سويسرا يابن الجنوب

[الهجيــــر]

شرفني يابن الجنوب ومن أراد مشاركتنا حياه الله

كأن المنتدى نايم وودنا نصحيه
البدع :


يا سفير سويسرا والبنوك أم الرصيد=
مدري حلًو نهر لوزان والا مرً ماه=
أرتوى صدرك وأنا مابقي في صادري ماء=
ليت صحراء خاطري ما تقل أمطارها=

[علي السبيَه]

الله الله على ابداع صح لسانك ياالهجير وننتضر رد المعلم ابن الجنوب
ليكتمل الابداع وانا اعتبرني حاجز مقعد البدع عندي بعد رد ابن الجنوب
وياليت يكون خويي اللبيدي اذا انه فاضي ووقته يسمح

[شاعر بالمفضل]

صح لسانك يا الهجير بدع جميل وننتظر ابن الجنوب ليكتمل الابداع

السبيه حجز والحجز اوكي وفي انتظار تذكره اللبيدي

اذاً نحن على موعد مع قارعه من العيار الثقيل

[الهجيــــر]

الله الله على ابداع صح لسانك ياالهجير وننتضر رد المعلم ابن الجنوب
ليكتمل الابداع وانا اعتبرني حاجز مقعد البدع عندي بعد رد ابن الجنوب
وياليت يكون خويي اللبيدي اذا انه فاضي ووقته يسمح

صح بدنك يابو طلال
ووجودك أنت واللبيدي وأبن الجنوب تاج على راسي
أنا كنت آدور لواحدٍ منكم تجون الثلاثه أبرك الساعات

[الهجيــــر]

صح لسانك يا الهجير بدع جميل وننتظر ابن الجنوب ليكتمل الابداع

السبيه حجز والحجز اوكي وفي انتظار تذكره اللبيدي

اذاً نحن على موعد مع قارعه من العيار الثقيل

شاعر بالمفضل

تسلم يالغالي على مرورك وطيب ردك
وأنت بس شجعني انا وابن الجنوب والمح وش يضلي فيهم من حيه

[عبدالله اللبيدي]

صح لسانك يالهجير ملايين

ننتظر ابن الجنوب ليضيف ابداع اخر

السبيه أبشر بسعدك وانا ما أقدر أقول لمثلك لا

[إبن الجنوب]

صح لسانك يالهجير وتراني ماني على خبرك فلا تنشبنا في السبيه واللبيدي ... أشكر كل من مر واسمحوا لي

بالرد وأعذروني على القصور...

الرد:إبن الجنوب=

*=

خذت في إيدي بندقه وأحتصيت إن مرّ صيد=
وأبطى ماجاء شدّ ياخوك وإلا من رماه=
ياغبون اللي كما حالتي ماصاد ريما=
والعباريد الضبا ماتقلّ أمطارها=

[الهجيــــر]

أبن الجنوب
الله الله صح لساااااااااانك ملايين على هذا الرد
الا والله انها فرصه لننهل من معينك العذب فلا تحرمنا
ومنها نكسر راس اللبيدي والسبيه ان كان قدرنا

[علي السبيَه]

اما انا ابتقدرون اما اللبيدي ماضنيت ومن اسعد الفرص لما اقصد
معكم بعد عودة المعلم الاول ابن الجنوب وكلكم معلمين واساتذه
ولي عضيم الشرف بمجاراتكم


البدع:علي السبيه=
.=
علمنا والرشد واحد ويد(ن) تنجد ايد=
والضيف الونعم بطبعه يجمل من قراه=
ما نلومك وانت ماضن ياجي منك لاما=
والبنادق ينعرف رقمها واشعارها=

[عبدالله اللبيدي]

صحت السنتكم جميعا أنت يالهجير تهدر من الفدامة من قدام والحين معك ابن الجنوب ما أدري وش بعد نسوي معكم انا والسبيه لكن يقدر الله ينصرنا عليكم لاننا غلبانين على قول السبيه لكن بعد معنا رجان في ابن الجنوب انه ما يطاوعك فينا يالهجير





الرد من اللبيدي=

.=
ودي نبني قارعتنا على بيت(ن) جديد=
بيت(ن) جمّل من يقوله وجمّل من قراه=
كم سمعنا من قصايد وياكم من كلاما=
من ناس(ن) مانفهم أقوالها واشعارها=

[شاعر بالمفضل]

الهجير
ابن الجنوب
السبيه
اللبيدي

اساتذه كبار ومدارس شعريه كلاً على حده
في انتظار مواصله هذه القارعه والبدايه الجميله والتي بنيت على تحدي فيما يبدو بين الشعراء
عموما كما اسلفت نحن على موعد مع قارعه من العيار الثقيل
واني اعلمكم من ذلحين انا محايد ولا فيكم غلبان ولا واحداً قلة مناهله

