احذر ممنوع الدخول للعوائل فقط !!!؟؟؟

[شخص الزهراني]

السلام عليكم ورحمة الله وبركاته

هل فعلا المرأة تستحق كل هدا ويبقى لها حرية مطلقه والرجل يبقى جاثم في البيت ونغير الايه في محكم التنزيل بقوله تعالى بعد اعوذ بالله من الشيطان الرجيم (وقرن في بيوتكن ولا تبرجن تبرج الجاهلية الاولى ).... الايه
الشاهد في ذلك
كل ما اتجهت لاحد الاسواق المركزيه للمواد الغذائية اسمع من السكرتي ممنوع للعوائل فقط
اسواق الملابس ممنوع للعوائل فقط
الحدائق والمنتزهات عندما اتجه بأبنائي الاقي البوابه مقفله تكرر باذني نفس السيناريو والعباره
عندما تسرد المرأه الاغراض في ورقه والزوج او الابن او الاخ يقتنيها اليست بمثل التي هي ترغب في شراءها بنفسها
اليس الاحرى والاجدر ان تبقى المراه بمنزلها
ومن المعلوم انها لما تتسوق بنفسها وعند عودتها للبيت ترجع وهي مرهقه وتعبانه يعني اسقطت وجبة العشاء عمداً واصلا ماهي الوجبات التي تقدمها في ثلاث وجبات رئيسيه يوميا
والبائعين بالمحل اليسوا رجال ام انهم مخصبين كال...
لا اطيل الفكره واضحه ولكن قبل التعليق عالموضوع اتوقع في السنوات القادمه القريبه لا البعيده باننا سنتفاجأ بان بعض المساجد سنلقى لوحه مكتوب عليها ممنوع الدخول للعوائل فقط والحارس تساله ويقول والله ممنوع لكن اظن والله العالم ان المسجد الثاني للرجال

[شموخ الجنوب]

موضوع حلو موفق بإذن الله ... لك مني أجمل تحية .


لكن برايك ماالحل انت ؟؟

[علي السبيَه]

ذكرتني بحكاية الجنادريه يوم للرجال ويوم للنساء واللي موجودين جوة الجنادريه
من الموضفين والمسئولين والباعه رجال طيب كيف يخصصون يوم للنساء ويوم
للرجال والنساء لما يدخلن الجنادريه ماقبلهن الا رجال لكن وش تقول عاد عندنا
صنّاع القرار متخلفين وعقلوهم متحجره والضاهر ان ميولهم خارجيه

[جابر]

اتناقظ في اراء العاملين زلكن المسؤل يجي علم ثاني ونسال الله العافيه عندنا مفاهيم غلط في غلط موفق بإذن الله ... لك مني أجمل تحية .

[أبـو مشاري]

تخيل حتى البر الحين للعوائل

ممنوع دخول العزاب


.....

راح يصير

[صاحبة السمو]

موضوع يعبر عن رأي صاحبه ....فقط..

كان ممكن تعبر بأسلوب أفضل وتوصل الفكره.......

تقبل مروري...

.....
















,,,

[شخص الزهراني]

السلام عليكم ورحمة الله وبركاته

على قولك ياسمو هو تعبير عن رايي والافضل يكون التعبير بسلوب افضل من كدا
اجل ابشري بالتعبير اللايق واجمل العبارات اصوغها في قالب اجمل وابهى من الالماس

[أجراس]

مع احترامي لجميع وجهات النظر المطروحة

لكن لاتكونون متزمتين بالمررررررررررررة ضد المرأة .. فلا تستطيعون العيش دونها .. تنازلوا عن عنجهيتكم وأعطوها بعضا من الرفق في كل شي .. حتى لو في نقاش يدور حول شي متعلق بها

*************

طيب أي رجل رايح السوق ياخي خذ زوجتك معاك لان الاغراض اللي هي كاتبتها بتختارها لنفسها بشكل افضل واذا سقطت وجبة العشاء فمو كل يوم وانتم بالسوق .. وتستاهل ام عيالك تعشيها من برا زي ماهي كلللللللللللل يوم تفطرك وتغديك وتعشيك وتخدمك بعيونها
والا هي هذي مسؤوليتها فقط ؟؟؟؟؟؟؟؟؟؟؟؟؟؟

وان رحت الحديقة عشان الاولاد <<< ليش ام الاولاد مالها رب !!! ليش ماتاخذ اهلك معاك !!
حتى اللي منفصل عن زوجته << لاسمح الله ممكن ياخذ اخته والا امه اذا كان عارف ان المكان المتجه له للعوائل فقط

رايح السوبر ماركت !!! خذ اهلك معاك مو عيب ولا حرام ولا كل يوم وانت في السوبر مرتز

السؤال اللي يطرح نفسه

ليش تتوجهون لمحلات للعوائل فقط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا لاحد يجي و يقول ماكنت ادري انه للعوائل ... لان كل سوق او متنزه مايدخله شباب ينتشر خبره بينهم مثل النار في الهشيم .. طبعا شي مزعج ويدور حوله كثير من الجدل فيشتهر خبره

وبصراحة شديدة لماذا منع الشباب من دخول هذه الاماكن ؟؟؟؟؟؟؟؟؟؟؟؟
ماهو لأن المرأة مبجلة وكل شي عشانها بالعكس .. لكن وجد من بعض الشباب هداهم الله عدم احترام خصوصية العائلة << قلت البعض ولم أعمم


المعارض فيكم يكون صريح مع نفسه انا لا احتاج الاجابة لكن ..


