ماهمني قولك,,,وأنا بنت رجال

[القلب ^^ الحنون]

يالله يامعبـود ياهـادي الـضـال =ياعالمٍ بالكـون عرضـه وطولـه
يامهـئ الارزاق عـلام الاجــال=يامنـزل كتابـه وباعـث رسولـه
اطلبك تغفرلي وتلطـف بالأحـوال=وتجيرني من شـر دنيـا ذهولـه
وتزيـل هـمٍ ماهـدا منّـه البـال=يمضي زماني وانهكتنـي حمولـه
الناس في وادي وانا اهيم فجبـال=بوديان حزنٍ جرفتنـي سيولـه !!
القلب فيه مـن المعانـاه ولـوال=والعين تبكـي والسعـاده جفولـه!
اخايل الفرحـه ولا شفـت همـال=متى تشوف العين لحظة هطوله ؟؟
لا ياقصيدي هات لي عـذب وزلال=مـن القوافـي بيـن الٍ واولــه
جهزّ سهومك واعيره تشعل اشعـال=واطلق عنان القاف واسرج خيولـه
صوب الذي رجولته كلهـا اقـوال=هي جعجعه من غير تظهر فعوله !!
ياهيه يامخطي المراجـل وياضـال=عن دربها مثلـك تخونـه رجولـه
ترسل سهامك ذاه شاربك ماطال =تعجز وانا اسمي فوق لا ماتطوله !
ياناكر المعـروف ياخايـب الفـال=ياواطـيٍ لا ماعرفـت الرجـولـه
المرجله عندك شماغٍ مـع اعقـال=وبٍ مفصّل بس يحشـاه زولـه !!
وقفت لك بالعـز والجـاه والمـال=وعلمتك الاكـرام وشهـي اصولـه
شبيت ضوك بعد ماعشت بـااذلال=واطلقت وجهك ياصغير الحمولـه !
من قيض وقتك صرت لك فيَ وظلال=فرشٍ خضر والكل يرغـب نزولـه
ياما انصحوني قلت ماغيـر عـذال=واهم ماقالـو يخـون بسهولـه !!
رميت كلمتهم على يابـس الجـال=واغلقت يمّـك كـل دربٍ سعوولـه
بانت علومك لي قصيرات وطـوال=وستار عِرفك حان موعد سدوله !!
ماهمني قولك وانـا بنـت رجـال=عزي جبل تبطـي عظـم ماتنولـه
ارقا سنودٍ وانت مافيـك تحتـال =وعلى القمم كسبت صوله وجولـه
الفخر لي دله لهـا العـز فنجـال=وطيب المبادي نلت فيها البطولـه
عرضي نزيه وسمعتي فخر الاجيال=وابوي شيخٍ وانت تفداء نعولـه !!
ذكره بياض الوجه لوغاب فرمـال=ولا انت حيٍ ماوصلت لوصولـه !
ذكري ينومس كل ذربيـن الافعـال=وتغتاض منّـه كـل كبـدٍ غلولـه
عسى حياتك كلها بـاارذل الحـال=وحظك تعيس منوخٍ لـك ذلولـه !!
واشوف عينك تذرف الدمع همـال =ومن عز نومـك ياعساهـا ملولـه
واشوف بقعا عامله فيـك الاهـوال=والوقت يعلن في حياتـك ميولـه !
وبين المشافي علَك اقفاي واقبـال=شـرٍ يصيبـك حيرتهـم حلـولـه
والله يحرمك كـل تحقيـق الامـال=وتبقى عيونك فالزمـان امعلولـه
اكبر خطا صرت اصفق يمين بشمال=درسٍ تعلمته واراجـع فصولـه !!




واقصد ه شخص مين وهوا عارف نفسو وانا بسببو بب المنتدي
سلااااااااااااااااااااااااام...
اذكروني بي الخير
اختكم القلب الحنون

[القلب ^^ الحنون]

بـنت العـروبه والاصـالـه بـنت الامـجـاد
سعووديه انا ملكه الدلع انا بنت الاجواد
وفـتخر بـلادي سطـرت امجاد فووق الامجـاد
وافتخر اني بنت الكرم والجود بنت البلاد

**********************************


مايذلني رجال على الأرض وطت رجلـه


ولاتذلني دنيـــا مـن الغالين معتذرهـ


انا بنت الرجال اللي فخرهم ينحني لاصله


وانا بنت الشيوخ اللي قدرهم مامثل قدره

[مشهور]

