محاورة يسمع بها الحي ولفاني ** تبغونها لأثنين ولا رباعيه

[عبدالله الكناني]

بسم الله الرحمن الرحيم

أخواني الشعار ..السلام عليكم ورحمة الله وبركاته .. وبعد ..

ما أحب أطول عليكم كل ما في القلب قلته في القصيدة ..



الـــــــبــــــــــــــــدع /

سلام لأهل رباع ونخص به ونعــــــم
يا دوله الشجعان يا سيف يتحـــــــدى
تحية من قلــب صــادق وولفـانـــــــي
لا يعرف الزّلـــــه ولا قد ربا عيّــــــه


الــــــــــــــــــــــــرد /

سلام للشعار مــن شاعـرٌ ونعــــــم
دعيتكم للقــــاف بعنــاد وتحــــــــدى
محاورة يسمع بهــا الحي ولفانــــي
تبغونهــا لأثنيـــــن ولا رباعيــــــــه

[أحمد مطر]

جيتك بما عندي يالكناني وانا في طوعك تبغيها رباعيه أو غيرها لكن أقبل مني الميسور ذلحين :


البدع:

يامرحبا ياراعي المعرفه واسلم=
ترحيب ينشر للنشامى ويتعدّى=
مانيب من عرف المطاليق فلساني=
واعلامنا في كل الاحوال ودّيه=



الرد:

الله ياكم كافر ٍ من يديّ اسلم=
أعطيه مهله لين يخطي ويتعدّى=
مايدري انـّي ذاخر السمّ فلساني=
وان مات ماحد يطلب الثار ودّيّه=


تحياتي

[عبدالله الكناني]

صح لسانك يا أحمد مطر و مرورك و مشاركتك والله أنها شرف ووسام بحد ذاته طال عمرك ..

و الراي رايك وراي الأخوان الشعار تبغونها أثنين فأنا وأبن مطر و أن تبغونها رباعيه فرفيقي ابن مطر ( إلا إذا كان له راي ثاني فأنا تحت امره )

ورشحوا لنا اثنين آخرين والميدان يا حميدان و نبغاها حاميه و حي الله الجميع ..

[علي السبيَه]

البدع:علي السبيه=
.=
ليتك تهدّي سرعتك لينما تندم=
واللي سرى باالليل باالنجم يتقدى=
يوس المطاليق اتلفو الترك تلفاني=
والباشه جاله من لهيب الجمر كيه=
.=
.=
الرد:علي السبيه=
.=
ما تبت ياراع المنى لينما تندم=
من التجارب قلب الانسان يتقدى=
وش عاد تدوّر من ورى تركة الفاني=
والا بضاعه صادروها الجمركيه=

[علي السبيَه]

صح لسانك يا أحمد مطر و مرورك و مشاركتك والله أنها شرف ووسام بحد ذاته طال عمرك ..

و الراي رايك وراي الأخوان الشعار تبغونها أثنين فأنا وأبن مطر و أن تبغونها رباعيه فرفيقي ابن مطر ( إلا إذا كان له راي ثاني فأنا تحت امره )

ورشحوا لنا اثنين آخرين والميدان يا حميدان و نبغاها حاميه و حي الله الجميع ..

اول شئ الله يعطيكم العافيه ويصح السنتكم وابدانكم
وبعدين تبغون اشارككم واختار لي رفيق والا انسحب
بكل هدوء

[عبدالله الكناني]

حياك الله يابن السبيه وحيا علومك والله ان لي الشرف بأن يكون شاعر كبير بقامتك الشعرية أن يتواجد معنا و

يشاركنا بقصائده التي نتعلم منها كل علم طيب ..

و أما الإنسحاب ( فسحبوا ظهر العدو على حماشن ههههههههه) أنحن ايسنا بك تجي وانت تقول تنسحب ..

خلوها رباعيـه و حددوا لنا إذا كان تريدون كل شاعر يبدع ويرد على نفسه أو بالطريقة اللي تريدونها و عشان لا نجبر أحد ( معرفتي على قد حالي ) فمن أراد أن يرافقني فحياه الله وحددوا لنا اثنين وعلى بركات الله ..[/size]

[علي السبيَه]

الله يبقيك ويغليك ياكناني واشكرك على كلامك الطيب ياطيب
وانتم افضل مني واحسن مني في القصايد وفي العلوم الطيبه
واعتبروني طالب يتعلم منكم وانت جا معك احمد مطر وانا
خلوني اشوف لي رفيق يجمل عليه ونبدى القارعه

[الهجيــــر]

سلام من قلب بدا منه نتع الم=
من حر مابه مانطفت ناره الوقدا=
عسى جروح عذبت قلب زهراني=
يجي لها طب من أحلى مورديه=

=========

يالشاعر اللي لا بدا منه نتعلم=
رسم حدود القاف والقارعه وأقدا=
الا غرسنا الصدر ورد وزهراني=
ابنفصل الواقع من احلام ورديه=

[عبدالله الكناني]

صح لسانك يا زهران شاعر و أبدعت وأمتعت ..