اذا رحت متنزة عائلي <<< وطبعا أهلك معاك
او سوق << واهلك معاك

مين فيكم اللي ما يضايقه وجود شباب عزابيه في المكان ؟؟

اعتقد كلكم يضايقكم .. لأن غيرة الرجل على أهله طابع غريزي فيه

وكلكم أعلم بالرجال لأنكم رجال

وتعرفون ان من يصطحب معه اهله على الاقل بيكون مشغول بأهله ان لم يكن صالح بالأصل ..

لكن العزابي وش جايبه <<<< إلا من رحم الله تعالى

فأنا لا أعمم ..بعض الشباب يدخل المكان ويخرج وهو في قمة الأدب والاحترام

لكن لاتحطون العقدة في المنشار وتروحون أماكن تعرفون انها للعوائل وحدكم وتقولون ليش مايدخلونا !!!!!!!!!

وجهة نظر

[لــ البروق ــمع]

بسم الله الرحمن الرحيم

بالله ياأخوان من جدكم طارحين هالموضوع للنقاش...!!!!!!!!!!!!!!!!!!!!!!!!

طيب طول اعمارنا نعرف إن فيه منتزهات مخصصة للعوائل...وملاهي للعوائل...

ومطاعم للعوائل....وبعض المراكز التجارية تحرص على عدم دخول الشباب

وأقسام المستشفيات الخاصة بالنساء ممنوع دخول الرجال فيها...

وهذا بفضل حرص حكومتنا الغالية على توفير أكبر قدر من الخصوصية للمرأة وللأسرة

وأبشركم من يجي عشرين سنة صار فيه أماكن مخصصة للنساء في المساجد

ممنوع دخول الرجال لها....أجل تصلون جماعة معانا..؟؟؟؟ والله عال كأن السالفة جديدة..ههههه

بعدين لكاتب الموضوع بسألك سؤال...لو توجهت بأسرتك لمكان مخصص للعزابية

هل تغضب وتزمجر وتقول لا دخلوني اهلي معي..؟؟؟؟اوووف

بعدين كل هذي الأماكن اللي ذكرناها واللي ماذكرناها فيه منها نسخ رجاليهااااااااااااااي

ليش ماترحها بدل ماتروح اماكن مخصصة للعوائل بدون عائلتك...؟؟؟وليش اصلاً

تروحها وعائلتك ماهم معاك...؟؟؟

لا والغريب إن بعض الأعضاء يوافقونك الرأي...!!!!

غريب أمركم يالرجال..ويالسعوديين تحديدا...أولاد منيرة على أهاليكم...

بس على غيركم لا...بتدورون لحلول...safaqah

سبحان الله وبحمده...سبحان الله العظيم



أجراس...أحييك..

[شخص الزهراني]

السلام عليكم ورحمة الله وبركاته
اجراس
لمع البروق

انا اتكم عن المرأه التي تزاحم الرجال في اماكن لا يستدعي ان تكون موجوده فيها بتاتا كأسواق السوبر ماركت فالسوبر ماركت ليس بمحل اقمشه تتغير وتتجدد كل فتره
اي حديقه يتم وضع اي وسيلة ترفيه للاطفال فيها قموا واحاطوها بسور حديدي وكتبوا لافته عند المدخل للعوائل فقط
اجل في طفل وابغى اوصله يتسلى وينبسط نأخذ له حرمه

وقس على هذي بامثله اخرى
اما المستشفى نطالب بمحل معزول تماما عن لرجال
اما المسجد في حالة ان الرجال لا يكفي المصلى المخصص لهم فالاحرى يستغنى عن مصلى النساء والافضل لها تصلي في بيتها (خاصة صلاة الجمعه والاعياد شوف المنظر كيف واصلين في الشارع)

اكتفي بهذا الرد
وشكرا لكم عالمرور

[ملك الليل999]

موضوع جيد للنقاش
انا مع راي الاخت اجراس
ومقدر ماذكرت انما لايعلم القلوب الا الله
والشباب فيهم الخير والبركه بس كيف تقدر تمنع شباب طيحني واسمحلي يابابا والغير منضبطين اذا فتحت الفرصه للشباب دون استثناء وصعوبة الاستثناء لعدم معرفة اخلاق الشخص من نظره
وصدقني لو كنت بجلسه عائليه وامامك شباب تتضايق ولا تقدر تحس بالامان وتقوم من عند اهلك لدقايق معدوده حتى لو كان فيهم الخير وذلك لعدم معرفة اخلاقهم
وشووف بعض الاسواق اللي يخشو فيها الشباب وشوف الاستهبال
لذلك انا مع راي اجراس
ولك اطيب تحيه وتقدير

[همسة شوق]

ههههه ليش كذا معصب ع الحريم
للعوائل عشان كل رب اسره ياخذ راحته مع اهله ويكون تجمع عائلي مع بعض وحتى الاطفال يحسو بالشي ذا وانت لاحظ بنفسك مثلا لو تجلس مع اهلك بمنتزه او ملاهي او مكان عام وجلسو بجنبك رجال شباب حتى لو كانو مطاوعه مابتاخذ راحتك شي طبيعي
ومحد ينكر اغلب المنتزهات للعوائل قليل اشوف شي للعزابيه !!

المفروض يخصصون منتزهات للعزابيه يفكونا شويه بلشو بعمرهم ياحرام


يعطيك العاافيه على موضوعك
باانتظار جديك الراائع ...
دمت بخير ..//

[شخص الزهراني]

السلام عليكم ورحمة الله وبركاته
ملك الليل
همسة شوق :
شكرا عالمرور وابداء وجهة النظر