بنت دلوعه ومجنونه !!!

[بدر البدور]

بسم الله الرحمن الرحيم
من قصائدي
قابلــت لي بنـت بـدو وبنــت مــزيونه
كانت وحيده وانا ايضاً كنت وحداني
متـفلسـفه بنـت دلــوعــه ومجــنونه
قالـــت مـــسيكين ماصــدقت تلقاني !!!
أنا بنــيه عـــزيــزة نفــس وحـــنونه
واجبــرك توقــف تنـاظر ما تعداني
وأنا خجوله وأحب الشخص وأصونه
وأشــد حتــى انتبــاه النـاس بلعاني
واشوف نظرات حب الشخص بعيونه
حاولــت عنــك ابتعــد لأكـن ممداني
وأنا ابــدويه ومــن مثلــي تــلاقونه
ومظــيعه جـيت ادور نصـفي الثاني
وبنــات هــاليوم مــن حبـوه ينسونه
وانا نسـيت انــي انسـى من تناساني
وأبوي شيـخ العـرب والموت مندونه
لأبد متــرك لأن ابـــوي وصــــاني
وقــال لــي الــزين بـه ناساً يذمونه
والشيــن له من يجيـله مالعرب عاني
والحــب في طبـع ربعك وش تسمونه
في طبــعي الحــب يأمــرني وينهاني
وأنا القمــر ويدلعــوني الناس ليمونه
تتعـــب وتكــره حيــاتك لجل تلقاني
وأذا زهمـــني حبـيـبي قلت ياعونـــه
وأنشـــــــــدك بالله قلـــي منت زهراني ؟
قلــت القمــر ليه ما يحكي على هونه
وشفيـــك مستـعجله لحظه على شاني
قالــت وهــي رايحـه وشلك بمجنونه
في راحتــي كنـــت والله راد يبلاني
ماقلــت لك بنــت مجنـــونه وملعونه
راحــت وخلتــني اشكي الهم وحداني
...........................................
وسلامة الجميع

[علي السبيَه]

شكلها جُنّيه يابدر البدور على العموم ابدعت
في نضم هذه القصيده بطريقه مشوّقه ورائعه
صح لسانك وعلى شانك

[ابو شمس]

وأبوي شيـخ العـرب والموت مندونه
لأبد متــرك لأن ابـــوي وصــــاني
وقــال لــي الــزين بـه ناساً يذمونه
والشيــن له من يجيـله مالعرب عاني


أبدعت فأجدت الإبداع صح لسانك واعتلا شانك
ياعزيزي بدر البدور .
دمت بود ...

[د.ليل الوعد]

صح السان اخوى بدر وكلمات رائعة من شاعر اروع فيها فلسفة شعرية لا يجيدها الا الكبار احييك

[Pr!Nce$$ j0ry]

يااااااااااي فلهـ
مره تينن .. دشت مزاجي
يعافيك ربي
لاهنت
نتريا يديدك

[صقر الجنوب]

أسلوب عجيب وشاعرية فذة .. لايجيدها الا الكبار
صح لسانك وعلا شانك .. شوقتنا قلنا نشوف النهاية مع تالجنية