[الهجيــــر]

الله الله صح لسانك يابو طلال وصح لسان اللبيدي

البدع :


ليتك دمًيت الصوادر مع دمً الوريد=
ما بقي في المزرعه غير حبٌ فيلقاه=
خايف(ن) نمشي ورى من عمي قلبه ونعمى=
وبيوت النحل ودي تلم أشوارها=

[إبن الجنوب]

طيب طيب ياشيخ

الرد:


*=

اللذي دوّرني أعطيه من دم الوريد=
انتبه من حالي النّوم حبّ في لقاه=
واللي مايحتاجني دام في ستر(ن)ونعما=
ربما قصر الخطى خير من مشوارها=

[علي السبيَه]

صح بدنك ولسانك ياالهجير وصح بدن ولسان ابن الجنوب
واشكري الشاعر الكبير شاعر باالمفضل على مروره الكريم
واشادته الطيبه



البدع:علي السبيه=
.=
لا تموّه لي توكّد في اعلامك وكيد=
الحكم عند الذي يفرضونه فيرضاه=
وين ديرة تندحه عن جبال آجا وسلمى=
لا تسرف هدر النعم يامود اهدارها=

[عبدالله اللبيدي]

صحت السنتكم يالبس راسي
ههههه في هذا الرد أنا المتحدث الرسمي بأسم السبيه



الرد من اللبيدي=

.=
نقدر نهلك من بدانا بتعبات(ن) وكيد=
واللي يرضينا نحبه ونسعى في رضاه=
والغشيم اللي عفينا عنه ونجا وسلما=
قولوا ميده لو بغيت المودّه دارها=

[الهجيــــر]

طيب طيب الله يفكنا ويكفينا شركم

البدع :


السبيه صار قايد لجيش الجنجويد=
واللبيدي كلً من لفًته والدورجاه=
مادام ان الحسبه فيها زياداتٍ وخصما=
أقسم طلعات الشواهق على مندارها=

[شاعر بالمفضل]

طيب طيب

الله يعطيكم العافيه واصلوا محاورتكم ولنا المتعه بهذا الابداع

[عاشق المها]

محاوره رائعه ...واصلوا ونحن من المتابعين بإستمتاع ...

[إبن الجنوب]

أشكر كل من مر وعلّق كلن بإسمه...

الرد:إبن الجنوب


*=

اللذي صافح بكفّه كبير الجن جويد=
علّموه إنه قرب مصرعه والدور جاه=
ماحضرت إلا عشان أحسم الموقف وخصما=
والحرب ادرّج رحاها على من دارها=

[علي السبيَه]

البدع:علي السبيه=
.=
تمتثل كل العساكر على امرك ياالعميد=
والحاوي ماحث سيره ولا عدى خطاه=
مابي الا ينهدم بيرنا ونعود نضما=
والمناهل وينهي اديارها ونزورها=

[عبدالله اللبيدي]

طيب طيب ياحبانيه صحت السنتكم



الرد من اللبيدي=

.=
ما نساوي بين راعي الخطية والعميد=
اللي يتعمد نرده ولا عدّى خطاه=
والنمر يعدي على الصعب والا عود(ن) اضما=
ينتهب كفه قلوب الجمال وزورها=

[الهجيــــر]

البدع :


يا سبيه ما يفلً الحديد الا الحديد=
ودك تقتلنا بلا خنجر(ن) وبغير أداه=
انتبه قبلك طريق(ن) وعر والليل ظلما=
والديره حل غن ثعابينها وأخبارها=

[عاشق المها]

حسبكم الله في ذا المحاوره إللي تنجر القلب نجرا........ههههه

صحّت ألسنتكم ........safaqah

وموفقين بإذن الله ... لكم مني أجمل تحية .

rolleyes:rolleyes:rolleyes:rolleyes:

[الساهر]

رباعية رائعة
الهجير
ابن الجنوب
ابو طلال
اللبيدي
تقبلوا مروري واستمروا على هذا النقع يعطيكم العاااااافية

[صقر الجنوب]

الدكاترة اجتمعوا في محاورة واحدة
هذا اللي كنا نتمناه وندوره من زمان
صحت السنتكم يا المطاليق
الهجير
ابن الجنوب
علي السبية
عبد الله اللبيدي

استمروا في قارعتكم الرائعة ليسجلها لكم التاريخ باحرف من ذهب
وانحن متابعين يا المطاليق لهذا الابداع

[إبن الجنوب]

طيب طيب يعطيكم العافيه جميعا وأنا قاعد أحرق بدوع رفيقي لكن الله يعينه ...