الاخت القب الحنوب
مع التحية والتقدير
سلام الله عليكم ورحمته وبركاته
احييك هنا في رباع وفي المكان الذي كتبتي فيه كلماتك
ومن هنا فان الادارة العامة للمنتدى يسعدها ان ترحب بك وبمن يكون لديه اى مضلمة او مايكدرالنفس من عضو او من الادارة او من كائن يكون رباع منتدى الجميع ولدينا ادارة ولدينا اخوة يتفهمون لكل من يجد مضايقة من احد ونحن نولى جل همومنا اعضانا فلا منتدى بدون اعضاء ولانقبل الضيم على احد ونحن في شهر كريم نتكاتف ونتعاون ونبدى مالدينا من مشاركات دون منه من احد على احد او مضايقة احد ابدا وهنا استشهد بانني مع ولست ضد كل من لديه حق يريد ان يوصله الينا فاننا لن نهمله وسوف ناخذ له الحق كما ينبغي ومهما كان اتمنى من اختي العزيزة ان تمنحنا الوقت وتشرفنا بمايمكن ان نقوم به من عمل يفيد الجميع ونا باسم الادارة العامة للمنتديات وباسمي شخصيا لن ارضى ولن نرضي باى مضلمة لااحد او تعدى على احد فلكل هنا له حقوق والحقوق محفوضة ارجو الله اكون قد اوضحت لطالب والمطلوب والله اسال ان يعيننا وياكم يجعلنا اخوة متحابين في مايرضي الله ورسوله انشالله وصدرورنا وابوابنا مفتوحة للجميع مع التحية والتقدير
مشهور








واقصد ه شخص مين وهوا عارف نفسو وانا بسببو بب المنتدي
سلااااااااااااااااااااااااام...
اذكروني بي الخير
اختكم القلب الحنون

[بحوور]

الأخت القلب الحنون تقبلي تحياتي وسلامي بصراحه لا أعرف ما هو الشيء الذي أزعجك ومن تقصدين بالضبط ولكن طالما أنك في منتدى رباع فانتي بين أخوتك وأخواتك لن تنضامي وهناك في المنتدى
كبار بقدرهم وخلقهم لن يرضوا بتطاول أحد عليك.
الحق ولا تزعلي أختي القلب الحنون أن قصيدتك أزعجتني لأن فيها دعاء بالإنكسار لشخص أخر هو قبل كل شيء مسلم صدقيني أنني عودت نفسي أن لا أدعو على أحد وأنا في قمة غضبي أتعرفين كيف روضة نفسي أن بدأت أفكر في الشخص الذي يظلمني إذا أنا دعوت عليه فهو لا يهمني ولكن أفكر في هذا الشخص إذا كان لا يهمني فهو يهم أناس أخرين أمه ،زوجته، أطفاله إذا فهناك من ينتظره فلماذا أدعوا عليه وتوافق دعوتي ساعة أستجابه وأحرم هؤلاء منه وهو يعولهم. أختي هكذا عودة نفسي على أن أتسامح مع نفسي والأخرين وأصبحت أوظف دعوتي على شخص يظلمني في دعوة خير لي فليس بينها وبين الله حجاب . يا أختي أنا لا أدعي المثاليه ولكن عندما يتوقف الإنسان للحظات مع نفسه عندها فقط سوف يسلك الطريق الصحيح .

ودمتي أختي القلب الحنون لقب قلبا ً وقالب

[صاحبة السمو]

الله المستعان ..........

يااحليلنا يالحريم لاعصب بنا رجال ...

يعني مااعتقد ان الرجوله بس ع بنات المنتدى..

لاحول ولاقوة الا بالله ..

.................................................. .........

[القلب ^^ الحنون]

انا فعلن كنت في غضبي ولكن الان انا عادي
ويامشهور شكرا لتفاهمك وتعاونك وماقصرت وبعد رباع مايقصر وانا اسفه ان كان سببت ازعاج او فوضه لا حد او في المنتدى وفعلن ماكان قصدي وما توقعت انو حيكون كذا بس تقدرو تقولو انو بسببه كرهت المنتدي ولكن الان بسببكم احببت المنتدي واعتبرو انو ماحصل شي وانو هذي القصيده ماانحطت وانه مافي اي خلاف ولا شي .

ويابحوور انا مو قاسيه لذي الدرجه وفعلن ان القلب الحنون ولا ما كن كلامك اثر فيني
فعلن الشخص هذا له ام وانا مالي حق ادعي عليه
والله يسعده ويستر عليه بس من جد هو قهرني ولكن لجل االاخوه كل شي يهون وترا انا ما احب ادعي على احد لا بي العكس انا ادعي لغيري بي الخير لدرجه اني انسا نفسي و كلامكم تاج على راسي اتوجه واحتفض فيه وشكرا لكم جميعن ولجلكم انا برجع وبعيش معكم تحت سقف رباع واتمني تقبلوني من جديد بينكم

[سطور السنين]

صح لسانك وسلمت يمينك

والله لا يجيب الزعل ويهدي النفوس

اجمل تحية لقلبك الطاهر

اخوك في الله
سطور السنين

[القلب ^^ الحنون]

هلابك اخي حياك منور

[بدوية]

مشكووووورة على النقل
سلمت يمينك
وصح للسان قايلها

[ابــوهــمــام]

صح لسانك اختي القلب الحنون وانشالله قلبك حنون ولايوصل لدرجه ذي بس يكفي انك ريحتي نفسك وعبرتي عن شعورك والله يوفكك ولاتحقدين على احد
واهديلكم جميع هذي البيتين

لاتلوم شخص ضايق ومقهور
هذا قصيده يعبر عن شعوره
ماعلى الدنياء ضاحك ومسرور
ولابد مادمعه على الخد منثوره