاطراء

والجميل هو حضورك


http://www.al-wed.com/pic-vb/539.gif
لك تحيــــاتي

[قيثارة الشرق]

الله اكبر جميل جداً استاذي الكريم روعة في غاية البهاء وانت الابها من ذلك سلمت ولا عدمنا مشاركاتك الرايئعة

[السحاب البعيد]

الف شكر على مرورك واطرائك الجميل


وننتظر جديدك ان شاء الله


http://www.al-wed.com/pic-vb/539.gif
تحيــــــــــاتي

[السحاب البعيد]

كل مادعاني الشوق للقلـب الأول=القي مكان القلب في الصدر تنهيـد
وطيوف ذكري في الحنايـا تجـول=تجمع صور وأوراق من باقي العيد
مدري سبقنـي الوقـت والاتحـول=أخلف ربيعي وادهـرن المواعيـد
أو هو الصبا .. نجمٍ رقى ثم حـول=غاب وسما وجهي مشيب وتجاعيـد
أحبابنـا ليـت الـذي راح طـول=وليت الذي باقي لمـا فـات تجديـد
انتـم مثـل قلـبٍ عرفتـه امنـول=وأصبح مكان القلب في الصدر تنهيد


بدر بن عبد المحسن

[السحاب البعيد]

يقولون الشعر وصل القلم والصفحه الطرقى=وانا اقول الشعر قدح الخيال ونـار صوانـه
حبيبي والبحر سور التراب ودفتـر الغرقـى=لو اني ماكتبتـك لامنـي ملحـه ومرجانـه
حبيبي لاهمت حبر العروق الغيمـه الزرقـا=على رمل الورق دمي سحاب هـل هتانـه
حبيبي كل ماذعذع جفاك وناحـت الورقـى=يتل البال قلبي واهـدي السجـات جنحانـه
حبيبي وانت مرقاب الشجون وهاجس المرقى=ترى كلٍ يموت الا الوفـي بعيـون خلانـه
حبيبي والجروح اللي سببهـا ليلـة الفرقـا=ضما يدها الوصال اليا ظما المحروم حرمانه
حبيبي لو يسامحك البحر وتبيحـك الغرقـى=أنا ما اسامحك لو لامنـي ملحـه ومرجانـه

[السحاب البعيد]

بدر بن عبد المحسن
رساله قصيدة


إلى من .. يهمها أمرى .. إلى من ..
رجاءً .. إلى متى صبري .. رجاءً
أنا لن .. اشتكي .. همي لغيرك ..
ياروحي .. اشتكي روحي على من ..
رساله .. حبرها .. دمي ..
رساله .. تصرخ ابهمي .. إلى من ..
سألت الرمل .. في دروب القوافل ..
سألت الجدب .. عن لون السنابل ..
سألت الناس عن وجهك حبيبي ..
عن الشمس .. ومتى تشرق مساءً
أحبك .. يالصحاري اللي ..
فـ هجيرك .. احترق كلي .. وفاءً
كتبت لواحة عيونك رسايل ...
بسراب الدمع ... وانفاس القوايل ..
كتبت وذي ترى .. اخر رسالة
أحبك .. وان نسيتيني .. وداعاً ..

[السحاب البعيد]

بدر بن عبد المحسن
قصيدة لا تقول






لا تقول ودعتني داري=بالحيل مالي عليك عتاب
مريت في موعدك ساري=وقفت لين النجم ماغاب
الليل تحت الشجر عاري= والفجر غطي السما بثياب
والريح في كفوفها الذاري=تدفن ارسوم الوعد بتراب
مريت ماللوله طاري= ووقفت ماللندم اسباب
مدري تعودت مشواري= أو خان بي قلبي الكذاب

[المتميز]

وخاصه يالسحاب البعيد لم تسمعها بصوت ابو نوره

تحياتي لك

[السحاب البعيد]

شكراً لك على اطله الحلوه ذي
واذا على صوت ابو نوره شي ثاني


تحياتي