الرد:إبن الجنوب

*=

إن جت الغارات ماللحديد إلا الحديد=
والرّدي يقعد لحاله ولا نبغي رداه=
فرق بين مدوّر الحق وبين اللي لظلما=
والرسائل من عناوينها وأخبارها=

[علي السبيَه]

صحت السنتكم جميع ياربعي وانت يالبيدي الله يعينك على بدوعي
آهي ملشلشه لكن الجود من الموجود وانا رفيقك


البدع:علي السبيه=
.=
اورد العد الذي منهله ساع البريد=
ينتبي راع الغرض حاجته وابغيرضاه=
مقدر المّ المطر واجمعه لا فيّح الما=
ناويً برقه يضيح الظلم واسرى رهى=

[عبدالله اللبيدي]

صحت السنتكم جميعاّ وانا فداكم يالبس راسي

كل ما تقوله ياعلي انت وابن الجنوب والهجير عندي عسل..صاكعوا براسيه الله يحللكم



الرد من اللبيدي=

.=
ياعلي جتنا الرسايل معا ساعي البريد=
وانا ما ودّي نرد الجواب بغيرضاه=
صاحبنا نابه من النوم والا فيّ حلما=
شف عناوين اغلب رسايله واسرارها=

[الهجيــــر]

طيب طيب

البدع :


ياسبيه خذ عسلنا ولامات الشهيد=
ابنعطيك السدر كله بنحله وشهداه=
لا تقول الاغنياء ياعلي راحو عداما=
الدنيا ما يستوي طيبها وأشرارها=

[إبن الجنوب]

ماعليه ماعليه...

الرد:إبن الجنوب


*=

ياعرب يكفي مسيرات لامات الشّهيد=
أخجلوا وانتم تشوفون الاقصى وشهداه=
العروبه تنعي أصحابها راحوا عداما=
ماعد حد يقدر يميت القبس وأشرارها=

[صقر الجنوب]

صحت السنتكم يا المطاليق واصلوا واصلوا وانحن جميعا متابعين ومتواجدين

[علي السبيَه]

البدع:علي السبيه=
.=
من رجال اهل الوفا عندنا عمً وسيد=
ودنا نرقى علو الجبل نلفي هواه=
قبل ما تكتب سطورك ولا تدّي رشاما=
ابنميز زين الاوقات من خطّارها=

[عبدالله اللبيدي]

طيب طيب ياحبانيه



الرد من اللبيدي=

.=
اليمن بين الطريق الذي عم(ن) وسيد=
يدّعون الوحدة لاكن كل(ن) في هواه=
الحوثي في صعده يبغي ولاة الديرة شاما=
لاحكمها ياخذ الجزية من خطّارها=

[الهجيــــر]

البدع :


البندق ما ينفع الا مع الرمي السديد=
والخلا ما خوفتنا نموره واشبلاه=
والعمره ما تقبل الا بنيه واحتراما=
ليتنا نحسب لخطواتها وأشبارها=

[إبن الجنوب]

الرد:إبن الجنوب

*=

من نقل سدّك فلا عد تسمّيه السديد=
لا تقل كان أقرب الناس وشبه وشبلاه=
والسنين اللي مضت في مودّه واحتراما=
بعدها بارت قلوب البشر وش بارها=

[علي السبيَه]

البدع:علي السبيه=
.=
في فجوج الخبت قدامكم صحرى وبيد=
واللي يبدي فوق الاهوال ماقرّ ابدواه=
ابدع القيفان واخذ على كتفي وساما=
واتمثّل في المواقيف والحن جورها=

[عبدالله اللبيدي]

الله الله صحت الألسن وانا فداكم



الرد من اللبيدي=

.=
الدكتور أعطى المراضا مناصح راا وبيد=
قام يقطع بالسكاكين ماقرّب دواه=
والدوا من بعد ماجاء غدى حتفي وساما=
ماتوا المرضى منه لا وصل حنجورها=

[الهجيــــر]

الله يهولكم

البدع :


الفضاء خله لنا ياعلي وارض الصعيد=
اللي ما يبغى المشاكل ترى ربي غناه=
وكد الرميه ترى في الفضاء صقر وهاما=
لعبة الزيران ما ربحت زوارها=

[شاعر بالمفضل]

انا في كنف الله منكم

شي علم يهول وكلام يجمل
بيض الله وجيهكم يا المطاليق
واصلوا ابداعاتكم ونحن متابعين

[إبن الجنوب]

