نبات الحشيش / الرد من اي شاعر

[هاوي الشعر]

البدع/ هاوي=
يوم قل السيل ما شفت نبتات الحشيش=
والجبال الراسيه كم يزينها الحُشاش=
بعد جف النبت يبقى الجمل في عُقًله=
والنحل من جور وقت العطش ماتت حياته*=
يالله ترحمنا بسيلٌ ولا غيرك رحيم=


* اليرقات

[بدر البدور]

عساك على القوه
وبارك الله فيك
ولك خالص شكري وتقديري

[هاوي الشعر]

مشكور اخي بدر لا عدمت اطلالتك الجميله

[علي السبيَه]

الرد:علي السبيه=
.=
لو تروح الغرُّزه تاجيك تعميرة حشيش=
لاح لي مرهم مع اهل العلاج ولاح شاش=
لا تقول للمختلف يامداوي عقّله=
ما اقبلت ديبان وادي التهم مااتت حياته=
يوم نهّض طيرها عاد فوق الوكر حيم=

[بدر البدور]

صح لسانك ياعلي
وعساك على القوه
وأتمنى المواصله في البدع يا هاوي
والمواصله في الرد يا علي
ولكم خالص شكري وتقديري

[بن سلمان]

كلام جميل الله يصح السنتكم وعساكم على القوة

[عبدالله اللبيدي]

صحت السنتكم كلام كبير الله يكفينا شر الحشيش

[رياض]

بيض الله وجيهكم جميع كلكم مبدعين لا علي ولا هاوي الشعر وتقبلو مرور اخوكم رياض الزهراني...

[هاوي الشعر]

شكرا لمرور شعاري الكرام
واخص ابو طلال في هذا التشقير البديع
ولا عجب فابو طلال استاذنا ومنه نستفيد بدون مجامله