وذا شع نور البرق من وسط عينه .. ( ابو طلال لا هنت )

[برق الجنوب]

شرفني يابو طلال بالرد على قصايدي المتواضعه وفقك الله ..



البدع / برق الجنوب=

...=

في المزرعه يبدي جنون المحبين=
سقاها لهم ربي بماء من عيوني=
اذا هب وانا اخوك نسم الهواوي=
واذا شع نور البرق من وسط عينه=

[علي السبيَه]

((في المزرعه يبدي جنون المحبين))

الشرف لي طال عمرك واسعد الاوقات لما اقصد معك ومع شرواك من اللي يحكمون القاف والمعنى



الرد:علي السبيه=
.=
مع اهل الهوى يبدي جنون المحبين=
البّي مطالب صاحبي من عيوني=
ترى الهجر غُربه في فواد الهواوي=
وللوصل دمعه حايره وسط عينه=

[د.ليل الوعد]

برق الجنوب 000على السبيه صحت السنتكم يا النشاما وبيض الله وجيهكم وعساكم عالقوة

[أبويحيى]

برق الجنوب وابو طلال استاذه ومعليمن الكمله صحت السنتكم على هذا الابداع واسمحوا لي بهذه المداخله على وجه السرعه ان جازت لكم فالرد متاح لاين كان وان كان العكس فاتركوها فاهي من قيس المعرفه


البدع:=
معي لك علوم وخلها بيننا بين =
حشود العرب ياليت مايلبشوني=
تغيبت عنا غير ماذي بطاوي=
شرعت البحر قدام ينقاس مينه=

[ملك الليل999]

برق الجنوب وابو طلال مبدعين وكلام جميل امتعتونا بيض الله وجيهكم 0

[علي السبيَه]

مرحبا مللايين ياابويحيى ولا عاش من يترك قصايدك ولنا الشرف بمجاراتك
وهذا ردي على بدعك وبعدين وشرايكم نكمل القارعه ثلاثيه بعد اذن برق الجنوب
بما انه البادي باالقارعه تبدعون انت وياه وانا ارد عليكم


الرد:علي السبيه=
.=
ترى الذيب ضم الكبش مابين نابين=
ولا رده اللي ياتمايل بشوني=
تسرّح رعايا البدو والذيب طاوي=
ومن عادته يهجم وينقا سمينه=

[هيبــة ملكــة]

شـكــ وبارك الله فيك ـــرا لك ... لك مني أجمل تحية .

[برق الجنوب]

طيب طيب .. صح لسانك يابو طلال وبيض الله وجهك .. وانت يابو يحيى مرحبا بك الوووف وملايييين
وشرفتنا بمشاركتك ومثلك نفخر ونعتز بمشاركته حياك الله يابو يحيى ..
واشكر كل من مر ورد برده الطيب وتحياتي للجميع ..




البدع / برق الجنوب=

...=

وش اللي قطفته مالعقول المجانين=
وانا ما بعد ريت الغصون الجنوني=
اذا كان ما تسمع لصوت المداوي=
حليل المعنا من تداويج نونه=

[علي السبيَه]

صح لسانك وبدنك وبدنك يابرق الجنوب


الرد:علي السبيه=
.=
شهار اخبره لهل العقول المجانين=
ولا ادري وشلي فك ذولا الجنوني=
عقول استخفّت وين تلقى المداوي=
ومن جنّ ما تقدر تداوي جنونه=

[نديم القوااافي]

يا سلام على القصايد واهلها.. والله شي كلام يقعد الراس ولحن طروب بمعنى الكلمه مستمتعين بمحاورتكم ودمتم بود

[أبويحيى]

البدع:=
ووين انت يالمجنون وين الدوى وين؟=
معي لك دوا يشفيك ويسم عوني=
واذا كنت مالاوجاع والسقم راوي=
نجيب الدوا لو كان من دار سينه=

[علي السبيَه]

الرد:علي السبيه=
.=
في المكتبه تلقى الكتب والدواوين=
وياما الرّواه من الخبر سمعوني=
ترى ترجع العهده على كل راوي=
ولا كل علم(ن) يتقنه دارسينه=

[almooj]

أبو يحى صح لسانك يا كبير

أبو طلال صح لسانك كفيت ووفيت يا أستاذنا

المــوج

[برق الجنوب]

الله يعطيكم العافيه ...




