؟؟؟؟؟؟؟؟؟؟؟ تعرفون الحدود ؟؟؟؟؟؟؟؟؟؟؟

[أحمد مطر]

هذه قصيده أتمنى ممن يشاء من إخواني الشعراء الرد عليها والأخذ والعطا فيها :

ياسلامي عليكم يارجال(ن) تعرفون الحدود
الرجال اللذي تشبه لموج البحر يصفق سيوفه
ولهم في المواقف جنّ فزّاعه وجن بيّته
ماهم اللي عشان المصلحه قد باعنا واشترانا
نعل ابو نظرة الشمّات في الفتنه وخيّالها

......................................
أدري ان الناس تدرَى عالمذاهب والعُرب
ماعليّ من القصور امّ الزخارف والرخوم
قلـّي عن سكانها وامداحها واسبابها
والله انـّي ماقبلت اهل الدناجه والبلاده
مثل بعض الدور تغبن لو تطول اعمارها



تحياااااااااتي

[بن سلمان]

يشرفني الرد عليك يابو مطر بهذا الرد المتواضع وتقبل مني الميسور

الـــــــــــــــــــــــرد
عشت ماخذت جنبية ولا شلت السيوف الحدود
وانا من نسل جد(ن) عاش فارس ماتثلم سيوفه
حتى داره ومنزاله تسمت باسم جنبيته
رحمك الله ياجدي ولو لك بديت(ن) وش ترانا
بعنا حتى الخيول الي من اول كنت خيالها
..............................................
كيف عشنا عيشت الاذلال حنا يالعرب
سرنا لعبه دايمه في قبضة الغرب الرخوم
هجرنا لدين والاسلام ويش اسبابها
والله لو كل(ن) حفظ دينه وجاهد عن بلاده
ياكلاب الغرب الاقصى ماتطول اعماره

[بدر البدور]

طبعاً رديت وسحبت ردي
لأن بن سلمان رد قبلي

صحت السنتكم وعساكم على القوه
ولكم خالص شكري وتقديري

[بن سلمان]

المعذرة يالستاذ بدر انا مستعد احذف ردي كرمال عيونك يشهد الله

[سعيد بن سالم]

يا سلام يا سلام

صحة الالسان والابدان

احمد مطر

بن سلمان

لا هنتم يالمطاليق

تقبلوا اعجابي بالبدع وبالرد وبهذا الكلام الثمين

لكم فائق احترامي وتقديري

[بدر البدور]

بن سلمان
أنت دائماً راعي الاوله
صح لسانك يالغالي
وصح لسان بن مطر
لكم شكري وتقديري

[علي السبيَه]

ياسلام على القصايد المحبوكه والكلام المليان
صح لسانك يااحمد مطر وصح لسان بن سلمان

[بن خضران]

صحت السسنتكم يالنشاما الله يعطيكم العافيه ..

[بن سلمان]

سعيد بن سالم

بدر البدور

بن خضرا(شاعر المعنى)

علي السبية

نشكر لكم مروركم والله يعطي الجميع العافية

[مسفرالفضيلى]

احمد مطر

بن سلمان


صحت السنتكم وقلوبكم والله يعطيكم الف عافيه يا النشاما


الله يوفقكم

[أحمد مطر]

صح لسانك ملايين يابن سلمان
والله يحيي من شرفنا بوجوده معنا وياليت نكمل عليها يابن سلمان شويه
السنين القديمه روّحت مابين بيض(ن) وسود
خلّ ذلحين بعض الناس عن حقه يدينه كتوفه
في زمان(ن) كثير الناس ماحقق وهيميّته
والله انـّا تمنينا مع العالم نحقق منانا
لكن اكثر طموحاتي عجزت ارتاح وافضا لها

.................................................. ...
ياولد سلمان صارت عيشتي مثل النشب
صار حالي ياوسيع العرف دايم في نقوم
لاتعلمني عن احوال العرب وش نابها ( النوائب)
شف كثير الناس ماعد يهتني شربه وزاده
طاحوا اهل الخير في ذا الوقت بيد اشرارها


تحيااااااااااااتي

[بواردي]

احمد مطر

بن سلمان

رجال وافين وقصايدكم وافية صحت السنتكم

[بن سلمان]

