اهل الصحف (اللبيدي)

[علي السبيَه]

وشرياك يالبيدي ناخذ لنا جوله في هذه الصفحه


البدع:علي السبيه=
.=
تحيّر ذهاب اهل البواخر والاعواد=
وانا كنت اضن اهل السفر باتلينا=
علامك بجمرك للعرب ياخ شبيت=
انا واللبيدي عندنا علم من شار=
بعد نرسله لهل الصحف ينشرونه=

[الهجيــــر]

أنشهد ان عندكم علم من شار
صح لسانك يابو طلال
وبانتظار المبدع الاخر اللبيدي
وفقكم الله

[ابو عبيد]

طيب طيب

صح لسانك ياعلي
وبانتظار اللبيدي



متابعين

[ملك الليل999]

الله الله هندسه ياابو طلال صح لسانك وعساك سالم وننتظر معالي الوزير ليكتمل الابداع

[ابو عبيد]

طيب طيب

[علي السبيَه]

أنشهد ان عندكم علم من شار
صح لسانك يابو طلال
وبانتظار المبدع الاخر اللبيدي
وفقكم الله

صح بدنك ياالهجير وانا واللبيدي غلابه ماعندنا الا الدجه

[علي السبيَه]

طيب طيب

صح لسانك ياعلي
وبانتظار اللبيدي



متابعين

صح بدنك ياابوعبيد ونشكر لك مرورك الكريم ومتابعتك الطيبه

[علي السبيَه]

الله الله هندسه ياابو طلال صح لسانك وعساك سالم وننتظر معالي الوزير ليكتمل الابداع

حىالله ملك الليل وصح بدنك ياطيب ونشكر لك مرورك الكريم
وانا اشهد ان اللبيدي معالي وزير الشعر والشعراء

[عبدالله اللبيدي]

الله الله صح لسانك وليتك لمحت لغيريه يمكن يكون أبرك منيه تراني بالحرام ماعد اجمّع لكن تراك مسموح اللي مايعجبك عدله وإلا أحذفه

شكرا لكل من مر وعلق وان شاء الله نتجمل معكم ولا تغدي وهمتكم بي خسارة




الرد من اللبيدي=

.=
بفاسك قطعت الغابة وأهجرت الأعواد=
وبيدك كسرت العود ذا بات لينا=
بنوا الناس صبّه وانت تقطع خشب بيت=
ياليتك ياذا المخلوق ما خذت منشار=
تركت الخشب لهله وهم ينشرونه=

[علي السبيَه]

ولو كان يالبيدي وصح لسانك لين ترضى ونويت ابدع لك لين تقل لي
وقف لا عد تبدع والمقصد استفيد واتعلم من مجاراتك يااستاذي


البدع:علي السبيه=
.=
يقولون نخل البصره فيه البلح قاد=
بلحهم لهم لا تحسبه يابا لينا=
تبيّت لنا نيه ولا ادري وش انويت=
ولا اضن في ذا الوقت بيتً بلا جار=
وفي الباديه محظ الابل ينجرونه=

[ملك الليل999]

من يشوف هذا الابداع ويستمتع به لايفوته متابعة الكبار ليستفيد
الله يبيض وجوهكم
نحن متابعين

[علي السبيَه]

من يشوف هذا الابداع ويستمتع به لايفوته متابعة الكبار ليستفيد
الله يبيض وجوهكم
نحن متابعين

حياك الله ياملك الليل وحى الجميع وتفرجو في اللبيدي وهو ينجرني نجر الويل

[عبدالله اللبيدي]

طيب طيب ياعلي صح لسانك والله يعيننه عليك



الرد من اللبيدي=

.=
لنا هيبةٌ تردع هل الشر والأحقاد=
بنحمي على شيماتنا لا بلينا=
والأصحاب ما جنّبت عنهم وشنويت=
صبرت اتلافا ضيقهم والبلا جار=
وهم عذبوا قلبي وكم ينجرونه=

[ملك الليل999]

صبرت اتلافا ضيقهم والبـلا جـار

وهم عذبوا قلبـي وكـم ينجرونـه


لله دركم في هذا الابداع هندسة معلمين
وتاج على الرأس
بارك الله فيكم

[عبدالله اللبيدي]

أخي وصديقي ملك الليل يشرفنا هذا التواجد والتعليق المستمر أنا فدى وجهك يالمطلق

الله لا يحرمنا من تواجدك ..