و بإنتظار إكتمال تشكيلة المنتخب هههههههههه ..

[أحمد مطر]

ابشر وانا رفيقك يااخوي عبد الله لا والله الاّ انت اللي شرفتني بأن اكون في صفك .....

تحياااااتي

[بن خضران]

لا والله الا اكتمات شعار كبار صحت السنتكم ملايين وجه الله تواصلون وتمتعونا بالكلام الطيب ..

[علي السبيَه]

حىالله الشاعر زهران وانت خويي طال عمرك ولي الشرف بمخاواتك
وذلحين ننتضر الكناني واحمد مطر يبدون القارعه

[عبدالله الكناني]

بيض الله وجهك يابن مطر .. و ابشربي في الخير والشر و بعون الله انا لنهلمهم هلّمه ..

و بسم الله ..

[عبدالله الكناني]

طيب ذالحين كل شاعر يبدع ويرد على نفسه وإلا كل خوي يبدع ويرد على خويه أو كل واحد يختار له خصم << في المحاورة لا يروح فكركم بعيد ...

[أحمد مطر]

أنا أرى والرأي لكم أن يبدع الشاعر ويرد عليه خويه أفضل والاّ وش رايكم .....

[عبدالله الكناني]

قالها الله ..

الـــــــــــبــــــــــــــــــــدع /

شدّ الحمل سمحان و ارسيتم المحزم
من جور حمله قـام يغزي و يتبــــدى
غير الشدايد ما لهــا غير سمحانــي
لو زاد حمله من جبال الكرا ميـــــه

[أحمد مطر]

الرد :

أشوف بين الناس ضيقات والمح زم=
والضيق ينهى بالمصالح ويتبدّا=
ماكلّ ضيقه نقتفيها بسمحاني=
إلاّ لمن يستاهلون الكراميه=

[أبويحيى]

صحت السنتكم جميعا محاورة في غاية الجمال

تقبلوا مروري من هنا

[صقر الجنوب]

عبد الله الكناني
احمد مطر
علي السبية
زهران

صحت السنتكم يا النشاما .. وقسما بالله من ذا الحين مسنتر هنيه
استمع لكلام المبدعين واستمتع بابداعهم
لا والله الا قرت المحاورة واكتمل الابداع
تحياتي لكم يا المطاليق

[علي السبيَه]

شكرا للشعار الكرام وشكرا لكل من شرفنا بمروره الكريم
والربع بدو بدايه حاميه يازهران والله ياهب لنا معونه عليهم
وانا بعتمد عليك يازهران ان كان ماهلا فانا ادنا ماليه


البدع:علي السبيه=
.=
يااهل الكمر وسط الميداين ويش انتم=
نقّالة البلجيك ما انتم لهم ندّا=
لا تحسب الميزر شبيه الخيازراني=
رصاصة الميزر كما النار ولعيه=

[أحمد مطر]

مرحبا بك ملايين ياصقر

الشرف لنا والله انك تتابع مايقوله إخوانك بس الله يجملنا ونظهر قدامك بما يسرك يالنشمي

تحياااااتي

[الهجيــــر]

الله الله

صحت السنتكم جميع ! على عنا يا علي


شي نقص في بعض الاقوال واي شانتم=
اصحابنا ورد الحدايق لهم ندا=
ولا تقل تعليمهم ياخي ازراني=
غير احذرو لا يصبح العلم ولعيه=

[عبدالله الكناني]

الـــــبــــــــــــــدع /

يا صاحبي خلك علـــى الخيــر تتنعــــــم
وش لك بسيف يبتـــر الكـف و يتصــــدا
أهل البخــوت البايــره بــورهم جانــــي
لا تنشد الزراع عــ أهل الجـنـــا ئيــــه

[نديم القوااافي]

صحت السنتكم وعلا شانكم اليل مهراس الحديد .. لكم خالص ودي واحترامي

[عبدالله الكناني]

مرحبا مليون أخي نديم القوافي و نورت الصفحة بإطرائك ..

