قصيده/ صالح يقول

[متعب الدوسي]

صالح يقول ياحليل اللي من الناس مديـــــون
مذاق حلــــو المنـــــام ولا تهنــــــــــــى بزاده
واصحابـــــه اللي معه خلوه من كثر دينــــــه
ماعـــــد معه صاحبن يطلبه وقت المصاريف
معـــــه ملا حلقه اطفالن وبيته بالايجـــــــــار
وينكــــسر خاطري لا ريت طفله بلا ثـــــــــوب
منهو بيسعف عيالـــــه ويسدد ديونــــــــــــــه

[almooj]

الرد عندي يا صبي دوس السلام عليكم ::

يا صالح والله ما استسلم لهم ولا ديون
ينقص من الرزق والاخر عطا له وزاده
ناس من الجوع محسورة وناس بدينة
مكتوب من عند خلاق بديع التصاريف
يبلى بها العبد لكن الحذر من بلي جار
رغم الفقر والتعاسة راح خاسر بلا ثوب
واللي مع الله يا صالح بتجلى ديونـه

أخوك
المـوج ( الجندبي

[متعب الدوسي]

يعطيك العافيه ياجندبي وصح لسانك
ياذيبان

[almooj]

السلام عليكم ، الغالي متعب الدوسي :

تسلم يا فارس دوس العظيمة ، لانك سمحت لي بالرد على قصيدة صالح ، واعذرني يمكن انت تبغى واحد غيري يرد ، لكني دخلت على الصفحة ولقيت البدع فقط فحبيت أن أرد عليها ولا أستغني عن توجيهك الكريم أو أي ملاحظة مفيدة والقصد أن أكون محبوب من الجميع ، هذا علمنا وسلامتك .

محبك
المـوج ( الجندبي

[متعب الدوسي]

السلام عليكم ، الغالي متعب الدوسي :

تسلم يا فارس دوس العظيمة ، لانك سمحت لي بالرد على قصيدة صالح ، واعذرني يمكن انت تبغى واحد غيري يرد ، لكني دخلت على الصفحة ولقيت البدع فقط فحبيت أن أرد عليها ولا أستغني عن توجيهك الكريم أو أي ملاحظة مفيدة والقصد أن أكون محبوب من الجميع ، هذا علمنا وسلامتك .

محبك
المـوج ( الجندبي

يعطيك العفيه ياخي على ردودك
لا والله الردود منك ولا من غيرك يشرفني
وكلنا ان شاء الله نساعد بعض

[رياض]

بيض الله وجيهكم وكثر الله من امثالكم ياشباب .... لكم خالص الشكر والعرفان

[بدر البدور]

صحت السنتكم
ولكم خالص شكري وتقديري

[بن صغير]

وفقك الله

[almooj]

رياض : لا هنت يا الغالي وصح بدنك وتسلم على مرورك الكريم والله يعطيك العافية .
بدر البدور : تسلم ولا هنت يالغالي ومرورك شرف للصفحة والله يسلمك
بن صغير : يعطيك العافية والله يوفقك بعد يا أستاذنا الكريم .