حب المراهقه (قصة سلمان ونوره)

[عصفورة الوادي]

حب المراهقه (قصة سلمان ونوره)منو قال انه الحب نوعين مراهقه و حقيقي ، و وايد ناس قالوا انه حب المراهقه حب وهمي و انا اعترف في هالشي بس ساعات يكون حقيقي لانه حب المراهقه تقريباً يكون بين ال11 - 15 سنة اما في 16 - 18 يتغير الحب و يصير شبه حقيقي الى الزواج الي اهوه الحب الحقيقي خلوني اقولكم قصة بين اثنين حياتهم صدفة بصدفة من كثر قلوبهم على بعض .


سلمان و نوره اثنين يحبون النت(الانترنت) و غرامهم الايرسي(MIRC) شبكو و كانوا قاعدين بنفس الغرف اسمها كويت ، سلمان جاف نوره و دخل عليها علشان يكلمها

سلمان: مساء الخير بنوره الي نورت هالليل

نوره: مساء النور بعد انا ناقصتك ياي تتغزل صج ما تستحون انتوا يا الصبيان

سلمان: آسف مو قصدي قلت انجامل و انضيف مذاق للكلام مو حلوة بس مساء الخير و إذا هالشي يضايقج خلاص آسفين ما انكررها ، انا كل الي كنت ابيه نتعرف لا اكثر ولا اقل ، فممكن اذا مافي مانع ؟

نوره: اها خلاص اوكي مو مشكلة انا نوره من الكويت

سلمان: عاشت الاسامي يا نوره ، انا سلمان من الكويت و عمري 15 ، نوره جم عمرج ؟

نوره: عاشت ايامك ، خلني اقولك شي ترا عيب تسأل البنت عن عمرها بس انا بقولك عمري من عمرك يعني 15

سلمان: هههههههههههههه شي حلو

و مع الوكت تعرف على بعض اكثر و ضافوا بعض بالمسنير(المسنجر-messenger-msn) و مع الوكت قاموا يفهمون بعض و لاحظوا انهم مشتركين في وايد اشياء الي يحبونه و الي يكرهونه و اذا واحد فهم زعل الثاني يتضايج ما يزعل منه بعدين ينسى و كل واحد فيهم يقول الي يفرحه و الي يحزنه اذا زعل الطرف يزعل الثاني معاه و اذا فرح طرف يفرح الثاني معاه بعدين حبوا بعضهم و الي سميتوه على قولتكم حب مراهقه و كبروا و اتغير حبهم من مراهقه الى شبه حقيقي و فيه يوم ييه عيد ميلاد سلمان و دش المسنجر جان يلقه واصله 16 اميل و استغرب و قراهم ولا كلهم من نوره اتهنيي بعيد ميلاده و بعضهم بطاقات صور و فلاش حط نفسه اون لاين جان ادش عليه نوره و اهي مستانسه وااايد و اتقول

نوره: كل عام و انته ابخير حبيب البي سوسو

سلمان: و انتي بخير و صحة و سلامة يا نونو ، تسلمين يا نور قلبي انا اقول ليش المسنجر منور علشان نوره موجوده ، هههههههههههههه دزيتي 16 اميل علشان صار عمري 16 ؟

نوره: ههههههههههههههههه طبعاً of course يا حياتي انا من لي غيرك عقبال الف سنة ان شاءالله ، تدري شنو ودي ؟

سلمان: مشكورة يا الغالية تستاهلين بوسه على الراس (k) با نونو ، هههههههههه شنو ودج ؟

نوره: ودي اتكون يمي و اغنيلك "غنوا لحبيبي و قدموا له التهاني في عيد ميلاده عسى هي نية عام افرح حبيبي و اطلب اغلى الاماني الليلة يا عمري لتناديك لأحلام"

سلمان: والله ما أدري شقول ساعات الكلمات تعجر عن التعبير بس صدقيني قلبي يقولج مشكورة لانج فرحتيني يا الغالية