[أحمد مطر]

الرد:


صفحان بعض الناس بالموس تتنعّم=
من سارق ٍ مزاح والكفو يتصدى=
ابنمنع الغلطان ونعاقب الجاني=
ونحوّله لاهل البحوث الجنائيه=

[د.ليل الوعد]

صحت السنتكم وبيض الله وجيهكم يا النشاما عساكم عالقوة

[الجابري]

صح السنتكم

شـكــ وبارك الله فيك ـــرا لك ... لك مني أجمل تحية .

[عبدالله الكناني]

صحت السنتكم وبيض الله وجيهكم يا النشاما عساكم عالقوة


صح بدنك .. ووجهك ابيض .. وشاكرين مرورك ..

[عبدالله الكناني]

صح السنتكم

شـكــ وبارك الله فيك ـــرا لك ... لك مني أجمل تحية .

صح بدنك يالجابري و شاكرين مرورك الطيب وإطرائك العطر ..

و بإنتظار ابن السبيـــــــــــــه ..

[علي السبيَه]

لا تستعجلون عليه ياربعي اهي غصبن تقر معي القصيده


البدع:علي السبيه=
.=
سيفي شبا لا مال في الخصم نتق الدم=
ياكم خصوم(ن) ردها سيفنا واعدا=
حدّه شبا كم بث الاكوام بثّاني=
وامحا قلوب الظلم في حاله امحيه=

[عبدالله الكناني]

صح لسانك كفو يابن السبيه ولا حنا بمستعجيل غير انا نبغي المحاورة تكون متواصله ..

أين انت يا زهران ..

[الهجيــــر]

لا وقفو ربعي فانا وانت نتقدم=
ما تختلف كلمه ولا يختلف وعدا=
حتى ولو صاح اول القوم بالثاني=
الى بدينا صار في حالهم حيه=

[بن سوقان]

صحت السنتكم يالنشامى
لكم مني اجمل تحيه .

[عبدالله الكناني]

الـــــــبـــــــــــــدع /

السيــف يثنـــى والطوابيــــــر تتــــردم
و اللي تعثــر بـــه خطاويــه يتــــــــردا
و أنا وبن عمي كما نيس و عيسانـــي
يشهد لنا التاريخ وأرض الجنوبيــــــه

[أحمد مطر]

معنا لكم علوم يابو طلال ولايهون زهران :

الرد:

تصيب كبد الخصم بالسيف وترا الدم=
وتحسب انـّك مابتعتلّ وترا الدّا=
لاينفلت نمر الخلا فوق عيساني=
ولاّ يصلني مخلبه في جنوبيّه=

[عبدالله الكناني]

صح لسانك وجمل الله حالك رد وافي من رجل وافي و مبـــدع دائما .. هذا الخوي اللي ينحط على يدك اليمين ..

..

[علي السبيَه]

تسلم ياشيخ احمد وعلى راسي انتم وعلومكم


لبدع:علي السبيه=
.=
ياليتنا من بعض الاحداث نتعلم=
ما كل رمي(ن) صوب الاهداف يتودا=
وصلت لا عاد تنتشد ويش وداني=
من قالو ابشر ياعلي خيلو فيه=

[الهجيــــر]

نحل الخلايا ياعلي ما ونت عاللم=
تنتج عسل يشفي المراضا ويتوي الدا=
لو كان طاوعت المرابيش والداني=
ما كان عندي ياعلي خيل أوفيه=

[عبدالله الكناني]

السلام عليكم ورحمة الله وبركاته

حبينا نغير القارعه والطرق على اللعب ..

الــــبــــــــــــــدع /

يا بويه اللي رعاني بالصغر يوم حبـيـــــت
الين قسوة عضامي والقدم جالـه طبــيـــب
و أختار لي عز الأسما للخلايق و سمّـــاه
اليوم عنه القـدر مـن شوفتـــه منعيونـــي

[أحمد مطر]

المعذره ياإخوان على الإطاله كنت في سَفرَه خاطفه إلى الباحه ولاوصلت إلاّ البارح أما بخصوص بدعك ياأخي عبد الله على راسي وابشر بالرد ولكن اسمحلي بعد الرد أبغى أبدع ونبدأ قارعه جديده ونستمرّ مع الإخوان إذا ماكان في مانع .........


الرد:


لاعادك الله ياجرح الشقا يوم حبيت=
جرح ٍ قديم ٍ وطال الوقت ماجاله طبيب=
ياهيل كثر الجفا زوّد على القلب سمّاه=
لو كان تطلب حياتي قلت لك من عيوني=

[عبدالله الكناني]

صح لسانك واعتلا شانك ..

وبيض الله وجهك يالنشمي ..

و أما البدع فأنا لي الشرف أني أتحاور مع شاعر مثلك وتفضل بالبدع طال عمرك ..

[أحمد مطر]

الله يحيي الجميع والله يسعدك ياأخي عبد الله ويرفع قدرك وأنا ودّي تردّ عليّ و يكمّل معنا أبو طلال وزهران إذا ماعندهم مانع وانا ماصدقت أبو طلال يقرّ لنا خلنا ناخذ ونعطي معه إلين الله يفرجها :


البدع:



يابو طلال احسبك منـّا وفينا=
موظف ٍ كحيان مثلي وغلبان=
أثار لك صحبه وعندك علاقات=
واثار عندك واسطه مالها حد=
مثل السيوف الحدب والجورحيّه=

[عبدالله يحيى]

محاورة راائعه من شعار كبار،،
تابعت كل القصائد ، واحببت ان اسجل اعجابي
تقبلو مروري

[أحمد مطر]

حياك الله اخوي عبد الله يحيى

وننتظر الإخوان

تحياااااااااتي

[عبدالله الكناني]

صح لسانك يا بن مطر وتقبل منا الميسور ..

الـــرد/

ياللي تهدوا العهد حنـا وفيـنــا
و آنا على راس التحدي و غلبان
هبيت لأهل الضيم وسم وعلاقات
وسيوفكم يأهل الردى ما لها حـد
يوم القتال .الأرض والجو رحيّه

[الهجيــــر]

ايام ربي روحت بالسنينا=
ما ودنا ناهب حواجز وحدان=
معي هجوس فوق صدري ولامات=
لاصار بعض الناس لا شاب يلحد=
باراقب الرماي والحظ رميه=

[علي السبيَه]

الرد:علي السبيه=
.=
سكينة الرعيان ماهي سنينا=
مثلّمه ماهي شبيّه وحدّان=
من تطعنه ما بان جرحه ولا مات=
ماهي كما السيف الذي شابي الحد=
والا سواة الخنجر الحضرميه=

[أحمد مطر]

الله الله الله

البدع:


السالفه ماروّحت من يدينا=
لكن بلشنا بالسبيه وزهران=
أعرف علومي ماتولّف ولافات=
أبدع على المرسوم في العلم وآرد=
والرمي مايخطي مع بوارديه=

[بدوية]

صحت ألسنتكم
ومتابعين لكم بيض الله هالوجيه الطيبة

[أحمد مطر]

مرحبا أختي بدويه حياك

والله يعطيك العافيه على هذا التواجد الرائع والمرور العطر

تحياااااتي

[عبدالله الكناني]

السلام عليكم ورحمة الله وبركاته

العذر والسموحه يالربع على التأخير أنشغلنا والله لا يشغلنا إلا في طاعته ..

**

الــــــــــــــــرد /

لي دين عند النـــاس وعلــي دينـــــــا
و الموت يقطف روسنا قطف زهران
ما عد بقي من أعمارنا قدر ما فــات
و ابن آدمي لــحــوظ المنـيــات وآرد
يالله حســن الخاتمــــه لا رديـّــــــــه

**

[الهجيــــر]

يا نار شبي روسنا واشعلينا=
راس السبيه للقصايد منيران=
يابو مطر ياليت راعي العمى مات=
حليل من ضلت عيونه ترامد=
ولا قدر يلمح ورى الشرقويه=

[علي السبيَه]

الرد:علي السبيه=
.=
ماعد يمدينا نقل وش علينا=
لا جا لواشنطن رساله من ايران=
والى اصبحت نار المشاكل عمامات=
من البحر والجو والبر ترى مد=
قوات مثل الويل للشر قويه=

[أحمد مطر]

البدع


زهران وانا اخوك لاتبتلينا=
علي السبيه في المواقيف بيبان=
ماهوب في حاجة محامين واثبات=
جاني خبر وانا على العلم شاهد=
وانشد علي عن ذبحته للضحيه=

[عبدالله الكناني]

= الرد /

=أضن يا زهران ما تبت لينا
=نصحتكم و اقفلت بي كل بيبان
=النمر مخلابه على الثور وثبات
=ما ودي آشمت عليك المشاهد
= والحيه اسمت* نابها بالضحيه*

* اسمت : احمت السم
* الضحيه : وقت الضحى

[الهجيــــر]

ياحمد مطر والله ماقد سلينا=
ولا يطير الطير من غير جنحان=
ما نهتني زاد وشرب وقوات=
نبني وراعي المخطيه يوم جا هد=
والبير ماعد ينتقص برشويه=

[برق الجنوب]

هنا قارعه رائعه جداً جداً وفيها كلام ينومس بيض الله وجوهكم والله يعطيكم العافيه ..