البدع / برق الجنوب=

...=

وش ابياخذون اهل الحسد والحقدّين=
لك الله وانا اخوك ما فيديوني=
يعيش البطل بالرشد فوق الهقاوي=
وراعي النذاله يا علي وش ترونه=

[بن خضران]

الله واكبر الله واكبر وش تلقصايد يالربع صحت السنتكم ملايين شي قصايد تقعد الراس

[برق الجنوب]

الله واكبر الله واكبر وش تلقصايد يالربع صحت السنتكم ملايين شي قصايد تقعد الراس


الله يسعدك ويوفقك اخونا الغالي / بن خضران وهذا من بعض ما عندكم طال عمرك ..

اشكرك لك مرورك الكريم ولك خالص تحياتي .

[علي السبيَه]

الرد:علي السبيه=
.=
يابرق المدين لا متى يلحق الدين=
طلع من ديون وينتزي في ديوني=
من اللي يجاري الدين والا اله قاوي=
وحتى التّجر ياشيخ ما يشترونه=

[صقر الجنوب]

الله الله الله

صحت السنتكم ياشعار لكم الله انه ابداع في ابداع
وكلام يشرح الخاطر استهلالية رائعة ومواصلة اروع منكم جميعا
واصلوا ولابداعكم مستمتعين

[برق الجنوب]

الله الله الله

صحت السنتكم ياشعار لكم الله انه ابداع في ابداع
وكلام يشرح الخاطر استهلالية رائعة ومواصلة اروع منكم جميعا
واصلوا ولابداعكم مستمتعين

صح بدنك يا ابو احمد ونشكرك على مرورك الرائع والكريم وكلامك اللي يشرح الخاطر مع خالص تحياتي .

[برق الجنوب]

البدع / برق الجنوب=

...=

انا يا رفيقي ما عد ابصر مدى عين=
ومن يبصر الزوّاد ما ضال موني=
تلّوت بي الاقدار والقلب لاوي=
حياة الشقى ماجت بلايق معونه=

[علي السبيَه]

الرد:علي السبيه=
.=
تركت القضيه للقضاء والمداعين=
عسى الله يسامح كل من ظالموني=
لقيت الهنا والسعد والق البلاوي=
وحكامنا راع البلا يقمعونه=

[أبويحيى]

المعذرة على التاخير فكنت على وجه سفر
الشكر لكل من مر من هناااااا



البدع:=
على رسلكم ياحبابنا يالمعزين=
بعد تنعمي الابصار ويكف نوني=
بشر تحتقر وتضيق تعلي شناوي=
وراعي الفن الراقي معيد فنونه=

[برق الجنوب]

الله حسيبك يابو يحيى هههههههه صح لسانك ملاييييين والله على هذه البدوع المحكومه .

[علي السبيَه]

الرد:علي السبيه=
.=
من اللي بكا لي من صفوف المعزين=
الى حانت القدره والى كفنوني=
بدنيا الفنى ياقلبي عليش ناوي=
ولا غيرها اعمالي معي يدفنونه=

[أحمد مطر]

الله الله الله
صحت ألسنتكم يالنشاما ملايين

برق الجنوب

علي السبيه

أبو يحيى


مبدعين بكل ماتحمله الكلمه من معنى

تقبلوا مروري ولكم فائق تقديري واحترامي

[برق الجنوب]

شاكر ومقدر لكل من مر ورد برده الطيب والله يعطيكم العافيه جميعاً ..




البدع / برق الجنوب=

...=

هبو لي من احكام الشعر يالمقفين=
انا ما معي يا خي ولاية ركوني=
ولا خذت مدة قرش من كمر جاوي=
معي قصر ياصحابي علية ركونه=

[علي السبيَه]

الرد:علي السبيه=
.=
انا مانويت اطرد سراب المقفين=
والاحباب من حولي ولا يتركوني=
وياآهل العذل ماكان منكم رجاوي=
ولا تحسبو احبابي علي يتركونه=

[أبويحيى]

صحت السنتكم اساتذتي أبو فيصل وابو طلال والله يعينني وكاااااااان واقبلوا ايسر المتيسر فهذا خير الموجود


البدع:=
أنا اجور بالله من سوايا المضلين=
من أسبابهم في كل شي كرهوووني=
اذا راعي الرسلان سوا قهاوي=
فلا تظلمون الكيف يامشيبهونه=

[علي السبيَه]

الرد:علي السبيه=
.=
معك موتر اصلي من جديد المضلين=
من النقد ماخذته بشيك الرهوني=
الى قابلك في الدرب سواق هاوي=
يهدي من السرعه ويمشي بهونه=

[برق الجنوب]

الله الله الله ..