الرد:إبن الجنوب

*=

خذت لي جوله على القاهره وأرض الصعيد=
والصعيدي بو شنب ماتراقص بي غناه=
والطموح اللي يسيطر على فكري وهاما=
للدول ذيك اللذي ريّحت زوّارها=

[علي السبيَه]

البدع:علي السبيه=
.=
للقطبين الشمس يوم اشرقت ذاب الجليد=
والدب القطبي ملا من كثيب الثلج فاه=
مانبت فوق ارضها لا ورود ولا خزاما=
من شديد البرد فيها تموت اشجارها=

[عبدالله اللبيدي]

الرد من اللبيدي=

.=
قدر من يشهد بزور(ن) وكذاب الجليد=
واللي يجفى الناس رد(ن) حصى بث لجفاه=
غير راعي النّمّة لو هبت في خشمه خزاما=
يتبصّر حتى يجي بالفتن وشجارها=

[الهجيــــر]

طيب طيب

البدع:


لا متى واحنا ورى عاش عمر ومات زيد=
لا عاشو روس الرخامه وماتو صلمداه=
كيف تفتح خزنة البنك دام النص رقاما=
لا تجيب السمسميه ولا قيثارها=

[إبن الجنوب]

الرد:إبن الجنوب

*=

راعي القبسون يعرف مداها ماتزيد=
لو بغى يرمي مع أسكود ماتوصل مداه=
الصواريخ أهلها عيّدوا والنّصر قاما=
والقباسين أهلها ماتلاقي ثارها=

[علي السبيَه]

البدع:علي السبيه=
.=
لا تحسب شمس المعارف كما العقد الفريد=
ياللي جا في نضرته ضن خايب واشتباه=
فاالبلد فندق نسائي وفيها دار سيما=
هذا كل اللي حصل من ورى تطويرها=

[عبدالله اللبيدي]

طيب طيب ياحبانيه



الرد من اللبيدي=

.=
المعلم وثق القصر والعقد الفريد=
والجدر ماحد قدر في طلوعه واشتباه=
عالعزاز اللي رسم سامته واقدا رسيما=
لو تقيسه قادمك قدّ ما تطوي رها=

[الهجيــــر]

طيب طيب
وصحت السنتكم جميعاً ابن الجنوب اللبيدي علي السبيه
وأنا المستفيد الاول من المحاوره مع شعراء بحجمكم
وكان ودي والله نستمر لكني امر بوعكه صحيه وبقل تواجدي
في الايام الجايه الله يستر لا تطلع حقة الخنازير هذي ! ولا
اعذر احد فيكم واذا كانت الزيارات صعبه لطول المسافه
فانا استقبل الهدايا العينيه وخاصة الماليه ! لو كان ماهلا
كرتون عصير وكرتون بسكوت وعلى الدي اتش ال

البدع :


ياسبيه وأنت حاكم لقيفان القصيد=
واللبيدي تاج راسي عسى عمري فداه=
والله ان افكارنا ساميه والخطر أسمى=
انتم ظلي لاحتمى قيضها وأهجيرها=

[إبن الجنوب]

الف سلامه وماتشوف شر وأبشر بالهدايا تستاهل العلم الغانم...

الرد:إبن الجنوب

*=

كان عندي نيّه إبني عماره بالقصيد=
مافكّرت اخذ من الناس والعم ريفداه=
بعد ماسويت للمنطقه والخطّ رسما=
حدّني وقتي على تركها وأهجيرها=

[علي السبيَه]

الف سلامه ياالهجير ولا تشوف شر وتستاهل اغلا الهدايا والعلوم الغانمه


البدع:علي السبيه=
.=
انتم لي عزوه وانا بينكم ماني وحيد=
انتقينا كل علمً يجمّل منقواه=
حكمنا ليّن ولا جا بعنف وهدّر ادما=
والقضيه واضح للعرب تقريرها=

[عبدالله اللبيدي]

قدامك العافية يالهجير ماتشوف شر وتراها من دعاءنا عليكم أنا والسبيه

إن كان طولت معك الصخونةأبشر بحلّة شربة عليها شوية حوار ..


على العموم بيض الله وجوهكم وصحت السنتكم جميع ونلتقي في متصفح أخر إن شاء الله

شكراّ جزيلا لكل من مر وعلق وشاركنا بتواجده في هذا المتصفح



الرد من اللبيدي=

.=
ياقلوب(ن) بالقساوة كما صخرة وحيد=
والجبل ماحد يتلّه وثيق ومن قواه=
والزلازل ماتهد الجبال تهد ردما=
الله أرساها ويقدر على تقريرها=