رميت رقمي عليهم من دربزينها *** ياعلي اربع بنات ***

[ابو صالح]

انا ياعلي ماضريت الا بالدرجه حقت بيت الحجر
وانعميت ورحت الفيصليه وغديت اتكيشخ مع سلم الكهرب
وبغيت اغدي فيها لوماهو المهندس وقفه كان غدت علومي علوم
لكن هانت الطيحه يوم قالو لي ناساً هنياك سلامت قلبك عسى ماشر.


سلمك يالفيصليه كنت باهيج مال=
غير المهندس قدر يفتر مقصورته=
ومن اسفل البرج صاحو مافي القلب شر=
اربع بناتاً ولو ماهي علوم الرزين=
رميت رقمي عليهم من دربزينها=

[بن خضران]

ههههههه ابو صالح صح لسانك ملايين والله انك خطير لكن انتبه لعمرك هههه

ابو صالح توهم بياخذون الرقم لو رميته ؟؟

[د.ليل الوعد]

العم ابو صالح احييك وقسم بالله حبوك الرجال وشلون البنات تشكر يا ابو صالح وصح السانك واعتلا شانك وبيض الله وجهك وترانى ابى الرقم يا ابو صالح لا يضيع يا خوك احييك وما عاش اللى ما يرمى عليك رقمه يا كبير

[علي السبيَه]

سلامتك من كل طيحه واي الطيحه في كما الفيصليه علومها علوم
وصح لسانك وعلى شانك يااستاذ القصايد وهذا ردي طال عمرك
وخذني من قيس المعرفه وانا ابن عمك وان كان مااعجبك الرد
اشتاله واحذف به من اطرف مكان


الرد:علي السبيه=
.=
ياكم في الفيصليه بدر باهي جمال=
جمال يزهي لشوفك لا رمق صورته=
لقّت قلوب الهواهيه وتلق البشر=
من اسفل البرج زين ومن علو مر زين=
لو مالها نيه فيهم من درى ابزينها=

[مصفي]

صحت الالسن والابدان

تالق مستمر الله يحفظكم لنا وللموروث الشعبي

ويديم بقاءكم تيجان على هامة الشعر

[أبـو مشاري]

اروح ملح يشيخ ههههههههه

عساك سالم اخي ابو صالح

وصح لسانك

وصح لسان شاعرنا علي السبية على الرد المجمل

[أبو فارس]

صحت اللسن، وسلمت الانامل

يعطيكم العافيه

[برق الجنوب]

طيب طيب ...

ابو صالح انت اليومين هذي شكله ناوي على نيه .. وقلبك خضر

صحت الالسنه والابدان والله يعطيكم العافيه

لكم خالص تحياتي .

[صقر الجنوب]

ابو صالح ماطيحك الا شين يطيح الجمال

وما عليك شرهة لو كنا مكانك كان ماحد لحقنا

انت على الاقل لحقك المهندس وانقذك

صح لسانك ملايين على الحبكة الشعرية

وابو طلال كمل الرد بافضل مايكون الكلام

شاعر يعرف كيف يصوغ الدرر


تحياتي لكم على الابداع والروعة

[ملك الليل999]

ابو صالح وعلي السبيه رائعين كما عهدناكم صح منطوقكم وبارك الله فيكم والله لا يلومك يابو صالح لو طحت تحياتي لكم ياعمالقة الشعر وتقبلو فائق شكري واحترامي

[الهجيــــر]

ما قلت لك انك فاغر (ن) ؟

انت تتخرفع وانت تسير في سعة الله وش وداك السلم الكهربائي ؟

صح لساااااااانك ملايين

وصح لسان الشيخ ابو طلال