"قناص"

[أحمد مطر]

هذا بعض إنتاجي المتواضع والذي سبق أن طرحته سابقاً في أحد المنتديات الشعبيه أتمنى أن يرقى لمستوى ذائقتكم الساميه ..........



يااهل القنص بعلومكم علموني=عن نار شبّت من سبايب شراره
عن نظرةٍ يوم التقتها عيوني=صابت سويدا خافقي بالمهاره
وش رمية الرشاش والساكتوني=مع رمية اللي ماخذ القلب شاره
من عينه اللي رميها مايخوني=النصر في كل المعارك شعاره
ورصاصها ماقاومته الجفوني=كيف ابتقاوم غارةٍ بعد غاره
أمسيت مثل اللي بلاه الجنوني=والنوم جنـّب عن عيوني مساره
ياعين هيّضتي عليّه شجوني=من حبّ خل ٍ ولّع القلب ناره
عزيز ماكنت احسب انـّه يهوني=لين انكر العشره ودنـّس وقاره
وارسل طعونه للمحبّ الحنوني=في ليل ٍ اظلم مستتر في ستاره
صبـّيت دمّي من وساع الطعوني=والدمّ ياطعنات قلبي خساره
بالذات لو ينزف من اللي رموني=تحت العذاب اللي هلكني حصاره
أمّا اعلنوا لي حربكم وابصروني=في جيش مايرسل عليكم بشاره
ولاّ اظهروا لي كرهكم واتركوني=مايستوي عندي محبٍّ وكاره
وان طالت الدّعوى وشانت ظنوني=لااصير امير وقلبي اغلى أماره
وارسل على اهل المنتدى والفنوني=واشرح همومي في صريح العباره
وآقول يااصحاب الجميل انجدوني=من نار شبّت والسبايب شراره

تحياااااااتي