المحبه والعتاب

[الهجيــــر]

سلام من قلب يشيل المحبه والعتاب
مثل البخور اللي تناقل به انسام الهبوب
حتى لو ان الوقت ما جاء على الفاقه وجار
مالي براس الاش حاجه ولا ابي نخوياه
النخوه نعرفها بلا صايح(ن) وشغيبه

[صقر الجنوب]

صح لسانك يا النشمي .. وهذه هي الدنيا عتاب ومحبة ولا يعاتبك الا من يحبك

[بدر البدور]

صح لسانك
الرد
يقول
عمرت بيتك يابن زهران واوثقت العتاب
ووثقت ساماته وحطيت طاقه وله بوب
ياليت بيتك جنب بيتي ولي صاحب وجار
ترى الخوي شوره وكلمته مابين أخوياه
وإن غاب قام الكل ينشد عنه وشغيبه

[المزيونه]

عوافي اخوي

[الهجيــــر]

بقيت يا بدر (ن) نرى جيته عين الصواب
لا نبت عن ربعك فنعمين وأحسن من ينوب
ما ينبني بين المطاليق ضيقات (ن) وثار
قدامي امواج عواتي وبحر (ن) مر ماه
لو مت وسطه ماقبلت العطيه والهبه

[بدر البدور]

نرمي ولا نخطي صواب الهدف دايم صواب
شعله ولا نهدا إذا إن الهدف مصبح ينوب
ليـتـك تشــوف الـنـيمسي والمحدش وقت ثار
والعيب مدري البنـــــدق أقـــول وإلا مرمــاه
لما تشوف القـــــوه بالوقع ويــشب الهــبــه

[بن سلمان]

شعار كبار وكلام كبير الله يعطيكم العافية ويصح السنتكم

[الهجيــــر]

يعطيك الف عافيه يا بدر البدور

شرفتني بحضورك وردك

وكان ودي نواصل بس ان شاء الله الجايات اكثر ولا تحرمني الاستفاده منك

[بدر البدور]

الأخ الشاعر
زهـــــران

صح لسانك يالغالي
وبارك الله فيك على ماطرحت
وتشرفنا بمعرفتك يالغالي والله يحييك تراحيب السيل
ولك خالص الشكر والتقدير
ولا تحرمنا شوفتك وأبداعك وقصائدك الجميله وتواجدك النير
مع تحيات أخوك / أبو عامر