وانا كل ما اقول كان تعجبني بدوعك يابو يحيى وتطربني وارجع ابني من جديد بيض الله وجهك ويجيك ابو طلال يلحم الردود تلحيم علي عبدالله هاشم ويا لطيف الطف ..





البدع / برق الجنوب=

...=

لما تنتشدني يا علي عن مصر فين=
انا ما ابغي اتعرض لعد النقودي=
لو احلف عليكم بالقسم بت ساوي=
فلا ودي العربان اخي ينقدونه=

[علي السبيَه]

انشبتم الريق جوف حلقي بابرق الجنوب انت وابويحيى لكن الله ينصرني عليكم


الرد:علي السبيه=
.=
انا وانت من زود الدراهم مصرفين=
وعندي وعندك زاد عد النقودي=
خذينا الغنيمه باالقسم باالتساوي=
وكب الهلل ما فاد من ينقدونه=

[بدوية]

الله الله

صحت ألسنتكم ومتابعين لهذا الابداع

عسى الله يوفقكم

[أبويحيى]

خذينا الغنيمه باالقسم باالتسـاوي

وكب الهلل ما فاد مـن ينقدونـه

ياسااااااااااااااااتر


البدع:=
طويت الصحف حن جف حبر القلامين=
وياثوب تحلا لي وناسبت لوني=
انا خوفي ان الذيب ينهد عاوي=
قبل ماهل البن ياعلي يقتلونه=

[علي السبيَه]

اي والله ياابويحيى ياساتر منك ومن برق الجنوب


الرد:علي السبيه=
.=
عسى الله يثبتنا على الحق قل آمين=
وش اعمل وش اسوي بناس ابتلوني=
يطول الجدل والشرع ينهي الدعاوي=
ومن ياتعدى عاالقضاء يقتلونه=

[علي السبيَه]

الله الله

صحت ألسنتكم ومتابعين لهذا الابداع

عسى الله يوفقكم



تسلمين يابدويه ونشكرك جزيل الشكر على مرورك الكريم

[برق الجنوب]

الله يعطيكم العافيه ... وان كان ودكم كان فيهواكم وانا تحت امركم يالمطاليق ..



البدع / برق الجنوب=

...=

اذا تحفظون كتاب ربي به اجرين=
انا ما نفعني شلةٌ ونّسوني=
ويا قلب ابو فيصل بعد ما انت خاوي=
وهرج الجفا ما ودنا يذكرونه=

[علي السبيَه]

بدري ابوفيصل استمرو انت وابويحيى في هذه القارعه الطيبه


الرد:علي السبيه=
.=
وصال المحبه مايجازى بهجرين=
الى ماذكرت احباب قلبي نسوني=
تعامل بصدق النيه يامن تخاوي=
ومن يبتعد عاالعين ما يذكرونه=

[أبويحيى]

برق الجنوب وعلي السبيه صحت السنتكم واللي ترونه فانا تحت امركم


البدع:=
يدور الزمن والصلب يصبح ملايين=
ويقسى مع الايام لاين غصوني=
على العد والما ينزعه بالرشاوي=
ويشرب قراح الما وخلى أصديونه=

[علي السبيَه]

لا توقفون ياابويحيى انت وبرق الجنوب لين تسلمون لي الرايه وتعلنون افلاسكم
(((وشعلي انا مبسوط ماهلا ارد عليهم والرد سهل اجي على شي جاهز)))


الرد:علي السبيه=
.=
بغى راعي الاسهم يحوز الملايين=
وقال ابعدو اهل الفقر لا ينغصوني=
وعوّد يدوّر مكسبه باالرشاوي=
متى يغتني والا يخلص ديونه=

[أبويحيى]

لا توقفون ياابويحيى انت وبرق الجنوب لين تسلمون لي الرايه وتعلنون افلاسكم



اما انا فانا مسلم الرايه من قبل مابدا أصلا

صح لسانك ملايين على هذي الردود

[برق الجنوب]

انا اشوف انا نتوقف واللي حصل فيه الخير والبركه .. وبيض الله وجوهكم وصحت السنتكم والله يعطيكم العافيه .


استفدت منكم .. علي السبيه ...... ابو يحيى

لا خلا ولاعدم ولكم خالص تحياتي .