(( بندقاً يبلع الطلقات بلعاني ))

[بدر البدور]

يقول أبو عامر


البدع=
عشت وأعرف لفت الشور وأديره=
وأحسب إحساب بين القول والمعنا=
والردي لا تكلم في قفى أصحابه=
سامعه لأكن أتصينقه بالعاني=



الرد=
السدر مات ظامي في روا ديره=
قدرت الله تفرقنا وتجمعنا=
كل ما نمت صوت البندق أصحابه=
بندقآ يبلع الطلقات بلعاني=

[بن سلمان]

أسمح لي بمجاراتك طال عمرك يابو عامر

البـــــــــــــــــــــــدع

الله المستعان الله ولاغيره
وأنت يالي تشاهدنا وتسمعنا
غرزتي يحتضنها عقال وعصابه
مير ماهي بمن سدراً وشيثاني

الـــــــــــــــــــــــــــرد

كنت اسوس الفرس وأعسفه وأغيره
والجماهير تطرب بالونس معنا
وأصبح الحاسدين احزاب وعصابه
وسقونا بدال الشهد شي ثاني

[بدر البدور]

يعطيك العافيه وصح لسانك



البدع=
مقبل الغير لا خيره ولا شره=
مالمشاكل روينا هم وشبعنا=
وإلي أنخاف دايم منه ونهابه=
لو بغيت ارتبق له ماعد أمداني=




الرد=
في الردي ما بنتخجل ونتشره=
غير لا تنتشد ياخوك وش بعنا=
كملي اشوف حزة حرب ونهابه=
يمكن الموت قرب والعدم داني=

[علي السبيَه]

ويش هذا العلم ياشعار صحت السنتكم وابدانكم

[بدر البدور]

صح بدنك يا ابو طلال
اشكرك على المرور

بالرغم أني مدري (( ويش هذا العلم ))
للأعجاب أو الدهشه أو الاستغراب أو النقد
أو ماذا
لك خالص شكري وتقديري

[بن سلمان]

البـــــــــــــــــــــــــدع

اعطني مهله من اليوم لابكره
لجل اجيلك بحب البر والدخنا
مطلبك قيس عينك وانته ادرى به
لاتغشك عيونك ياعمياني

الــــــــــــــــــــــــــــرد

خذت لي بكرةً مامثلها بكره
من هواها وكثرة حبها دخنا
حتى صوت المدنا وانتهدرى به
بات معها بخير ومنعمياني

[مسفرالفضيلى]

بدر البدور

بن سلمان


صحت السنتكم وقلوبكم شعار نتشرف بمتابعتهم الله يعطيكم الف عافيه يا النشاما


الله يوفقكم

[بن سلمان]

ويش هذا العلم ياشعار صحت السنتكم وابدانكم

حياك الله يابو طلال وان شاء الله ماشي الا علوم الرجال الي تعجبك

[علي السبيَه]

صح بدنك يا ابو طلال
اشكرك على المرور

بالرغم أني مدري (( ويش هذا العلم ))
للأعجاب أو الدهشه أو الاستغراب أو النقد
أو ماذا
لك خالص شكري وتقديري

من الاعجاب يابدر البدور لاهو من الدهشه ولا الاستغراب ولا النقد

[علي السبيَه]

حياك الله يابو طلال وان شاء الله ماشي الا علوم الرجال الي تعجبك

والله ونعم بك وببدرالبدور وانتم رجال اوفياء واتشرف بمروري
المتواضع والبسيط على هذه الصفحه الطيبه ياطيبين

[بدر البدور]

البدع=
محلى مالشهد غير الحنظله مره=
وأنا لا زاد يهناني ولا سمنا=
صاحبي ما تزين الديره إلا به=
كم ضربي بجنب الهول وحداني=




الرد=
صاحبي كم تجاهلني ميت مره=
ينزل السوق يشري السلعه لأسمنا=
كل ماشاف تاجر قام هلا به=
وأنا خلاني أبقى اعيش وحداني=