نوره: العفو عشتوووو بس اخجلتني *^_^*

سلمان: يا حلات الي يستحون

نوره: ويي وييي قلبي بس بس

سلمان: سلامت قلبج

نوره: تسلم

سلمان: الله يسلمج و ابيج اتعرفين اني حفرت اسمج وسط قلبي

نوره: بس اسكت ولا اشوي و اطيح غشيانه :P

سلمان: لااا اسم الله عليج فيني ولا فيج

نوره: لا خلها فيني أحسن

سلمان: لا فيني ههههههههههههه

نوره: لا فيني

سلمان: خلاص على راحتج بس بعتبرها فيني

نوره: ههههههههههههههههههه لهدرجة خايف عليي ؟

سلمان: أنا من لي غيرج بالهدنيا انا كل يوم انطرج تشبكين و انا حاط ايدي على خدي اقول الحياة هم و زعل و ضيقة خلق بدونج يا نونو يا الي امنوره قلبي و دربي

نوره: شسوي انا ما ادري متى تشبك و لا تنسى اني استخدم دايل اب مو مثلك دي اس ال

سلمان: ههههههههههههه قولي مشاءالله :P

نوره: ههههههههههههه لاا اتخاف انا عيني بارده عليك يا حلو

سلمان: و انتي بعد بعيوني مهما يلموني يا أغلى الناس

نوره: بسك بسك خش حق زوجتك :P

سلمان: ههههههههههههههه لا اتلوميني اصابيعي ابروحه تكتب

نوره: ههههههههههههههه و منو الي يخليهم يكتبون ؟ :P

سلمان: قلبي يخليهم :P

نوره: يحليلك

سلمان: لا تنسين أنا أكبر منج بسنة :P

نوره: يوووو اشفيك ادلعك و شدعوة سنة كله شهر بالضبط و اصير 16 :P

سلمان: اشفيج اتغشمر خخخخخخخخخ

نوره: يا حلوك و انت تتغشمر

سلمان: *^_^*

نوره: مم اتحب التفاح ؟

سلمان: ايي أحبه و أحب الي يحبه و أحب الكون بوجده :P

نوره: هههههههههههه تفاحة في اليوم اتخلي مجاملاتك دوم :P

سلمان: ههههههههههههه اكلي فراولة ترا حلو مثلج على قلبي

نوره: يعني انت اليوم مو ناوي تتكلم طبيعي :P ما اتعرف فيك دودة

سلمان: ههههههههه ان شاءالله خلاص خلاص

نوره: عفيه على الشاطر

سلمان: 8-) (يعني نظارة و حلج يضحك)

نوره: هههههههههههههههههههههههههههههههههههههههه

سلمان: دوم هالضحكه الحلوه ، اتصدقين ودي اجوفج و انتي تضحكين

نوره: هههههههههههه شدراك يمكن جايفني من كثر ما اتفر بهل المجمعات

سلمان: هااا لا انا ما اطالع :P

نوره: هههههههههههههههههه

سلمان: صدقيني وين ما أروح انتي على بالي "انته عالبال يا عيوني غيرك ما طال اجفوني .. حبك غير بعيني والله .. اسمك يا غالي ما غيره في بالي مهما يصير حبيبي والله" :P

نوره: واااي اتصدق امس انا امعلقه على هالاغنية

سلمان: جفتي اشلون قلبي على قلبج

نوره: ههههههههههههههههه وايد اشياء مشتركه فينا

سلمان: اييي ^_^ ، حبيبتي انا استأذن تأخر الوكت اتآمريني على شي ؟

نوره: سلامتك حبيبي بس ابيك قبل ما اتنام اتقول نوره ثلاث مرات و اتنام هههههههه علشان تحلم فيني :P

سلمان: هههههههههه ان شاءالله يالله باي

نوره: باي

و مرت الايام و جافوا بعض بدون ما يكلمون بعض بس عالماشي طبعاً عن طريق التواعد و كل واحد كبر و الي اشتغل والي قاعد يدرس و فيه يوم ام سلمان نادت سلمان و يي و قالها

سلمان: نعم يمه

أم سلمان: يا وليدي انا كبرت بالعمر و ودي اجوف عيالك مو ناوي تتزوج ؟ ، و اذا ابالك وحده عادي قولي و انا فوراً اخطبها لك مدام عاجبتك

سلمان: (و اهو واااايييد مستانس و متخربط ما يدري شقول لانه راح ياخذ راي نوره) خـــلا..ص يمه مـا يــصيــر خاطرج الا طيــب

