متى تصحون من سباتكم يامرور الرياض -- بقلمي

[مشعل]

برقية مع عدم التحية لادارة مرور الرياض ---- صورة لكل أقسام مرور المملكه

من مواطن بسيط الى ادارة مرور الرياض وضواحيها وباقي المدن بعد التحية والسلام هل مهامكم تقتصر على مباشرة الحوادث وعمل نقاط تفتيش في الخطوط السريعه وتوزيع القسائم على المواطنين الغلبانيين ليضيفها المواطن لقائمة فاتورة الكهرباء والماء وأجار الشقه وطلبات أطفاله

هل من سياسة المرور التخفي خلف الاسوار والشجر على الطرق السريعه لاقتناص مواطن تعدى السرعه بب 125 والانطلاق خلفه وتوقيفه وتحرير مخالفه له بمبلغ وقدره ؟؟؟؟

والتغاضي عن شاب يملك سيارة فاخره سرعتها تزيد 280 ك م وينطلق من اول الدائري لاخره بسرعة 200 ك م ويطارده المرور السري مسافة 50 متر ويتركه لانه لايستطيع اللحاق به ويكتفي بالبلاغ هاذا لو قدر ياخذ رقم اللوحه



مع عدم الاحترام ادارة المرور هل دوركم الاختباء خلف الاشجار في الطرق السريعه وتسجيل المخالفات بطرق سريعه وتجاهل اتصالات المواطنين المتعرضين للحوادث

مع عدم الاحترام هل دور رجل المرور الوقوف خلف اللوحات الدعائيه عند الاشارات واقتناص السائقين اللى ماربطو الحزام


مع عدم الاحترام توزيع رجال المرور عند الاشارات رئيس عصابة المتسولين وتوزيعهم عند الاشارات مالفرق بينهم لافرق بينهم كلهم يتسولون مافي جيوبنا


صوره لكل أدارة المرور في جميع مناطق المملكة --- بدون تحية

اين ادارة المرور من التفحيط

كل يوم تسجل حالة وفاة من جراء ممارسة التفحيط كل يوم تسجل حالة وفاة لطفل وطفله لان مفحط قتلهم وهرب ----- والمرور يحقق في الموضوع وجاري البحث عن الجاني --- الجاني سارق السيارة

شوارع مهيئه للمفحطين ويعرفها رجال المرور جيداً ويتغاضون ولا يحضرون الا بعد تكرار البلاغات وتحضر سيارة مرور واحده لتفريق الجموع وانهاء الموضوع ويتوجه الشباب لشارع ثاني ---- طبعاً بدون وجود سيارة مرور مع التحية بدون احترام للمرور

أستبشرنا خير بالمرور السري وطلع المرور السري على الضعوف اللى يستجيبون لسفتيهم وندائهم بالتوقف جانباً لتحرير مخالفه سريعه

ويخافون من الشباب المتهور المفحطين لانهم لايستطييعون مجارتهم ويكتفون -- رجال المرور --- بالتبليغ علي السيارة -- مع العلم ان السيارة مسروقه من أشهر وعليها تبليغ --- مالجديد يارجل المرور تبلغ على سيارة عليها بلاغ سابق ---- صوره مع بدون تحية للمرور



عدد قتلى ومصابين شبابنا في ازدياد واسر تعاني من أبناءها المنحرفين بسبب التفحيط ومرور الرياض وباقي المناطق في سبات عميق كل همهم تحرير القسائم

مع عدم التحية أيلا متى يامرور المملكه هاذا التجاهل أيلا متي هاذا النوم هل مهامكم هي مراقبة الطرق السريعه فقط وتحرير القسائم

اليس بامكانكم تحويل نقاط المراقبه للشوارع الفسيحه اللتي يمارس فيها الشباب التفحيط اليس بمقدوركم البحث عن المفحطين فهم اشهر من علم اليس بامكانكم تخصيص سجون خاصه بهم تتوفر بها كل سبل النصح والتربيه وعزلهم عن بقية المساجين

الدولة انشئت الطرق للتسهيل على المواطنيين سهولة الانتقال من وايلا اماكنهم بكل سهوله وليس للشباب للمارسة التفحيط


القرارت اللتي وضعتها ادارة المرور للمفحطين ليست رادعه



لماذا لايتم تخصيص طائرة هيلوكبتر لمتابعة المطاردات للمفحطين وتتبعهم من الجو والتنسيق مع الدوريات الامنية على الارض

