الليالي تموت ببردها

[السحاب البعيد]

في زمان كنه البرد .. شبيت القصيـد


قلت ابدفا والليالـي تمـوت ببردهـا






في طريق كنه الموت والحالي وحيـد


قلت ابحيـا والمنايـا تبـوح بسدهـا






أتقارب هقوة العمر لـو كانـت بعيـد


واتغنـي بالمقابيـل واخطـب ودهـا






لاقديم الجرح يقوى ولاجرح الجديـد


يخلف الناس العزيزه عن اللي ودهـا






والله اني ماتنازل .. لـي رايٍ عنيـد


لين أداعب غرة الشمس ..والثم خذها






وانزفي ياوردة الشعر .. من دم الوريد


لاتجفي في عروقٍ .. تراجـف يدهـا






ياقصيدي كان الأشعار سادات وعبيـد


والله انك من بحور ..غريـبٍ جدهـا






ماتقاود مهرة الحـرف للقلـب البليـد


ياقصيدي خذ رسنها ..وخلـك قدهـا






في طريق كنه الخوف سليت القصيـد


قلت ابحيا والليالـي تمـوت ببردهـا








مساعد الرشيدي

http://www.al-wed.com/pic-vb/539.gif
تحيــــــــاتي

[صقر الجنوب]

لين أداعب غرة الشمس ..والثم خذها



إختيار موفق يالسحاب البعيد هات اسمعنا واطربنا لا عدمناك

[المتميز]

نقل رائع وانت اروع
يالسحاب البعيد

[السحاب البعيد]

العين ما تعلا على الحاجب ولا اروع من مروركم

من كل قلبي بحيي فيكم روح الحماس والنشاط المستمر


تقبلوا اطيب واحلا وارق تحيــــــاتي