يا كبير المستشارين في موقع رباع

[علي الداهية]

السلام عليكم ورحمة الله وبركاتة


يا كـبـيـر المستشارين فـي مـــوقــع ربـــاع
جيت لك عانـي مـن اقـدس مـديـنـة بارضـنا
صغت لـي بـيـتـيـن مـا يـنـتـقـلها الا جــمــل
قال لي صقر الجنوب استرح وانـح الـسـبية
ان قـدر ثـلـبـك عـلـى الـحـمـل والا فابركـــة

[علي السبيَه]

عليكم اسلام ورحمة الله وبركاته


الرد:علي السبيه=
.=
الكبير الله ذا سخّر الخيل الرباع=
برضنا نجهل كثير الحقايق برضنا=
اما يقصر عااللزوم الفتى والا جمل=
ما نقل غيري همومي معه وان حس بيه=
ونا اشوف ان الصور كل ابوها فبركه=

[صقر الجنوب]

الله يحييك تراحيب السيل ياشاعر في أكاديمية الابداع والتراث
جميعنا نرحب إبتداءا بمشهور والسبية وكافة الشعراء الكرام
نتمنى أن يطيب لك المقام
قدوم رائع وقصيدة رائعة صح لسانك وعلا شانك .. ننتظر تواصلك ومواصلة الابداع

[صقر الجنوب]

صح لسانك ملايين يابو طلال
ولا هو غريب عليك مثل هذا
الرد الاجمل والاروع
متعك الله بالصحة ودوم العافية

[علي الداهية]

أبقاك الله واغلاك يابو احمد وصح بدنك

ياعلي ما دام لك في المثل خبرة وباع
ودنـا تـبـنـي بـيـوث القصايد باعـتـنـا
لا تـقـول الـداهـيـة بالمثايل مـا اكـتمل
قـبلك ابو صالح العام سوى لي قضية
ابـتـدع لـه صـك لـكـن صكه ما امـلكة

[علي السبيَه]

الرد:علي السبيه=
.=
وش بلا الصاحب تعذّر من الرُّفقه وباع=
ماعد ابنشره على الغير يوم ابتعتنا=
عاد كاالعرجون وانا احسبه بدر اكتمل=
والصاروخ ان صوّب العاصمه وانشق ضيه=
هد برج الفيصليه وبرج المملكه=

[علي السبيَه]

صح لسانك ملايين يابو طلال
ولا هو غريب عليك مثل هذا
الرد الاجمل والاروع
متعك الله بالصحة ودوم العافية

صح بدنك ياابواحمد والابداع في وجودك وكلامك الطيب ياطيب

[علي الداهية]

ياعلي لا تخطي الدرب وارض الله وساع
انــت ودك تـفـهـم الـعـلــم وانـحــن ودنـا
صـاحـبـك يـمكن هل الحسد سوو له عمل
نـاوي الـشـام الـذي راعـدة نـسمـع وحـيًة
الله اعــلـــم صـوب عـسـفـان والا مـدركـة

[مسفرالفضيلى]

علي الداهية

علي السبيه

الله يعطيكم العافيه يا النشاما

[علي السبيَه]

الرد:علي السبيه=
.=
الخطر من لقص نيب الافاعي واللساع=
للوعوث القاتله ما نقل لك ودنا=
ما فاد الملقوص وصفة علاج ولا عمل=
واللي فاايده بندقه لا صدف دابُ وحيّه=
يقطر النيشان للرّمي والى مد ركه=

[نديم القوااافي]

يا سلام يا سلااام علي الداهيه ... اشهد بالله انك داهيه وطحت في ابو طلال الداهيه ومحاورتكم ام الدواهي ... بيض الله وجيهكم وعلى شانكم ... علي الداهيه ترك ذكرتنا ابو صالح الله يرده بالسلاااامه

[مصفي]

اي والله انكم دواهي

وقصايدكم من ادهى القصايد

صحت الالسن والابدان

وفعلا ذكرتنا ابو صالح والسبيه فالمحاورات الله يجيبه سالم وغانم

[علي الداهية]

لا هنتم يالنشاما ومروركم جميعاً أضفى على المحاورة رونقاً من الجمال

ولي الشرف اني اتحاور مع الشاعر علي السبية وله مني كل الود والتقدير والاحترام

وابو صالح كنت ألقاه في هذا المنتدى ولم أشاهده بعد إنقطاعي وهو من الذين أفخر بمحاورتهم وعساه سالم إن شاء الله


الى لقاء قريب

[شاعر بالمفضل]

صحت السنتكم

دواهي دواهي

[علي الداهية]

مرحباً بك ياشاعر بالمفضل