من يحل اللغز ذكرنا بدر البدور بالأغاز

[الحسين الشيخي]

ياشاعر انشدك عن مره لها خمسة عيال-
معمره تا المره من دون زوج" و رجال-
ماتستحي من ذكر وضيوفها ناس عقال-
ودارها بكل مكان وكل دار" لها دار-
من زارها جانا متطمن ولو بعد مشوار-
يزورها كبار وأحيانا" ترا يزورها صغار-
واحد من اعيالها صغير له عمر عامين-
وواحد عمره ثلاث والباقي امن اربع اسنين-
هاتو جوابي و.وصلوه. في صفحة حسين-
ونشوف من صابها واللي .فرضها. صحيحه-

[علي السبيَه]

عرفت الحل اقول واللي اترك فرصه لغيري

[الحسين الشيخي]

هات الحل يابو طلال

[د.ليل الوعد]

اخوى سفير المنتدى بيض الله وجهك ومشكور على الطرح الرائع ونحن ننتظر شاعرنا السبيه لطرح الحل بيض الله وجيهكم

[بدر البدور]

والله ما عرفته
تشتت الفكر والراي اختلف والنظر غام
والصبر والحظ والتوفيق راس النعامه

[علي السبيَه]

هذا الحل ياسفير المنتدى ولا ادري صح والا ماهلا تعبت بلاش



الرد:علي السبيه=
.=
الحل واضح ولا به لامتاهه ولا عيال=
هذه الصلاة الفارضه يقفي له المسلم رجال=
تكبح جماح النفوس وتعقل القلب عقال=
جِعلت لها الارض مسجد وقتها دايمً دار=
توجب على البالغ الراشد وعقله لم اشوار=
له اربع ركعات مفروضه ولا دونها اعذار=
فرض الضهر والعصر ومع العشاء يكمل الدين=
وثلاث ركعات للمغرب وللفجر ثنتين=
ماقام حق الصلاة الا الذي طبعه حسين=
ولا يتم الفروض الا العقول الصحيحه=

[بدر البدور]

صح لسانك ياعلي على الرد الجميل والرائع
والحل عند سفير المنتدى صح أو خطا

[الحسين الشيخي]

طيب طيب الله اكبر أشهد انك صدقت وماقصرت وأنا كنت متأمل فيك الاجابه من اول ما دخلت واشكرك على الرد وتقبل تحياتي كما احيي جميع من مر على الصفحة

[صقر الجنوب]

صح لسان من بدع ووضع اللغز

وصح لسان شيخ الشعراء اللي حل اللغز