(( بدر البدور ... علي السبيه ))

[بدر البدور]

السلام عليكم

ودي نتحاور انا وانت يا ابو طلال
ونصول ونجول وناخذ ايام

على قول عبد الواحد يقول
والنمر لو جاع في بعض الليالي والايـام
خبط سنام الجمل بيده وسـاح إلتهــامــه


وأنا ببد يالغالي وعلى الله التوفيق

يقول
أنتبه تخـــلط إلـــي مــر بالحــالي
لا تقول ما عجني الرمش بكحالـه
قبلك أشــوف بـــالـمـيدان خيـالــه
وأنــا خابـرك فارس والله العالـــم
فأن لــك منــزلً في داخل عيونــي
غــيـر خــايـف تـكـحالها وتعميهـا

[المزيونه]

عوافي اخوي

[علي السبيَه]

يشرفني مجاراتك يابدرالبدور وان كان اني شويعر وعلى قد حالي
واخاف ردودي ماتعجبك وان حصل مني قصور فاالعذر والسموحه


الرد:علي السبيه=
.=
الميدان اقصده وامر بلحالي=
وانا حالي معزّز وانت بك حاله=
الفارس واحد(ن) والميه خياله=
قصدي افرّق الجاهل من العالم=
وآهل العىّ بين العالم اعيوني=
والمشاكل تخصصها وتعميها=

[بدر البدور]

ابو طلال
قلت ولا زلت اقول
يعجبني الشاعر الذي اتحاور معه على المعنى لا على الكلام الظاهر
وصح لسانك وعلا شانك
يقول
إلي يأمر علـى فــرقـــاي يــنـــهى لي
يــرقـــب الــويل لأكــــن مـــات هـياله
والردي وش كنوز الارض وش ماله
انثر أوراق وأرجع بعــــدهـــا وآلـــم
كل ما أريد حــــب الــنـاس يجـفونــي
لــيـــن أصـــبــح قصتاً للناس ترويها

[علي السبيَه]

صح لسانك وبدنك يابدرالبدور


الرد:علي السبيه=
.=
تعرف الغصن ذا يثمر وينهالي=
والفتن ليت قلبي ما تهيا له=
بعضهم مافرق يمناه وشماله=
واني احزن على حال العرب والم=
والا لجليش ابسهر واتعب اجفوني=
والبحور الضوامي ما بترويها=

[بن سلمان]

والا لجليش ابسهر واتعب اجفوني

والبحور الضوامي مـا بترويهـا


الله الله كلام شاعر مبدع صح لسانك يابو طلال ولسان البدر واصلو لاهنتوا

[علي السبيَه]

والا لجليش ابسهر واتعب اجفوني

والبحور الضوامي مـا بترويهـا


الله الله كلام شاعر مبدع صح لسانك يابو طلال ولسان البدر واصلو لاهنتوا

صح بدنك طال عمرك ومرورك شرف لنا وتاج على روسنا

[بدر البدور]

ما بترويها ما بترويها

يقول
صدت ريــم الفلا لأكــن عـقبـالي
طــول وقتي وعـيـنـي دوم رقباله
انتظر وقـــت صيده دوم وأرجاله
بعد ما نـــور الله دربـــي الظــالم
وأنا مقوى على قربك ولا أموني
والمشاكل تــعـب منهــا معانـيها

[علي السبيَه]

الرد:علي السبيه=
.=
كيف مااقنصه وانا اطالع اقبالي=
والقانص صاد صيده لا مر اقباله=
آهل الصيد للمقناص وارجاله=
ودك تحرمني امن الصيد ياضالم=
انا لما قنصت الصيد لاموني=
والقصايد تبيّنها معانيها=

[بدر البدور]

يوم رحت المقـــاري شــدت إنحالــي
كنت اظن النــحـــل مــابــــدل أبــداله
وأنا اشـوف الـبـشر تعشق وتهواله
أرجع أمصاب وأنا رحت لـــه سالـم
سرت شايب وبتعــكــذ علـى شونــي
لأكــــــن الله يســتــر من توالــيـهــا
...............................
حسبي عليك الله ياعلي
هههههههه

[علي السبيَه]

الرد:علي السبيه=
.=
الغزاله تباريني وتنحا لي=
والذي غاب لو مابد لبدا له=
وانت مالك وماللبحر واهواله=
حول خيمة جليله كم درج سالم=
لا تقول لي تونّا لي عليش اوني=
كيف تحكم بديره مانت واليها=

[بدر البدور]

إلي من شـــدة الأهوال يـا والــي
فالجمل شــفـت مـا فكو له اعقاله
يمكن اوصل لسقف البيت وأطاله
ولا تـعـلـم بشي وأنــا بـعــد مـعـلـم
قــلــت بـا حـج غير الشله الهوني
وأحرمـــوني مـنـى ومناسكن فيها

[علي السبيَه]

الرد:علي السبيه=
.=
الخادم عاد يتمرد على الوالي=
ولابس الشال عود يلبس عقاله=
مقدر ادوس جمر النار واطا له=
والصحاري قفارى مابه معلم=
ادري ان الوفا مايشبه الهوني=
كم ديار ابتودع من سكن فيها=

[صقر الجنوب]

علي السبية
بدر البدور

هنية محاورة ماتفوت صحت السنتكم يا المطاليق
شعار كبار ومعانيكم عميقة طوفوا بنا من وادي الى وادي

تحياتي لكم ولروعتكم

[بدر البدور]

إلي ماهو من اعمامي ولا اخوالي
بخت من كانو أهل الحكمه أخواله
والــجمــــل ماله إلا الحمل يشتاله
لا تـحــاول تـنــال الـنـصـر أو تحلم
لا تــحــاول تــعـانــدنــي وبلعــانـي
وأنـتـه أكبر حرامي وانت حاميـها

[علي السبيَه]

الرد:علي السبيه=
.=
لا تضن البلد قفرا ولا اخوالي=
والا فاالخبت وش نرجي من اخواله=
كل عام(ن) تجد له صيف واشتاء له=
ان غضب قلبك الموهوم او تحلم=
البحر يبلع البابور بلعاني=
علتك كيف تبرد وانت حاميها=

[بدر البدور]

أقـصر الخـطـوه وأتمشى علمهالي
وأتـبـخـتـر وصـك القـصر بقـفـالــه
وأشبـع الجايـع الـفـقـران بريــالـه
ثم أرد الـتـحـيــه بــعــد مـــا أسلــم
وبعد ألقـــاك يومــاً مـا وتـلـقــانـي
مدعي الـنـاس وزهـمها بسامـيـهـا

[علي السبيَه]

الرد:علي السبيه=
.=
آثار الدرب شرّف بي على امهالي=
درب الاخطار مايربح من اقفى له=
قلت بااقرّب الارسال برياله=
طال شرح القضاء والدين ماسلم=
مايفيد الغبي درس(ن) وتلقاني=
اكفهرت من الدنيا بساميها=

[بدر البدور]

صح لسانك وبيض الله وجهك يالسبيه
محاوره جميله وطرح أجمل
لك خالص الشكر والتقدير
واشكر كل من مر وعلق
ونورتم الصفحه بتواجدكم ولكم خالص تحياتي