آسف على التاخير يابو مطر

الــــــــــــــــــــــرد

عام الاول بغيت اغدي ضحيه لنمر والاسود
الاسد كشر انيابه وقام النمر يلوي كتوفه
والسباع الضواري تنحسب حتى وهي ميته
انا داري بها لكن هي ماظن تدري من انا
تعتبرني فريسه وأجمل الوجبات وافضالها
.............................................
الفتن نقدر نطفي نارها ولا نشب
مجدنا عالي ونتفاخر ونتعزوى بقوم
الرجال الي بحكمتها تفتل اشنابها
وان سوق المدح نهبط له ونشري في مزاده
وان صلينا النار نعرف جمرها واشرارها

[علي السبيَه]

كلام كبير وشعار كبار

rolleyes:

[أحمد مطر]

البدع :
كم لنا في نزول وكم لخلق الله وهم في سنود
والله يامكثر اعدانا وياقلّ الرجال الحلوفه
واكثر الناس يضمر شيّ ماهو في علانيّته
لكن اهل القسى وقت المواقف مايجيهم ليانا
انشد اللي رفع قامة بني عمّه وحنـّا لها

.................................................
لاوصلت الدار زلّ وعدّ من فوق العتب
وان وصلت المزرع ابصر مايسرّك من تلوم
أرض تنتج للخلايق من خيار احبابها
لكن اللي غرّ منها في بعيد الربع ناده
قلـّه الدنيا تدور وماعرفت اديارها



تحياااااااااااااااتي

[بن سلمان]

الله الله الله يابو مطر صح لسانك وطال عمرك. هذي البدعات الي عليها الكلام لاهنت

الـــــــــــــــرد

الهوامير غشوني ومالي ثابتاً في سنود
حلفوا لي يمين وزدت صدقت اليمين الحلوفه
يوهمون البشر بالكذب والصادق على نيته
كيف مادام مالي راح تحسب مايجي هم لي انا
الهموم الثقيله تعتزي فينا وحنا لها
...........................................
لايهمك قول وش يرضيك ياراع العتب
هذا حال الوقت من تشرهه عليه ومن تلوم
صار ماينثر هموم الروح غير احبابها
وانت اذا راسك عنيد بعد يزيل الرب عناده
ماعرفت اهل الوصول ولا عرفت اديارها

[أحمد مطر]

حيا الله من شرفنا بمروره الكريم وسعداء بتواجدكم جميعا تحياتي للجميع
البدع :
ياحليل اللذي في رحلته ماخذ شراب(ن) وزود
خصّ اذا كانت الوديان من شدّة ظماها نشوفه
قدرة الله في هذا المقام الشين منجيّته
هذا مثل اللذي صابه من اصحابه غدر واخويانا
ليته اقفى يدوّر صحبة الدندون وارجا لها

.................................................. ..........

ياولد سلمان لي عامين ماذقت اللبيب
وانا والله ما إلحِق الشهد الهني والبلح لوم
لوز جافان انتهى كمله وقفـّى البابها
واللي كايد قلبي المعلول داري فين كاده
الله يكفينا الحناشه لاندوس اخبارها

[بن سلمان]

الـــــــــــــــــــرد

عشت يالشاعر الموهوب صاحبنا ومنا وزود
شاعراً يطرب السامع ويستهوي نظر من يشوفه
وان جاء فالمجلس المعمور ترضى الناس من جيته
اشهد انه عزيز ومن خيار اصحابنا واخويانا
وأشهد انه من القوم الذي مانجهل ارجالها
.................................................. ..
والله اني ماشره الا عالعريف وعاللبيب
الحليم الي نعرفه بالرشاد وبالحلوم
قام ينثر للمشاكل مايقفل بابها
لاهيا من بعدها تصبح حياته في نكايد
وأنت يالي دور الفتنه تحر أخبارها

[رياض]

بدع ورد تبيض الوجه صح الله السنتكم...

[بن سلمان]

بدع ورد تبيض الوجه صح الله السنتكم...

الله يبيض وجهك يارياض وشكراً على مرورك

[أحمد مطر]

صح لسانك ملايين يابن سلمان عز الله انك شاعر كبير


وأظن انـّا ابنكتفي إذا ودك واذا لك خاطر تكمل فوالله انك اشعفتاني بهذي الردود المحكمه ولي الشرف





تحياااااااااااتي

[أحمد مطر]

شاعرنا الكبير والمبدع والخلوق / رياض

الله يعطيك العافيه يابطل على وجودك بيننا ولك خالص شكري وتقديري لشخصك الكريم



تحياااااااااااتي

[بن سلمان]

الي حصل فيه بركة والله يبيض وجهك يابو مطر ووجه كل من شرفنا بمروره ونتقابل في لقاء اخر ان شاء الله