الله يسقي الديره/ الرد لمن جازت له شقورها

[هاوي الشعر]

الديره هي الحب والحنين امل ان الابيات مقبوله
والنقد والرد من الشعراء يرفع الراس ويضيء طريقي


البدع/هاوي=
الله يسقيك يا ديره بها كل وافي=
من مزنةٍ سيلها طعمه شبيه الزلالي=
ما شافت العين ديره غيرها تبهج الروح=
ديره بها الخل والاصحاب واهل الكرامات=
بالله ودوا سلامي لاهلها يا مو دين=

[نديم القوااافي]

صح لسانك يا هاوي وتقبل ردي المتواضع

الرد نديم القوااافي=
باب البخاله يرصد حن يشوف اللوافي=
ويعتبر جية الضيفان زلة زلالي =
مكتوب في باب حوشه يمنع الجي والروح=
راع الكرم يا زميلي عندهم في كرا مات=
يقلون رامي بروحه من ورا الهم ودين=

[هاوي الشعر]

الله يبيض وجهك هذا البيت / باب البخاله يرصد حن يشوف اللوافي
عن قصيدة
كفيت ووفيت

[نديم القوااافي]

الله يبيض وجهك هذا البيت / باب البخاله يرصد حن يشوف اللوافي
عن قصيدة
كفيت ووفيت

ويبيض وجهك يالنشمي محاورتك ومجاراتك شرف لي

[almooj]

العزيز الغالي الأخ هاوي الشعر : صح لسانك يا تاج راسي ملايييين
الأخ الكريم نديم القوافي : كفيت ووفيت وصح لسانك والله يحفظكم جميع آمين يا رب .

[الساحل الشرقى]

هاوي الشعر : صح لسانك
نديم القوافي : صح لسانك
يعطيكم العافيه
تحياتي لكم

[عاشق المها]

بدع ورد رائعه ..صحّت ألسنتكم يالنشامى

[علي السبيَه]

الله يحيك ياهوي الشعر تراحيب الغلا وصح لسانك ملايين
وشكرا على الرد يانديم القوافي

[د.ليل الوعد]

الف تحية يا هاوى الشعر الله يوفقك ويرعاك وعساك عالقوة

[هاوي الشعر]

الله يشرف مقدار كل من مر على هذه الصفحه ووجودهم يعلم الله لاثلج الصدر
وعلى راسهم ابو طلال

[القاتل]

يضل صيته مع اهل الطيب شامخ ووافي
ياللي كلامه من الياقوت فرشه زلالـــــــي
من بسمته لاتبسم كأنــها تنهج الـــــروح
يقول غادرت انا الطايف وشفت الكرامات
سكانها من هل المعروف والعلم وديـــــن


اول قصيده للي في هذا المنتدى رداً على الشاعر الكبير واتمنى أن تنال اعجابك اخوي هاوي