أم سلمان: (تضحك و اتقول) يا وليدي منو هذي لهدرجة خلتك ترجف؟

سلمان: خلاص يمه صبري عليي جم يوم و اعطيج خبر

أم سلمان: (تبتسم و اتقول) خلاص روح يا وليدي و اتمنى اتكون بنت الحلال لك

سلمان: (يبوس راس امه و يقول) اعطيج خبر انا و يمشي

راح سلمان شبك على النت و ناطر بكل لهفة و كل طقة قلب اطق بقلبه إنها تشبك و يكلمها و كل ما يفكر بالموضوع اشلون يفاتحها فيه اتزيد طقات قلبه و يتأتئ بالحجي و كلمة "نوره" على باله ما تفارقه يقول انا بنورها و بفرحها بالخبر بس خايف تتردد و يروح و يدور ياي و رايح و فجأة شبكت نوره استانس و راح علطول دش على المحادثة يقول و اصابيعه ترجف

سلمان: مساءالخير و النور الي امنورته نوره

نوره: تسلم حبيب البي اشلونك

سلمان: تمام علشان معاي خبر حلو و اتمنى يفرحج

نوره: دوم ، شنو اهوه ؟

سلمان: أمي تتمنى اتجوف عيالي و قالت لي ابيك تتزوج اذا امفكر بالزواج و البنت الي قررت اطلب ايدها اهيي انتيي *^_^*

نوره: (و اهي متوترة راحت ادور دولكة ماي و قلبها يرقع تكتب) ......

سلمان: لا اتوتريني شنو يعني "....." عطيني معنى إي ولا لأ لأني صار لي ساعة و أنا أدرب علشان أقولج و قلبي يطق أسرع منج هههههههههههه

نوره: ههههههههه خلاص أنا موافقة

سلمان: (طاير من الفرحة و يغني الليلة فرحة غنوا يا ناس) خلاص أوكي عطيني عنوان بيتكم و رقم تلفونكم علشان أكلم الوالده و أبشرها علشان أخطبج

نوره: أوكي (و تعطيه العنوان)

و في اليوم الثاني ام سلمان دقت على أهل نوره و قالوا تعال انجوف الولد عاجب البنت ولا لأ و راحوا و خطبوها و واقفت طبعاً نوره و اهل نوره جافوا سلمان خوش ولد و راعي أخلاق و عنده سمعة زينة و تزوجوا و في يوم من أيام شهر العسل و كان بليل و السما صافية و النجوم واضحة مع القمر كانوا قاعدين سلمان و نوره في شاليه صوب البحر و كانوا قاعدين على شاطئ البحر يطالعون بعض و اتقول نوره

نوره: سلمان والله دنيا اتعرفت عليك صدفة و أنا صغيرة و كبر حبنا و الحين بسوي شي بجوفك اتحبني صج ولا لأ

سلمان: أوكي يا حلوه

اتروح نوره تربط شيلتها بعيون سلمان و اتقوله

نوره: تعال الحقني بقلبك يا سوسو و ديربالك مو اطل اجوف مكاني ههههههههههه

سلمان: (يضحك) هههههههههههه و يمشي يدورها (كل الي يسمع صوت ضحكتها و اهوه يروح جهتها و يغني لها يقول) يوم جفتك خفت من عيني عليك من كثر سحر العيون الناعسة كأنه حسن الكون كله بين إديك التقت بين الرموش الساحره

بعدين نوره اتروح جهة سلمان و اتحط ايدها على حلجه و اتشيل الشيله عن عينه و اتلمه و اتقوله

نوره: بس أنا عمري ما جفت انسان حبني و قدرني كثرك يا الي ساكن عقلي و بالي

سلمان: يطالعها و يمسك ايدها و يقول لو أجمع نور هالقمر مع النجوم كلها ما يوصل نور حبي لج (و يغني لها يقول) في عيونج شي يا عمري ابيه في حياتي لك يا روحي يا حياتي لا تلمون الي تولع عيني فيك

نوره: (تضحك و تبجي من الفرحة) ههههههههههههه

سلمان: (يمسح دمعتها و يبوسها على راسها و يقول) لا تبجين ترى أحس قلبي كأنه ينقط دم لما أجوف الدمعة على ويهج

جفتوا الزمن اشلون خله اثنينه يحبون بعض من قلب ، اذا كان فيه وايد تعاريف للحب عيل قولوا لي شنو تعريف حب هالاثنين ؟

منقـــــــــــــــــــــول