بيض الله وجهك 0عز الله انك راعيها 0أفتونى فى أمرى 0سؤال

[د.ليل الوعد]

اخوانى واساتذتى فى المنتدى 0اتصل على ضيف عزيز من الرياض وقال ترانى يا ابو فلان جايك يوم الاثنين القادم 0قلت له الله يحييك والساعة المباركة 0وصدر المجالس على العز ترحيب
وبعد ساعة رجع واتصل وقال يا ابو فلان ترانى شارط عليك شرط ولى عندك طلب 00قلت له يا بشراك 0قال انا مشتهى اكلة سمك وابيك تغدينا سمك وهذا شرط اساسى
والله يا جماعة جلست افكر لين صدعت 0وشلون اقدم للضيف سمك ؟وهو رجال عزيز وغالى
وانا بينى وبينكم موضوع السمك شايله من راسى ابد
وهذا ضيف ولازم اذبح له ذبيحة وبيض وجهى مع الضيف
الان انا مستحى ويش اقول هل اتصل عليه واقوله انسى موضوع السمك 0عيب
هل اذبح الذبيحة واقدم معها السمك 0ما صارت ابد
هل اخلى الموضوع مفاجاةله 0وبلاشى سمك
واليوم اتصل وقال بشر عسى السمك متواجد 0قلت يا بشراك متواجد
اخوانى انتم عارفين السمك وتكاليف السمك وغلبة السمك وريحة السمك والصحون والقدور والمقلى والمشوى والمحمر والمطفى والصيادية والقلى خارج المنزل وحالة طوارى بالبيت علما بان سعر السمك مقارب لسعر الذبيحة 0ورغم هذا ما يجملك مع ضيفك
المهم انا رجال عازم ومصمم على الذبيحة ولكنى خايف من الضيف يزعل ويش اسوى
لعلمكم ذابح يعنى ذابح واللى يصير يصير واعزمه بالليل على السمك وعارف انه ما هو جاى وضايق على افتونى فى امرى ترانى صدعت واريد الراى النهائى والله يحييكم الكل والجميع فى اى وقت

[طير الجنوب]

هلا يا دكتور

شوف يا الغالي

بما ان الرجال من الرياض فما عندهم سمك طازه فتوكل على الله وسوي السمك واليوم الثاني اذبح الذبيحه على نفسك

وعني ان اقولك سوي السمك اطعم بمية مرره من الذبيحه

واحسب حسابي يا دكتور ترى جاي جاي ما فيها كلام هذي اكلة سمك وما لازم افوتها

وبالعافيه عليكم يا دكتور

والله يوفقك وتامرنا فخدمه ترا حنا جاهزين وتامر امر يا الغالي

تحياتي لك

[ملك الليل999]

مراحب دكتور ليل الوعد
وافي وراعي واجب ووجهك ابيض
من وجهة نظري قدم الذبيحه وقله هذا سمك بري ههههه
وانت ذكي ولبق والضيف راح يقدر ان هذا فعل الاجواد
وبعد ما ينتهي من واجبه اطرح عليه السؤال
وقل له اما انا فعرفت اجابتي فما رأيك لو كنت مكاني لضيف يستحق التكريم ماذا تفعل ؟
اكيد حتى لو جامل بيجيه نفس الاحساس اللي انت حسيته من حرج في اكرام ضيفك
وهذا طبع الكرام
تقبل تقديري واحترامي

[الساحل الشرقى]

قويه د.ليل الوعد انه يجيك ضيف من الرياض وتعشيه سمك راي انا انك تذبح ذبيحه واليوم الثاني الله يعينك على سمك بس لا تنساني
تقبل مروري

[د.ليل الوعد]

طير الجنوب الله يحييك انت ومن معك والساعة المباركة ويعلم الله اننى اتشرف بك وبربعك ولعيونك امر امر

[د.ليل الوعد]

مشكور يا ملك00 الله يحييك تراحيب السيل ولك صدر المجالس انت ومن معك وعلى ما تبيه

[علي السبيَه]

اما انا اقول النفس وما تهوى ارضه ولب له طلبه اول ما يجيك وغدّه
على اكلة سمك معتبره مختصره بينك وبينه والذبيحه خلها على العشاء
وانا لو اني في جده ما كان فاتتني لااكلة السمك ولا الذبيحه ليقيني التام
انك من اهل الكرم والجود يا د:ليل الوعد

[د.ليل الوعد]

اخوى الساحل الله يحييك ونتشرف طال عمرك والساعة المباركة

[د.ليل الوعد]

استاذى السبية ابشر طال عمرك وانت تامر امر ولا يزين المجلس الا بوجودك والجميع الله يحييكم الكل والجميع وتراها الساعة المباركة ويعلم الله الله لا يحرمنا منكم ومن الجميع

[رحاب الرحمن]

د ليل الوعد
انت من اهل الكرم و الجود
طالما الرجل اشتهى السمك الله يرضى عليك قدمه له لا تعلم يكون نفسه فيه الله يعطيه العافية و طول العمر هههه
المهم السمك ان قدم بطريقه مميزة و باصناف متعددة يغنى عن 100 ذبيحة و بصراحة الذبيحة تراه بياكلها كتير و السمك بصراحة اكله لا تعوض

[متعب الدوسي]

انت من اهل الكرم والجود يا د:ليل الوعد
وانا اشوف انك تجيب الذبيحه وتقول هذا واجبك علينا
وتجيب السمك وتقول هذا طلبك

[د.ليل الوعد]

رحاب الرحمن بارك الله فيك وسوف اعمل بنصائحك ونجيب السمك وامرنا لله وبالليل الذبيحة الله يحييكم الكل والجميع وهدفنا ارضاء الجميع وسوف اوافيكم بالنتائج لله يستر

[طير الجنوب]

ها يا دكتور بشر اتخذت القرار النهائي ولا باقي

الله يكون في العون يا الغالي

[د.ليل الوعد]

اخوى متعب بارك الله فيك كبير فى حضورك واللح يحييك يا الغالى
اخوى طير تقريبا والخيرة فيما يختاره الله 00وشكل السمك غالب ولكن الله المستعان 0اهم شى وجود الناجل 00والهامور 00والسيجان 00والتربانى للمشوى والكباب 00والحريد للقلى والله يحييكم جميع