أرجو من الأخ علي السبيه التكرّم بالرد على هذى القصيده

[إبن الجنوب]

البدع:إبن الجنوب


والله إني اعرف العاجل من أصحابنا وأهل الرياض=
والدّهر داول الايام في بعضها ماحكم دوله=
ترك أهل الجهاله تمقت أهل العقول العاصمه=
واللي جرّب سموم القيض ماهو سواة اللي مربّع=
واللي أنشقّ ثوبه يلعن الميت والحي النّظيم=
يمكن يضيق ويعوّد على الجاهزه والفيصليه=
ويضلي كما باقي المخاليق يرتادونها=
أنا برقب لمن يمضي دروب الوفاء وأطالع امره=
من نعاهده مانجزا وليّ العهد بقلوبنا=

[بن خضران]

يمكن يضيق ويعوّد علـى الجاهـزه والفيصليـه

صح لسانك ياابن الجنوب وننتظر ابو طلال...

[إبن الجنوب]

يمكن يضيق ويعوّد علـى الجاهـزه والفيصليـه

صح لسانك ياابن الجنوب وننتظر ابو طلال...




صح بدنك يابن خضران وشرفتني بمرورك العطر وهذا بعض ماعندكم طال عمرك

[بواردي]

عندما تسوّل لي نفسي ان اكون شاعرا

وعندما ارى التمجيد والاطراء يلفت نظري

ولكن عندما اقرأ قصائد ابن الجنوب بدون مقدمات أجدني عدت الى حقيقتي وأن بيني وبين الشعر مسافات بعيدة.وقبل ان ارى رد علي السبية الفارس الثاني الذي يتقن اصول الشعر وقواعده وجذوره سأعود أصفق لهما ولإبداعهما إلى ما يشاء الله

[بدر البدور]

صح لسانك
تقبل مروري

[علي السبيَه]

صح لسانك يامعلمي واستاذي ابن الجنوب واتشرف بردي عليك
واشكر كل من شرفنا بمروره الكريم وشكر خاص للشاعر الكبير
بواردي على كلامه الطيب وانا اعتبره استاذ في نضم القصايد


الرد:علي السبيه=
.=
عن جميع المناطق جا لكم مرتبه يااهل الرياض=
نجد عبدالعزيز اللي رسا في ثراها حكم دوله=
واصبحت للثقافه والحضاره مقر وعاصمه=
مر من شارع المعذر وحى العليا والمربع=
ثم حى العزيزيه وحى الجزيره والنضيم=
وابراج المملكه رمز الحضاره وبرج الفيصليه=
ناطحات السحاب وكم من الناس يرتادونها=
والملك قايد الدوله وراعي المسيره طال عمره=
حبه عامر وحبك ياولي العهد بقلوبنا=

[مسفرالفضيلى]

ابن الجنوب

علي السبيه


صحت قلوبكم والسنتكم والله يعطيكم الف عافيه يا النشاما

هنا علم يشرح الصدر ويرفع الراس وينومس القايل والناقل

الله يوفقكم

[متعب الدوسي]

يعطيكم الف عافيه على هذا الابداع
صحت السنتكم

[صقر الجنوب]

أنا برقب لمن يمضي دروب الوفاء وأطالع امـره
مـن نعاهـده مانجـزا ولـيّ العهـد بقلوبـنـا


صح لسانك يا بن الجنوب شاعر كبير بكل المعاني

[صقر الجنوب]

والملك قايد الدوله وراعي المسيره طال عمره
حبه عامـر وحبـك ياولـي العهـد بقلوبنـا


شاعر كبير ورد وافي .. لاعدمناك ياشيخ الشعراء

[هاوي الشعر]

توجيه شاعر مبدع من ابن الجنوب وتوظيف للشقر من ابو طلال نعم هذا الابداع
البادع والي يرد وكانهم داخل قلوب بعض
مشكورين على هذه الدرر