لماذا لايتم وضع مسامير لثقب العجلات في الشوراع والطرق السريعه اليست أكثر فعالية من كميرات ساهر

وللجميع التعليق


مع عدم الاحترام لادارة المرور

[د.ليل الوعد]

مشكور مشعل وبارك الله فيك تتحدث بلغة الانتماء للوطن ومن حرصك على مصلحة الوطن بارك الله فيك ورعاك وفعلا ارواح بريئة ذهبت ضحية الا مبالاة بارواح العباد ونحن ننظر والمرور ينظر ولا رادع سوى دفع القسائم المترتبة على الحادث والسائق ونرمى على شركات التامين وطز فى الارواح ما دام شركة التامين تدفع 00مصلحة الوطن فوق كل اعتبار والاخلاص للوطن غاية كل مواطن فى هذا البلد المعطاء

[مبتعث ضايع]

كلااام سليم وماعليه غبااااار بس اخاااالفك في نقاط

بالنسبة للتفحيط اشووف انها قبل ماتكون مهمة المرور تكون مهمة العاااايلة الا وين يجي ولد عمره 18 سنه ومعاها سيااارة مؤهله للتفحيط ولا بعد في (معززين معاه) يعني الدور الاول على البيت انا اشوووف

بعدين المرووور عندنا مقــصر وبقوة بــس ركــز في ان اكثـــر المفحطــين من (العسكــر ) يعني حاميها حراميهاااا وخاصة في الريااااض والشــرقية

المــوضــة الأن المتبعـة في المـدن الرئيسيـة حضووور البنـات لأماكن التفحيـط ولا سامع انهم يطلعون مع المفحـط بس اللي متأكد منه انهم يحضرووون للتفحيط .... الدور هنا علـى ميـــن ؟؟؟؟؟

يعنــي لـو منت مفحـط كان بتصيــر غصب عنك مفحـط ....

اقــول الله يرحم ايام 78 فحطت مرررة وهـديــت جــدار هههههههه

تحيــاتي لـك .....

[ملك الليل999]

قبله كبيره على جبينك يابطل تحدثت بما في قلوب الناس بلسان واحد اعجز حتى بالشكر قليل بحقك سلمت اناملك وربي يسعدك 0

[مشعل]

مشكور مشعل وبارك الله فيك تتحدث بلغة الانتماء للوطن ومن حرصك على مصلحة الوطن بارك الله فيك ورعاك وفعلا ارواح بريئة ذهبت ضحية الا مبالاة بارواح العباد ونحن ننظر والمرور ينظر ولا رادع سوى دفع القسائم المترتبة على الحادث والسائق ونرمى على شركات التامين وطز فى الارواح ما دام شركة التامين تدفع 00مصلحة الوطن فوق كل اعتبار والاخلاص للوطن غاية كل مواطن فى هذا البلد المعطاء


كلنا نحب الوطن وكلنا خدام للوطن وانا تحت القسم الله ثم المليك ثم الوطن
وكلنا نتعاون من اجل الوطن

قتلى التفحيط سيدي الدكتور ليل الوعد في ازدياد كم من ام مكلومه واب مكلوم على ابنه مستشفياتنا تعج بشباب في مقتبل العمر اصابتهم شلل واللى في غيبوبه وووو الخ --

استنزاف لممالكات الدوله بسبب تهور هالشباب وضعف الرقابه من ادارات المرور

ولك قبله على جبينك معالي الدكتور ولك كل الاحترام والتقدير لشخصكم الرائع الله لايحرمنا طيبتك

[مشعل]

كلااام سليم وماعليه غبااااار بس اخاااالفك في نقاط

بالنسبة للتفحيط اشووف انها قبل ماتكون مهمة المرور تكون مهمة العاااايلة الا وين يجي ولد عمره 18 سنه ومعاها سيااارة مؤهله للتفحيط ولا بعد في (معززين معاه) يعني الدور الاول على البيت انا اشوووف

بعدين المرووور عندنا مقــصر وبقوة بــس ركــز في ان اكثـــر المفحطــين من (العسكــر ) يعني حاميها حراميهاااا وخاصة في الريااااض والشــرقية

المــوضــة الأن المتبعـة في المـدن الرئيسيـة حضووور البنـات لأماكن التفحيـط ولا سامع انهم يطلعون مع المفحـط بس اللي متأكد منه انهم يحضرووون للتفحيط .... الدور هنا علـى ميـــن ؟؟؟؟؟

يعنــي لـو منت مفحـط كان بتصيــر غصب عنك مفحـط ....