[بدر البدور]

على راسي من فوق يا ابو طلال
غالي ومنور بمرورك العطر
ولا تحرمنا من مرورك ومتابعتك
لك خالص شكري وتقديري

[بن سلمان]

البــــــــــــــــــــــدع

صاحبك من حياته منعمي بصره
قد شربنا الحلو والمر فاقتنا
صرت مثل النمر ساعة فرح نابه
ماتولف له الهقوات ولفاني

الــــــــــــــــــــــــرد

عام الاول بغيت آروح للبصره
انا وآبي وواحد من رفاقتنا
وتوفى الرفيق اللي فرحنا به
والسفر راح والله يرحم الفاني

[بدر البدور]

البدع=
يابن سلمان قم سر الجمل سره=
يلحق الذود يمكن مات جملنا=
العلم فوق والريات منصوبه=
وأقربو طاسة النوق المحلباني=




الرد=
صاحبك كيف ما تآمن على سره=
وأنا وياك يالغالي تجملنا=
بندق يعمي الحظار من صوبه=
كنه القصر يبنى والمحلباني=

[بدر البدور]

مسفر الفضيلي
صح بدنك يالغالي
عساك على القوه
ولك شكري وتقديري على المرور العطر

[د.ليل الوعد]

صح السانك شاعرنا بدر وتقبل اسمى عبارات الود والوفاء احييك يا رائع

[بدر البدور]

ليل الوعد

صح بدنك يالغالي
ومنور بأطلالتك الجميله
عسى الله لا يحرمنا منك ومن تواجدك يالغالي
ولك خالص شكري وتقديري وأحترامي

[رياض]

بيض الله وجيهكم جميع على هذا الكلام الطيب والجميل ... الحقيقه كلام ممتع وجميل وانتم قدها وقدود....

[بدر البدور]

رياض

ووجهك ابيض يالغالي
لك خالص الشكر والتقديري
على المرور والتعليق

[بن خضران]

صاحبي ما تزين الديره إلا بـه
كم ضربي بجنب الهول وحداني




صح لسانك ملاييين يابدر انت وبن سلمان كلام شعار كبااااااااار

[بدر البدور]

بن خضران

صح بدنك يالغالي
اشكرك على المرور والمتابعه
وعساك على القوه وبارك الله فيك
ولك خالص شكري وتقديري

[إبن الجنوب]

بدر البدور:صح لسانك وفي بداية قصايدك كلمه ينقصها حرف(اللام) إذا لم أكن مخطي وهي لفت لتصبح (لفتل) الشور.

بن سلمان:مبدع مبدع مبدع أعجبني هذا البيت اللي يعدل بمية قصيده(حتى صوت المدنا وانتهدرى به)بالتوفيقتصفيق

[بدر البدور]

ابن الجنوب
يعطيك العافيه
واعتقد من ذكاء وفطنة بعض الشعراء امثالك
لو كتبت نصف البيت لعرف تكملته

لك خالص شكري وتقديري يالغالي

[بن سلمان]

بدر البدور:صح لسانك وفي بداية قصايدك كلمه ينقصها حرف(اللام) إذا لم أكن مخطي وهي لفت لتصبح (لفتل) الشور.

بن سلمان:مبدع مبدع مبدع أعجبني هذا البيت اللي يعدل بمية قصيده(حتى صوت المدنا وانتهدرى به)بالتوفيقتصفيق

حياك الله يابن الجنوب وشهادة شاعر كبير مثلك اعتز به طال عمرك ولا عدمناك

[بن سلمان]

البـــــــــــــــــــــــــــدع

أدر سيف المعارك والعلاق ادره
يالذي حب مبدانا وصاح ابنا
انت مادام صوتك عالياً صح به
وانا في موقف القاله على شاني

الـــــــــــــــــــــــــــــرد

حنا نمشي مع الطيب على قدره
والخطل ياعدم ماهو بصاحبنا
والصداقة وحبل الود والصحبة
مدري من شانكم ولا على شاني

[الفارس20]

يسلمووووووووووووووووووووووووووووووووو

[بدر البدور]

البدع=
يا بن سلمان لا تنشد عن النشره=
لا تقلي من اخطينا ومن صبنا=
الاسد ما يعيش إلإ في الغابه=
وأنا عن شوفته مشتاق ولهاني=




الرد=
لا تشره ولا نزعل ولا نشره=
منصبك دام لك مادام منصبنا=
والخطل قال قول ولأكن الغابه=
حسبي الله عليه الهاك ولهاني=

[بن سلمان]

البـــــــــــــــــــــــــــدع

حسبي الله على من ينكر العشره
مايسره يقل ياليت لامتنا
مابحاسبه وحسابه على ربه
يعرفون البشر عمه وعماني

الـــــــــــــرد

يوم حان السفر ولا نحن عشره
واكثر الناس عابتنا ولا متنا
عودنا ننقسم خمسه على اربه
واما خمسه تذاكرهم لعماني

[بدر البدور]

البدع=
شايباً عود صلب وطايلن عمره=
لا قريبك ولا هو من قريبنا=
نعرفه مثل مانعرف عن انسابه=
وأما جبت الخبر بالكود تنساني=




الرد=
شفت قصراً جميل وطايل عمره=
مثل قصراً نشوفه بالقرايبنا=
في قرآنا نصيد النحل بنسابه=
والجن نختالها في هيبة أنساني=

[بن سلمان]

البـــــــــــــــــــــــدع

مافهمنا من الغازك ولا فقره
ونحن أعلام من يجهل عظايمنا
والذي معرف انسابه ولا احسابه
أتجاهل مجيه لاتعداني

الـــــــــــــــــــــــــــــرد

ماسلم الشر لاعظماً ولافقره
فين نلقى علاجك ياعظايمنا
والله لو كل شياً نحسب حسابه
أني ماعد ناساً ماتعداني

[نديم القوااافي]

الله يعطيكم العافيه ابداع بمعنى الكلمه ما نقول الا صحت السنتكم

[بدر البدور]

البدع=
أقدر أجيب راس الذيب من وكره=
وأنت غطرف ودق الزير لأمتنا=
إلي شاعر وأبوه إلي أمتحنابه=
تقطع ايده ويحلف ما تحداني=




الرد=
أنا مثلك عرفت احب لما أكره=
لأكن الناس نقاده ولأمتنا=
الدم يا زين كفك يومتحنابه=
حد جنبيتك للموت حداني=

[بدر البدور]

نديم القوافي
الله يعافيك يالغالي
وصح بدنك
منور الصفحه بتواجدك
عساك على القوه وبارك الله فيك
ولك خالص شكري وتقديرري

[بن سلمان]

أقدر أجيب راس الذيب من وكره
وأنت غطرف ودق الزير لأمتنا

اولاً الي اعرفه ان بيت الذيب يسمى مخدع وليس وكر الوكر لصقور.
وثانياً (لامتنا) طافت فالقارعة.

مجرد تنويه لا اكثر ولك خالص تحياتي.وأرى ان الي حصل من محاورة فيه البركه والله يسلمك ويسلم من شرفنا بمروره وتعليقه الطيب

البــــــــــــــــدع

احسب ان الصقر يضحك على قبره(طائر القبره)
الله ياكم زهمنا له وشيغبنا
أدري أن الصقور أشكال وتشبه
ماتجي كلها حُراً وشيهاني

الـــــــــــــــــرد

الذي مات لاتضحك على قبره
جا حسايف على موته وشي غبنا
وانت لاتحرقه بالضحك وتشبه
شي عزيزاً على ربه وشي هاني