متابعين لهذا الابداع والتألق

لكم خالص تحياتي .

[عبدالله الكناني]

سلمت ولا ندمت وحياك الله بين أهلك وأخوانك ومرورك شرف طال عمرك و أسعدني مرورك

العطر و إطرائك الطيب ..

[الفارس20]

مشكوررررررررررررررررررررررررررررررررررررررررررررر

[علي السبيَه]

الرد:علي السبيه=
.=
يامسلمين ماكنه القدس لينا=
من اليهود عليه ظلمً وجنحان=
يوم استحلو ارضه بجندً وقوات=
المشكله لا جا ينادي المجاهد=
قالو له اهل الذمه اصبر شويه=

[أبويحيى]

السبيه - زهران - احمد مطر - عبدالله الكناني

صحت السنتكم ملايين على هذه القوارع المطنوخه

تقبلوا مروري من هنا

[أحمد مطر]

البدع:

ياصاحبي زهران ماقد ونينا=
وحزة الفزعه لنا ربع واخوان=
علمي قطر ماهو ملوّا بليّات=
ردّي مولّم مانشدتك وش آردّ=
ماهوب علم ٍ جاك مرّوس عيّه= (من روس عيّه)

[عبدالله الكناني]

=الرد /

=من هيبتي أسمع بقلبك ونينا
=و آشوف في قلبك مكاييد واخوان
=و الغشم والخطّل بلونا بليّات
=سلّمت سيفك لي من الموت شارد
=و من قدمك أهل الذّل مرّو سعيّه

[سامي المالكي]

سلمتم يا شعار والله يعطيكــم العافيــــه
كبيـــر يا عبدالله

[عبدالله الكناني]

ســـــــامــــــــي الـــــطـــــــالـــــــــــع

مرورك الطيب ومشاركتك العطره شرف بحد ذاته طال عمرك ..

و تقبل تحياتي وخالص أشواقي ..

[الهجيــــر]

دام القمر في جوك امسى محينا=
شف وسمنا مرسوم في زور سمحان=
واحذر يصيبك في الخلا سم حيات=
تدري بديبان الخلا تلقص آيد=
ياكم شجاع ومات من سم حيه=

[علي السبيَه]

الرد:علي السبيه=
.=
مكملين البعض وامسامحينا=
ولا نجد في منهج الزور سمحان=
قلوبنا يااصحابنا سمحيات=
لو بيننا تحمى بيوت القصايد=
نبقى سوى واصدورنا سمحيه=

[عبدالله الكناني]

لو بيننا تحمى بيوت القصايـد
نبقى سوى واصدورنا سمحيـه


صح لسانك يا سبيه وهذا والله اللي في القلوب ولو أشعلنا القصايد فلا يأخذون الأخوان في خطرهم إنما من باب إضفاء روح الحماســه ..

[أحمد مطر]

الله يصح ألسنتكم وأبدانكم ياأساتذتي زهران , أبو طلال , عبد الله الكناني أعذروني على التقصير وأقبلوا مني آخر بدعه في هذي القارعه وأنا أتشرف وأفتخر بكم وبكلامكم
سامحوني إن ظننتم بي مايسوؤكم وتقبلوا خالص تقديري واحترامي ..........


ياذروة ابليس اعرفك منت هينا=
واعلامنا مابين فلت ٍ ولزمان=
وكلّ ند ٍ في المعارك نعا ند=
يوم العزاوي كلها منخويه=

[عبدالله الكناني]

السلام عليكم ورحمة الله وبركاته

هذا الرد و تقبلوا الميسور وترونها من قيس المعرفه وإن شاء الله إنها خاتمة خير ونلتقي في محاورة أخرى على خير ..

الـــــــــــــــــرد /
من حبكم يا صحابنا مانتهيــنـــــا
يبقى غلاكم يالعزيزين لزمـــــان
ولو قسينا كـيـــد ولا نعـــانـــــــد
فأن الخوي ماله غنا عن خويه

[الهجيــــر]

صح لسانك ياحمد مطر انت وعبدالله الكناني وعلي السبيه

وانا المستفيد الوحيد من المحاوره معكم فانتم اساتذه لي

الله يوفقكم جميعا