[مسفرالفضيلى]

علي السبيه

عبدالله البيدي


صحت السنتكم وقلوبكم والله يعطيكم العافيه يا النشاما

الله يوفقكم

[ابو عبيد]

طيب طيب

صحة السنتكم لين تقلون كان

نحن متابعين لكم الين الفجر


الله يعطيكم العافيه

[إبن الجنوب]

صحت السنتكم ياكباتنه واصلوا وفقكم الله...

[علي السبيَه]

نوينا ننجره يالبيدي ولا نوينا نفك لك


البدع:علي السبيه=
.=
من اللي في المجلس يضيّف بلا زاد=
ونور الكهارب والعه واشعلينا=
انا سرت في درب المحبين واخطيت=
بتتغير الاجواء وتبرد وتحتار=
هل الحب من قدام ينتع ذرونه=

[علي السبيَه]

مسفر الفضيلي
ابو عبيد
ابن الجنوب

تسلمون ياربعي واشكر لكم مرورك الكريم كلن بااسمه
وتفرجو في اللبيدي كيف يندفني ندف الويل

[عبدالله اللبيدي]

طيب طيب ياعلي صح لسانك

شكرا لكل من مر اللي علق مشكور واللي ماعلق معذور



الرد من اللبيدي=

.=
رفيقك مريض(ن) ياعلي والبلا زاد=
نوينا نزوره لا تقل وش علينا=
وكب العتاب وقولة أقديت وأخطيت=
وخذها نصيحة لا تفكّر وتحتار=
الى ريت حاله لازم ان تعذرونه=

[علي السبيَه]

رفيقي مريض والمرض من الله والله يشفيه وان كان ابتزورونه علموني يمكن اخاويكم


البدع:علي السبيه=
.=
بدا لي شراب المويه والشرب لك باد=
ولا انحن ولا هم نقبل الماصخينا=
بعيد المدى ثار الخطر وانتعا فيت=
الى اختارو العالم مع الكل تختار=
وقصر الشرف يبنوه ويعال جونه=

[صقر الجنوب]

ابو طلال
ابو محمد

انا اشهد انكم شعراء كبار بكل معنى الكلمة
صحت الالسن وسلمت الابدان من كل شر

[علي السبيَه]

ابو طلال
ابو محمد

انا اشهد انكم شعراء كبار بكل معنى الكلمة
صحت الالسن وسلمت الابدان من كل شر

صح بدنك ياابواحمد ونشكر لك مرورك الكريم
وشهادتك نعتبرها فخر لنا وتاج على روسنا

[الهجيــــر]

على زوالكم
لكن ماعليه وين تروحون يعني ؟؟
بدل كرتون عصير هاه ؟؟؟

[عبدالله اللبيدي]

طييب صح لسانك استلم



الرد من اللبيدي=

.=
على الله ما يتعلق الشر بالأكباد=
لو الشوكة تجرح قدمك ما صخينا=
ونخدمك لو زاد المرض وان تعافيت=
عشانك بنتعاقد معا كل تختار=
يامن لو يبي( كنسلتو ) يعالجونه=

[عبدالله اللبيدي]

على زوالكم
لكن ماعليه وين تروحون يعني ؟؟
بدل كرتون عصير هاه ؟؟؟


مرحبــــــــــــــــــــــــــا يالهجير

اويه ماتتهنى شرك يابقعا حتى وانت مريض(ن) ما ننفك منك

[علي السبيَه]

على زوالكم
لكن ماعليه وين تروحون يعني ؟؟
بدل كرتون عصير هاه ؟؟؟

مجار من كل باس ياالهجير ومجده اللبيدي
اما تتهنى شرك وان كان ماحد يتهنى الشر

[شاعر بالمفضل]

كلام وعلوم ومرضى وتختار

الله يهب لكم معونه

السبيه
اللبيدي

بيض الله وجيهكم وصحت السنتكم

[علي السبيَه]

كلام وعلوم ومرضى وتختار

الله يهب لكم معونه

السبيه
اللبيدي

بيض الله وجيهكم وصحت السنتكم

صح بدنك ياشاعر باالمفضل مرورك يشرفنا ونعتبره تاج على روسنا