اقــول الله يرحم ايام 78 فحطت مرررة وهـديــت جــدار هههههههه

تحيــاتي لـك .....

هلا بالرفيق الغالي والله يردك لنا بالسلامه عهداً على اول ماتوصل أفطرك فول ههههههههه

انا معاك الاهل لهم دور بس قلي هل الاهل سيتابعون ولدهم من شارع لشارع المشكله ماهي في الاهل المشكله في رفقة السوء


منور يالعزيز الله لايحرمني طلتك الرائعه اخو وعزيز

[مشعل]

قبله كبيره على جبينك يابطل تحدثت بما في قلوب الناس بلسان واحد اعجز حتى بالشكر قليل بحقك سلمت اناملك وربي يسعدك 0

قبله على جبينك احترام وتقدير لك ياملك الليل هذا من ذوقك الرفيع الله يرفع قدرك الله لايهينك يالذوق انا اللى تعجز حروفي على شكرك rolleyes:

[أبـو مشاري]

تسلم على الموضوع المميز

بس بالنسبه حق الوااااو هذا شئ ما ينقدر عليه


واوقات اشوف ناس تخالف وناس وهذا شئ ما يرضى الله سبحانه

ولكن لا حياة لمن تنادي


بس الافضل الواحد يمشي بعدال ولا يتعدى السرعة القانونيه


والله يعين

[مشعل]

تسلم على الموضوع المميز

بس بالنسبه حق الوااااو هذا شئ ما ينقدر عليه


واوقات اشوف ناس تخالف وناس وهذا شئ ما يرضى الله سبحانه

ولكن لا حياة لمن تنادي


بس الافضل الواحد يمشي بعدال ولا يتعدى السرعة القانونيه


والله يعين


أخوي العزيز فيتمين واو له صلاحيه وينتهي ------- وقبل ينتهي صلاحيته لو تجرعه المسئول فاألاحره تبي زي مالدنيا تبي ---- وارواح الناس امانه --- كلكم راعي ---


تحياتي لمرور كالغالي اخو وعزيز rolleyes:

[علي السبيَه]

لله درك ياشيخ مشعل كلام في الصميم ولكن لمن تقوله العسكر حاميها حراميها
مايتشطرون الا على الغلابه مثل الشيبان اللي يكد على سيارته لتوفير لقمة عيش
لعياله ويهلكونه بقسايم المخالفات وبعدين اغلب اللي في الدوريات حونشيه ماعندهم
اسلوب للتفاهم لو يمسكون واحد ماعنده رخصة قياده والا رخصته او الاستماره
منتهيه يعاملونه وكأنه ارتكب جريمه وتلقى العسكري نفسه راس انفه ماتقدر تاخذ
معه لا حق ولا باطل

[مشعل]

لله درك ياشيخ مشعل كلام في الصميم ولكن لمن تقوله العسكر حاميها حراميها
مايتشطرون الا على الغلابه مثل الشيبان اللي يكد على سيارته لتوفير لقمة عيش
لعياله ويهلكونه بقسايم المخالفات وبعدين اغلب اللي في الدوريات حونشيه ماعندهم
اسلوب للتفاهم لو يمسكون واحد ماعنده رخصة قياده والا رخصته او الاستماره
منتهيه يعاملونه وكأنه ارتكب جريمه وتلقى العسكري نفسه راس انفه ماتقدر تاخذ
معه لا حق ولا باطل

هلا والله بشيخي وتاج راسي على السبيه على طاريهم اليوم وانا ماسك الدايري كذا سيارة موقفينها المرور ------ الوضع طبيعي ---- بس اللي مو طبيعي انه ينزل المواطن لرجل المرور ---- ورجل المرور قاعد في سيارته ----- وقبل أشهر اتابع موضوع في التلفزيون السعودي انه من ظمن السياسة الجديده للمرور ان من سياسة المرور أن رجل المرور هو اللي ينزل للمواطن ------

المرور تجده في الخطوط السريعه فقط ----- لجل دفتر المخالفات تكرم عيون الخطوط السريعه اللي تخلص الدفتر بصوره سريعه

ولجل عيون قتلا التفحيط --- الله يكثر المقابر وثلجات الموتي


مع عدم التحية لأدارة المرور


ومع اسمي التحية لمرورك طال عمرك على موضوعي المتواضع rolleyes: